விஜய்க்கு அவரது குடும்பமே கடனாளிகளாம்..! ரூ.537 கோடி சொத்துடன் வேட்புமனுத்தாக்கல்.. விவரங்கள் வெளியீடு..!

2026ஆம் ஆண்டு சட்டமன்றத் தேர்தலை முன்னிட்டு நடிகர்-அரசியல்வாதி விஜய் இன்று சென்னை பெரம்பூர் தொகுதிக்கான தனது வேட்புமனுவை அதிகாரப்பூர்வமாக தாக்கல் செய்தார். நீண்டநாள் எதிர்பார்ப்புக்குப் பிறகு விஜய் அரசியலுக்குள் முழுமையாக களமிறங்கியிருப்பதால், அவர் தாக்கல் செய்த வேட்புமனு படிவமும், அதனுடன் இணைக்கப்பட்டுள்ள சொத்து விவரங்களும் இன்று அரசியல் வட்டாரங்களில் பரபரப்பை ஏற்படுத்தியுள்ளது.

வேட்புமனு தாக்கல் நடவடிக்கைக்காக விஜய் காலை 10 மணியளவில் பெரம்பூர் தாலுக்கா அலுவலகம் வந்தார். ரசிகர்கள் மற்றும் கட்சியினரின் வரவேற்பு மத்தியில் முன்னெடுக்கப்பட்ட இந்த நிகழ்ச்சியில், விஜய் தன்னுடைய சொத்துகள், வருமானம், கடன் நிலை ஆகியவை பற்றிய விரிவான தகவல்களை தாக்கல் செய்துள்ளார். இந்திய தேர்தல் ஆணைய விதிகளின்படி, வேட்பாளர் தனது மொத்தச் சொத்து மதிப்பை வெளிப்படையாக அறிவிக்க வேண்டும். அந்த வகையில் விஜய் தாக்கல் செய்த கணக்குகள் தற்போது சமூக வலைதளங்களிலும், ஊடகங்களிலும் பரவலாக பேசப்பட்டு வருகின்றன.

விஜயின் வேட்புமனு படிவத்தின் படி, அவர் வைத்திருக்கும் மொத்த சொத்து மதிப்பு ரூ. 537 கோடி என குறிப்பிடப்பட்டுள்ளது. இதில் அசையா சொத்து ரூ.115 கோடி, மற்றும் அசையும் சொத்து ரூ.404.58 கோடி என விவரிக்கப்பட்டுள்ளது. அசையா சொத்துகளில் நிலம், வீடுகள், வாணிபக் கட்டிடங்கள் உள்ளிட்டவை அடங்கும். அசையும் சொத்துகளில் வங்கி வைப்புகள், முதலீடுகள், கார் போன்ற வாகனங்கள், நகைகள், பத்திரங்கள் போன்றவை அடங்கும்.

இதையும் படிங்க: டிஎன்ஏ பரிசோதனையில் சிக்கிய மாதம்பட்டி..! ஜாய் கிரிசில்டா குழந்தைக்கு தந்தை ரங்கராஜ் தான்.. கோர்ட் அதிரடி உத்தரவு..!

இந்த அளவிலான சொத்து விவரங்கள் வெளியாகியுள்ளதால், சமூக ஊடகங்களில் விஜயின் பொருளாதார திறனைப் பற்றி பல்வேறு கோணங்களில் விவாதங்கள் நடைபெற்று வருகின்றன. குறிப்பாக, தமிழ்நாட்டின் சமீபத்தைய அரசியல் வரலாற்றில் இவ்வளவு பெரும் சொத்துடன் வேட்புமனுத்தாக்கல் செய்த சிலரை மட்டுமே மக்கள் பார்த்திருக்கிறார்கள்; அந்த வரிசையில் விஜய் இடம்பிடித்திருப்பதை பலர் சுட்டிக்காட்டுகின்றனர்.

சொத்து விவரங்களோடு சேர்த்து, விஜய் ‘தான் யாருக்கெல்லாம் கடன் அளித்திருக்கிறேன்?’ என்ற பகுதியையும் திறந்த முறையில் பதிவு செய்துள்ளார். இதில் குடும்ப உறுப்பினர்கள் அனைவரின் பெயரும் இடம்பெற்றுள்ளது. இதுவும் ஒரு வகையில் வெளிப்படையான அரசியல் நடைமுறைக்கு உதாரணமாக ஊடகங்களால் பாரட்டப்படுகிறது.

விவரங்களைப் பார்த்தால்:

சந்திரசேகர் (அப்பா): ரூ. 3 கோடி 2 லட்சம்
ஷோபா சேகர் (அம்மா): ரூ. 87 லட்சம்
சங்கீதா விஜய் (மனைவி): ரூ. 12.6 கோடி
ஜேசன் சஞ்சய் (மகன்): ரூ. 8.78 லட்சம்
திவ்யா சாஷா (மகள்): ரூ. 4.60 லட்சம்

என்று தெளிவாக பட்டியலிட்டு தாக்கல் செய்துள்ளார்.

ஒரு வேட்பாளர் தனது சொத்துகளை மட்டுமல்லாது, தன்னால் வழங்கப்பட்ட கடன் விவரங்களையும் இவ்வளவு விரிவாகப் பதிவு செய்வது அரிது என்பதால், இது இன்று அரசியல் பார்வையாளர்களிடையே பெரும் கவனத்தை ஈர்த்துள்ளது. விஜய் பெரம்பூரைத் தேர்வு செய்தது தொடங்கிய நாளிலிருந்து இத்தொகுதியில் அரசியல் வெப்பநிலை மிகுந்துள்ளது. பாரம்பரியமாக பெரிய கட்சிகளின் ஆதிக்கம் இருந்த இந்த பகுதியில், விஜயின் வருகை இம்முறை வாக்காளர்களிடையே புதிய எதிர்பார்ப்பை உருவாக்கியுள்ளது. குறிப்பாக இளைஞர்களிடையே அவருக்கு பெரும் ஆதரவு இருப்பதாக அரசியல் ஆய்வாளர்கள் கூறுகின்றனர்.

வேட்புமனுத் தாக்கல் செய்யப்பட்ட பிறகு பேசுகையில், “நான் அரசியலுக்கு வந்ததே மக்களை சேவைக்காக. வெளிப்படைத்தன்மையுடனும், பொறுப்புணர்வுடனும் அரசியல் நடத்த விரும்புகிறேன். எனது சொத்து விபரங்களை முழுமையாக வெளியிட்டுள்ளேன். இனியும் மக்கள் நலத்திற்காக பாடுபடுவேன்” என விஜய் குறிப்பிட்டதாக தகவல்கள் வெளியாகியுள்ளன.

இத்துடன் தேர்தல் பிரசாரத்திற்கான திட்டங்களும் தீவிரமாக ஆரம்பிக்கப்பட்டுள்ளதாகக் கூறப்படுகிறது. பெரம்பூர் பகுதி முழுவதும் விஜயின் பிரசாரப் போஸ்டர்கள் மற்றும் கூட்டங்கள் எதிர்வரும் வாரங்களில் அதிகரிக்கவுள்ளன.

இதையும் படிங்க: சேலையிலும் இப்படி கிளாமர் காட்டலாமா..! அண்ணாமலை சீரியலின் பிரபல நடிகை வினிதாவின் மொட்டைமாடி போட்டோஷூட்..!