‘ஸ்பிரிட்’ படத்தில் ஏற்பட்ட வேலை நேர விவகாரம்...! தீபிகா படுகோனே-வுக்கு நடிகை வித்யா பாலன் ஆதரவு..!

ரசிகர்களின் மிகுந்த எதிர்பார்ப்புகளுக்கிடையே பிரபல இயக்குநர் சந்தீப் ரெட்டிவாங்கா இயக்கத்தில் உருவாகி வரும் திரைப்படம் தான் ‘ஸ்பிரிட்’. இந்திய அளவில் உருவாகி வரும் இப்படத்தில், முன்னணி நடிகர் பிரபாஸ் முக்கிய கதாபாத்திரத்தில் நடிக்கிறார். ஆரம்பத்தில், அவரது ஜோடியாக தீபிகா படுகோனே நடிக்க ஒப்பந்தமாக இருந்தார். ஆனால், அவரின் திடீர் விலகல் படக்குழுவிலும், ரசிகர்களிடையிலும் பெரும் அதிர்வலைகளை ஏற்படுத்தியது. தீபிகாவின் இடத்தை தற்போது பாலிவுட் நடிகை திருப்தி திம்ரி பிடித்துள்ளார்.

ஆனால், தீபிகா ஏன்? இப்படத்தில் இருந்து விலகினார் என்பது பற்றிய செய்திகள், சமூக வலைதளங்களில் பரபரப்பை ஏற்படுத்தி வருகின்றன. தீபிகா படுகோனேவின் விலகலுக்கான முக்கியக் காரணம் என பார்த்தால், தினமும் 8 மணி நேரம் மட்டுமே பணியாற்றும் ஒப்பந்தத்தில் அவர் உறுதியுடன் நிலைத்திருந்தது தான். ஆனால் படக்குழுவுக்கு இதற்கான அனுமதி இல்லை என தெரிகிறது. இந்திய திரையுலகில், குறிப்பாக ஹிந்தி, தெலுங்கு போன்ற  சினிமா துறைகளில், நடிகர்களிடம் 12 முதல் 14 மணி நேரம் வரை பணியாற்றும் கால்ஷீட்டுகள் எதிர்பார்க்கப்படுகின்றன. இந்த சூழலில் தீபிகாவின் 8 மணி நேரம் மட்டுமே வேலைநேரமாக வேண்டும் என அவர் சொல்வதை, சிலர் பாராட்டினாலும், சிலர் எதிர்ப்பு தெரிவித்தனர். இதே காரணத்தால் தான் அவர் இப்படத்தில் இருந்து விலகியதாக கூறப்படுகிறது. இந்த விவகாரம் திரையுலகத்தில் பெண்கள் உரிமை, மாதரித் தன்மை, மற்றும் வேலை நேர சீரமைப்புகள் குறித்து புதிய விவாதங்களை தூண்டியுள்ளது.

இந்த விவகாரம் குறித்து, நடிகை வித்யா பாலன் சமீபத்தில் தனியார் சேனலுக்கு அளித்த பேட்டி ஒன்றில் தீபிகாவுக்கு தனது முழுமையான ஆதரவை தெரிவித்துள்ளார். அதன்படி, "திரையுலகில் இருக்கும் தாய்மார்களுக்கு 8 மணி நேர வேலை நேரம் என்பது நியாயமானது என நான் உண்மையிலேயே நம்புகிறேன். புதிய தாய்மார்களை இழக்கக் கூடாது என்பதற்காக பல துறைகளில் இந்த நடைமுறைகள் ஏற்படுகின்றன. அதேபோல், திரையுலகிலும் இது பின்பற்றப்பட வேண்டும். நான் ஒரு தாய் அல்ல, எனவே 12 மணி நேர வேலை செய்வதில் எனக்கு எந்தவித பிரச்சனையும் இல்லை. ஆனால், தீபிகா சொல்வது முழுமையாக நியாயம்" என வித்யா பாலன் தெரிவித்தார். இப்படி இருக்க, இந்த விவகாரத்தின் பின்னணியில், ஜெனிலியா, தபு, ரசிகா துகல் உள்ளிட்ட சில நடிகைகள் இதற்கு எதிரான கருத்துக்களையும் முன்வைத்துள்ளனர்.

இதையும் படிங்க: கிளாமரில் கொஞ்சம் கூட பாகுபாடு வைக்காத நடிகை..! ரகுல் பிரீத் சிங் போட்டோஸ் வைரல்..!

அவர்கள் கருத்துப்படி, "திரையுலகின் வேலை நடைமுறைகள் என்பது அனைவர் மீதும் பொருந்தும். தனிப்பட்ட முறையில் விதிகளை மாற்றுவது சினிமாவில் குழப்பத்தை ஏற்படுத்தும்" என கூறுகிறார்கள். இதைப் போன்ற கருத்துக்கள், இந்த விவகாரம் சமூக வலைதளங்களில் தீவிர விவாதங்களை தூண்டும் நிலைக்கு சென்றுள்ளன.   அதேபோல, இந்திய திரையுலகிலும் இந்த மாற்றங்கள் தேவைப்படுகின்றன. தொழில்நுட்ப முன்னேற்றங்களால், ஒரு நாள் முழுக்க 12 முதல்14 மணி நேரம் வேலை செய்தே கதாபாத்திரத்தை நிகழ்த்த வேண்டும் என்ற அவசியம் குறைவாகி வருகிறது. இந்த நிலையில், தீபிகா படுகோனே எடுத்த முடிவு, அவரது உரிமையை நிலைநாட்டும் ஒரு முயற்சி என்றும் பார்க்கப்படலாம். தீபிகா விலகிய பிறகு, 'கலா, அனிமல், கபீர் சிங்' போன்ற படங்களில் நடித்து பாராட்டு பெற்ற திருப்தி திம்ரி முக்கிய கதாபாத்திரத்திற்காக தேர்ந்தெடுக்கப்பட்டுள்ளார். அவரின் நடிப்பு திறமையைப் பார்த்து ரசிகர்கள் எதிர்பார்ப்பு வைக்கத் தொடங்கியுள்ளனர்.

ஆனால், தீபிகாவின் இந்த படத்தில் ஏற்படுத்திய தாக்கத்தை மீற முடியுமா என்பது கேள்விக்குறியாகவே  உள்ளது. தீபிகா படுகோனே தனது வேலை நேரம் குறித்த தீர்மானத்தை ஒரு தனிமனித உரிமையாக எடுத்துக் கொண்டது தான், அவரை 'படத்திலிருந்து விலகிய காரணம்' என்ற விமர்சனங்களை தாண்டி, ஒரு புதிய பேச்சுக்களும் எழுந்துள்ளன..அதன்படி இந்த விவகாரம், ஒரு நடிகையின் தனிப்பட்ட விருப்பம் மட்டும் அல்ல, ஒரு சினிமா துறையில் புதிய வாசல் திறப்பதற்கான முயற்சி என்றும் பார்க்கலாம்.

இதையும் படிங்க: கவர்ச்சியின் உச்சத்தில் நடிகை யாஷிகா ஆனந்த்..! நீல நிற சேலையில் அழகிய லுக் போட்டோஸ்..!