திருச்சி கிழக்கு தொகுதியில் போட்டியா? ஜூன் 11ம் தேதி முக்கிய அறிவிப்பு..!! சஸ்பென்ஸ் வைத்த ராகவா லாரன்ஸ்..!!

திருச்சி கிழக்கு சட்டமன்ற தொகுதி இடைத்தேர்தல் பேச்சுகள் சூடுபிடித்துள்ள நிலையில், நடிகர் ராகவா லாரன்ஸ் போட்டியிடப் போவதாக பரவிய வதந்திகளுக்கு அவர் தெளிவான முற்றுப்புள்ளி வைத்துள்ளார். சமூக வலைதளங்கள் மற்றும் சில ஊடகங்களில் தீவிரமாகப் பரவிய இந்த செய்திக்கு விளக்கம் அளித்த அவர், தற்போது தனது புதிய திரைப்படப் பணிகளில் முழுமையாக ஈடுபட்டிருப்பதாகத் தெரிவித்தார்.

ராகவா லாரன்ஸ் தனது அதிகாரப்பூர்வ பதிவில், “திருச்சி கிழக்கு தொகுதியில் நான் போட்டியிடப் போவதாக வெளியாகும் செய்திகள் மற்றும் ஊகங்கள் ஒரு எல்லையைத் தாண்டிவிட்டன. பலரும் என்னைத் தொடர்புகொண்டு விளக்கம் கேட்கின்றனர். இதற்கு முற்றுப்புள்ளி வைக்க விரும்புகிறேன்” என்று கூறினார். மேலும், அவர் தற்போது ‘பென்ஸ்’ என்ற படத்தின் படப்பிடிப்பில் தீவிரமாக ஈடுபட்டுள்ளதாகவும், அந்தப் படப்பிடிப்பு வரும் ஜூன் 10-ம் தேதியுடன் நிறைவடைய உள்ளதாகவும் தெரிவித்தார். 

எனினும், ரசிகர்களிடையே பெரும் எதிர்பார்ப்பை ஏற்படுத்தியுள்ளது அவரது அடுத்த அறிவிப்பு. “எனது தாயாரின் ஆசியுடன், எனது வாழ்க்கையின் மிக முக்கியமான முடிவு குறித்த அதிகாரப்பூர்வ அறிவிப்பை ஜூன் 11-ம் தேதி (வியாழக்கிழமை) காலை 9.30 மணிக்கு வெளியிட உள்ளேன்” என்று அவர் பதிவிட்டுள்ளார். இந்த அறிவிப்பு அரசியல் சார்ந்ததா, திரைத்துறை தொடர்பானதா அல்லது சமூக சேவை சம்பந்தப்பட்டதா என்பதில் ரசிகர்கள் மற்றும் அரசியல் வட்டாரங்களில் பல்வேறு யூகங்கள் நிலவுகின்றன. தெளிவு 11-ம் தேதி கிடைக்கும் என எதிர்பார்க்கப்படுகிறது.

இதையும் படிங்க: ஆபாச படத்தை பார்த்தும்.. எனக்கு ஒரு மாதிரியாக இருந்தது..!! அதன் பின் இதை தான் செய்தேன்.. ஓபனாக பேசிய நடிகை சன்னி லியோன்..!

பின்னணி என்ன? சமீபத்தில் நடைபெற்ற தமிழக சட்டமன்றத் தேர்தலில், தமிழக வெற்றிக் கழகம் (த.வெ.க.) வேட்பாளராகப் போட்டியிட்ட நடிகர் ஜோசப் விஜய், பெரம்பூர் மற்றும் திருச்சி கிழக்கு தொகுதிகளில் வெற்றி பெற்றார். இருப்பினும், ஒரே நபர் இரு தொகுதிகளில் எம்.எல்.ஏ.வாகத் தொடர முடியாத காரணத்தால், திருச்சி கிழக்கு தொகுதி எம்.எல்.ஏ. பதவியை அவர் ராஜினாமா செய்தார். இதை ஏற்றுக்கொண்ட தேர்தல் ஆணையம், அந்தத் தொகுதியை காலியானதாக அறிவித்தது.விதிமுறைகளின்படி, ஒரு தொகுதி காலியானால் அடுத்த ஆறு மாதங்களுக்குள் இடைத்தேர்தல் நடத்த வேண்டும். அதன்படி, நவம்பர் மாதத்துக்குள் திருச்சி கிழக்கில் தேர்தல் நடைபெற வாய்ப்புள்ளது. 

இந்நிலையில், த.வெ.க. சார்பில் ஓய்வுபெற்ற ஐ.ஏ.எஸ். அதிகாரி சகாயம் அல்லது ராகவா லாரன்ஸ் போட்டியிடலாம் என சமூக வலைதளங்களில் தகவல்கள் பரவின. இந்த ஊகங்களுக்கு மத்தியில் ராகவா லாரன்ஸின் வரும் அறிவிப்பு முக்கியத்துவம் பெற்றுள்ளது. தமிழ் சினிமாவின் பிரபல நடிகர், நடன இயக்குநர் மற்றும் இயக்குநருமான ராகவா லாரன்ஸ், முன்பு அரசியல் குறித்த விவாதங்களில் ஈடுபட்டிருந்தாலும், இப்போது தனது திரைப்படப் பணிகளை முன்னிறுத்தி வருகிறார். அவரது அடுத்த முடிவு அவரது ரசிகர்கள் மட்டுமின்றி, தமிழக அரசியல் களத்திலும் பெரும் எதிரொலியை ஏற்படுத்தும் என எதிர்பார்க்கப்படுகிறது.

இதையும் படிங்க: ஜாக்கெட் இல்லாம.. கருப்பு நிற சேலையில் நடிகை..!! சிலிர்க்க வைக்கும் அழகில் சைத்ரா ஆச்சர்..!