என்னை பயமுறுத்திட்டாங்க...சினிமாவுக்கு அதுக்கும் சம்பந்தமே இல்லை..! ரகசியத்தை உடைத்த நடிகை அனுபமா..!

தென்னிந்திய திரையுலகில் தனது தனித்துவமான நடிப்பும், அற்புதமான அழகும் கொண்டு ரசிகர்களின் மனதில் இடம் பிடித்துள்ளவர் நடிகை அனுபமா பரமேஸ்வரன். மலையாளத்தில் தொடங்கி, தெலுங்கு, தமிழ், கன்னடம் என பன்முக மொழிப் படங்களில் நடித்திருக்கும் அனுபமா, தனது தேர்ந்தெடுக்கப்பட்ட கதாபாத்திரங்களால் விமர்சகர்களிடம் பெரும் வரவேற்பும், ரசிகர்களிடையே தனிச்சிறப்பும் பெற்று வருகிறார்.

அவரது நடிப்பில் சமீபத்தில் திரைக்கு வந்த திரைப்படம் “கிஷ்கிந்தாபுரி”. இந்த படம் விமர்சகர்களிடையே மிதமான வரவேற்பைப் பெற்றிருந்தாலும், ரசிகர்களிடம் நல்ல வரவேற்பை பெற்றது. குடும்பத்துடன் பார்ப்பதற்கான சுத்தமான உள்ளடக்கம், மற்றும் அனுபமாவின் பங்குக்கு வழங்கப்பட்டு இருந்த முக்கியத்துவம் இந்த படத்திற்கு அதிக பாயிண்ட் சேர்த்தது. அதனைத் தொடர்ந்து, அனுபமா தற்போது துருவ் விக்ரம் நடிக்கும் “பைசன்” என்ற திரைப்படத்தில் கதாநாயகியாக நடித்துள்ளார். இந்தப் படம் வருகிற அக்டோபர் 17-ம் தேதி திரையிடப்பட உள்ளது. இயக்குனர் மார்க்ஸ் சிவசாமி இயக்கியுள்ள இந்தப் படத்தில், அனுபமா மிக வித்தியாசமான கதாபாத்திரத்தில் நடித்து இருக்கிறார் என்று கூறப்படுகிறது. படம் ஒரு மாஸ் ஆக்ஷன் திரில்லராக உருவாகி இருப்பதால், ரசிகர்களிடம் இது பெரும் எதிர்பார்ப்பை உருவாக்கியுள்ளது.

இந்நிலையில், ஒரு பிரபல ஊடகத்துக்கு வழங்கிய நேர்காணலில், அனுபமா தனது பள்ளிப் பருவ நினைவுகளை பகிர்ந்துள்ளார். “நடிகையாக வேண்டும்” என்ற ஆசை குழந்தை பருவத்திலிருந்தே இருந்தாலும், பள்ளியில் பெற்ற அனுபவங்கள் காரணமாக அந்தக் கனவை சில காலம் தவிர்த்திருந்ததாக அவர் தெரிவித்தார். அதன்படி அனுபமா கூறுகையில், “சின்ன வயசுல இருந்து நாங்க எப்போது ‘நடிப்பது’ என்பது ரொம்ப பெரிய விஷயம் மாதிரி. நான் நடிக்கணும்னு ஆசைப்பட்றேன். ஆனா என் பள்ளியில், எப்போதும் முதலிடம் பிடிக்கிறவங்களுக்கு மட்டும்தான் எந்த போட்டியிலேனும் வாய்ப்பு கொடுப்பாங்க. நல்லா படிக்கிறவர்கள் தான் பெரிய வசனங்களையும், கவிதைகளையும் மனப்பாடம் பண்ணி பேச முடியும் என்னும் எண்ணம் என் பள்ளியில் இருந்தது. நானும் அதையே நம்பி வளர்ந்தேன்.

இதையும் படிங்க: அம்மாவாக வாழ்ந்து பார்க்க அதிகம் ஆசை...! அது ஒரு அழகான அனுபவம் - நடிகை ரக்‌ஷனா ஓபன் டாக்..!

நான் ஸ்கூல் டாப்பர் இல்லை. அதனால் எனக்கு நடிக்க முடியாது, நடிகை ஆகவே முடியாது என்கிற பயம் உருவாயிடுச்சு. அதனால் நான் பல வருடங்களுக்கு என் அந்த ஆசையை ஒதுக்கினேன். வீட்டுலயும் இதே மாதிரி ஆலோசனைகள். ஆனா நம்மள மாதிரி சாதாரண வாழ்க்கை பாடத்தில் கஷ்டப்படுறவங்க, தானே உண்மையான வாழ்க்கையை எதிர்கொள்றோம். பேராசிரியர்களும், வாழ்க்கை அனுபவங்களும் எனக்கு பின்னாளில் சுட்டி காட்டியது – “நடிப்பு” என்பது ஒரு பாடமல்ல, அது உணர்வின் வெளிப்பாடு. அது புத்திசாலித்தனத்தை மட்டுமல்ல, உணர்ச்சிகளை உணர முடியும் திறனையும் தேவைப்படுத்தும்.” என்றார்.

இப்படியாக அவர் பேசியது தற்போது சமூக வலைதளங்களில் வைரலாகியுள்ளது. அனுபமாவின் இந்த நேர்காணல், கல்வி, திறமை, வாழ்க்கை அனுபவம் என இவைகள் அனைத்தும் எப்படி வெற்றிக்கு துணை போகலாம் என்பதையும், சாமான்ய மாணவனாக இருந்தாலும், கனவுகளை எடுப்பதற்கும் சாதிப்பதற்கும் வழியுண்டு என்பதையும் விளக்குகிறது. இது, இன்று பள்ளி, கல்லூரிகளில் மன அழுத்தத்துடன் வாழும் இளைஞர், மாணவர்களுக்கு ஒரு மிகப் பெரிய ஊக்கமாக அமைந்துள்ளது. இந்நிலையில், பைசன் திரைப்படத்தின் ப்ரோமோஷன்களுக்காக, அனுபமா தமிழ், தெலுங்கு, மற்றும் ஹிந்தி ஊடகங்களிடம் பேட்டி அளித்து வருகிறார். அந்தப் பேட்டிகளில், பெண்கள் தங்கள் கனவுகளை தடுக்காமல் தொடர்ந்து போராட வேண்டும் என்ற கருத்தையும் வலியுறுத்தி வருகிறார்.

இறுதியாக, அனுபமா கூறிய ஒரு வரி இப்போது பலரின் சிந்தனையாகி விட்டது. என்னவெனில் “நான் ஸ்கூல் டாப்பர் இல்லாததாலேயே என்னால நடிகை ஆக முடியாது என நினைத்தது, என் வாழ்க்கையில செய்த ஒரு பெரிய தவறு” என்பது தான். இந்த நேர்காணல், நம் சமூகத்தில் இருந்து வரும் மெய்யானப் போக்குகளையும், மனிதனின் உள்ளுணர்வுகளையும் வெளிக்கொணர்கிறது. அனுபமாவின் பயணம், சாதனையை அடைய கல்வி மட்டுமே போதுமானது அல்ல, ஊக்கம், விடாமுயற்சி, மற்றும் சுய நம்பிக்கையும் அவசியம் என்பதை மீண்டும் நிரூபிக்கிறது.

இதையும் படிங்க: கரூர் சம்பவம் த.வெ.க-வுக்கு ஒரு பாடம்..! முதலில் பாதுகாப்பு.. பின்பு தான் பிரச்சாரம் - நடிகை சனம் ஷெட்டி ஆவேசம்..!