நடிகை என்றால் கேவலமா..! இப்படியா நடத்துவீங்க.. ஆணாதிக்கத்தில் ஆடாதீங்க - கீர்த்தி சனோன் ஆவேசம்..!

இந்திய திரைப்பட உலகம் உலகளவில் பெருமைப்பட்டுக் கொள்ளும் ஒரு சினிமா உலகம். ஆனால் அந்தப் பெருமைக்குப் பின்னால், சில இடைவெளிகள், பாகுபாடுகள், சமத்துவமின்மைகள் நிலவுகிறதா? இதற்கான பதிலாக, பாலிவுட் நடிகை கீர்த்தி சனோனின் சமீபத்திய கருத்துகள் பெரும் அதிர்வலைகளை ஏற்படுத்தியுள்ளன. ‘மிமி’ படம் மூலம் தேசிய விருது வென்ற கீர்த்தி சனோன், தனது திறமையாலும் குரல் கொடுக்கும் துணிச்சலாலும், இந்த தலைமுறை பெண்கள் நடிகைகளில் தனி இடத்தைப் பிடித்துள்ளார்.

பாலிவுட்டில் தொடர்ந்து முன்னணி நடிகையாக திகழும் அவர், சமீபத்தில் பங்கேற்ற ஒரு செய்தியாளர் சந்திப்பில், சினிமா துறையில் பெண்கள் எதிர்கொள்ளும் பாகுபாடு, குறிப்பாக ஆணாதிக்கம், குறித்து பேசினார். அதில் கீர்த்தி சனோன் கூறும் வார்த்தைகள் நேர்மையானவை மட்டுமல்ல, பல நடிகைகள் எதிர்கொள்ளும் மௌன வேதனைகளுக்கு ஓர் எடுத்துக்காட்டாக அமைந்துள்ளது. அதன்படி அவர் பேசுகையில், "பாலிவுட் சினிமாவில் நடிகர்களின் ராஜ்ஜியம் தான் நடக்கிறது. ஒரு நடிகை அதிகாலை முதல் தயாராக காத்திருக்க வேண்டியிருக்கும். ஆனால் நடிகர் கிளம்பும்போது தான் படப்பிடிப்பு ஆரம்பிக்கப்படும்." என்கிறார் கீர்த்தி. அதாவது, நேரத்தை மதிப்பது, ஒழுங்காக செயல்படுவது போன்றவை நடிகைகளுக்கு மட்டும் எதிர்பார்க்கப்படும் ஓர் கட்டுப்பாடாக இருக்க, நடிகர்களுக்கு விதிகள் கடைப்பிடிக்கப்படவில்லை என்பதே அவரது குறை. அத்துடன் நடிகைகள் மற்றும் நடிகர்களுக்கிடையே உள்ள வசதிகள், கவனம், மற்றும் மரியாதை ஆகியவற்றில் பாரிய வித்தியாசம் இருப்பதாக கீர்த்தி சனோன் வெளிப்படையாக கூறுகிறார். அதன்படி, “நடிகர்களுக்கு அட்டகாசமான அறைகளும், சொகுசு கார்களும் ஏற்பாடு செய்யப்படும். அவர்களை அப்படியே விழுந்து விழுந்து கவனிப்பார்கள். ஆனால் நடிகைகளுக்கு சிறிய அறைகள், சாதாரண கார்கள். இது ஏன்? இது மாறவேண்டும்!” என்றார் அவர்.  கீர்த்தி சனோன், திரைத்துறையில் ஒரு நடிகையாக மட்டுமல்ல, சமூக விழிப்புணர்வுள்ள பெண்ணாகவும் செயல்படுகிறார். 'மிமி' போன்ற படத்தில் கேரியருக்கு சவாலான கதாபாத்திரத்தில் நடித்ததற்காக அவர் தேசிய விருது பெற்றிருக்கிறார்.

ஒரு சரோகேசி தாயாக நடித்த அந்தக் கதாபாத்திரம் மூலம், பெண்கள் உடலை வணிகமாக்கும் சமூக நடைமுறைக்கு எதிராக ஒரு மௌன எதிர்ப்பாக அமைந்தது. அந்த படத்திற்குப் பிறகு வந்த புகழிலும், இப்போது அவர் பேசும் சிக்கலிலும், பெண்களின் உரிமை, மதிப்பு, மற்றும் மரியாதை என்ற மூன்று தகுதிகளும் மையமாக இருப்பதை மறுக்க முடியாது. குறிப்பாக பாலிவுட் மட்டுமல்ல, இந்தியாவின் பல்வேறு திரைப்படத் துறைகளிலும், பெண்கள் சினிமாவைப் பொறுத்தவரை இன்னும் ஒரு 'ஆப்ஷன்' மட்டுமே என்ற நிலைமை நிலவுகிறது. முன்னணி கதாபாத்திரங்கள் பெரும்பாலும் ஆண்களுக்கே எழுதி தரப்படுகின்றன. கதையின் மையம் அவர்களை சுற்றி நகர்கிறது. பெண்கள் நடிப்பு, அழகு, மற்றும் இரண்டாம் நிலை பங்களிப்புக்காக மட்டுமே அமையும்போது, அவர்கள் முழுமையான கலைஞர்களாக உரிய மரியாதையை பெற முடியாது. இப்போது வரும் நடிகைகள் தங்களின் உரிமைகளை கேட்கத் தயங்கவில்லை. கீர்த்தி சனோன், தாப்ஸி பன்னு, கல்கி, அலியா பட், அனுஷ்கா சர்மா போன்றோர் அனைவரும் தங்களது அனுபவங்களை வெளிப்படையாக பேசத் தொடங்கியுள்ளனர்.

இதையும் படிங்க: இதை உங்களிடம் நான் எதிர்பாக்கல..! ரசிகர்களை குறித்து காரசாரமாக பேசிய நடிகை கல்யாணி பிரியதர்ஷன்..!

இது, திரை உலகில் நடக்கும் பாகுபாடுகளை தோற்கடிக்க தேவையான முதல் அடி. சமீபத்தில் நடிகை அனுபமா பரமேஸ்வரனும் தெலுங்கு சினிமாவில் நடிகர்களுக்கு அளிக்கப்படும் உயர்ந்த வசதிகள், நடிகைகளுக்கு கிடைப்பதில்லை என்று கூறியிருந்தார். இதுவே கீர்த்தி சனோனின் கூற்றுக்கும் ஒத்திருக்கும் வகையில் இருக்கிறது. திரைப்பட உலகில் வரும் இந்தக் கேள்விகள், சர்வதேச அளவிலும் முன்னோடி இயக்கங்களை உருவாக்கியுள்ளன. இந்திய சினிமாவிலும் இதே போன்று வாழ்வாதார, மரியாதை மற்றும் தொழில்முறை சமநிலை நிலைநாட்டப்பட வேண்டியுள்ளது. அதன் பயணம் ஆரம்பமாகியுள்ளது. ஆகவே பெரும்பாலான பெண்கள், அதிலும் குறிப்பாக திரைப்படத் துறையில் உள்ளவர்களுக்கே கூட, தங்களை எதிர்த்து பேசவேண்டிய சூழ்நிலைகளை உருவாக்குவது கடினம். ஆனால் கீர்த்தி சனோன், தனது வெற்றிக்கு பின்னால் தன்னம்பிக்கையுடன் இருந்தபடியே, இந்த பாகுபாடுகளை வெளிச்சத்திற்கு கொண்டு வந்திருக்கிறார். இது ஒரு வெறும் நடிகையின் குறை அல்ல. இது ஒரு தொழில்முறை துறையின் பாதிப்புகளை வெளிப்படுத்தும் சமூகக் குரல்.

அந்தக் குரல் எழும்பியுள்ளதோடு, அதை அனைவரும் கேட்கும் நேரம் இது. பாலிவுட்டில் பெண்கள் மட்டும் அல்ல, அனைத்து தொழில்துறைகளிலும் பணியாற்றும் பெண்களுக்கு உரிய மரியாதை, பாதுகாப்பு மற்றும் வாய்ப்பு கிடைக்கவேண்டும் என்பது இந்தக் கருத்தின் மையக் கருத்தாக இருக்கிறது.

இதையும் படிங்க: அடுத்தடுத்து வாய்ப்புகளை அள்ளும் நடிகை ருக்மணி வசந்த்..! அடுத்த படம் டாப் ஹீரோவோடு தான்..!