Love பண்றது தப்பா.. அதை மறைக்க வேண்டிய அவசியம் இல்லையே..!! ஹீராவுடனான காதல் கதை குறித்து மனம் திறந்த AK..!

தமிழ் சினிமாவில் தனக்கென தனி பாதையை உருவாக்கிய நடிகர்களில் முக்கியமானவர் அஜித்குமார். ரசிகர்களால் அன்போடு “தல” என்று அழைக்கப்பட்ட அவர், தற்போது தனது நடிப்பை மட்டுமின்றி கார் பந்தயம், தனிப்பட்ட ஆர்வங்கள் என பல துறைகளிலும் கவனம் செலுத்தி வருகிறார். எந்தவிதமான அரசியல் பின்னணியும் இல்லாமல், ரசிகர் மன்றங்களின் ஆதரவையும் தவிர்த்து, தனக்கான மிகப்பெரிய ரசிகர் பட்டாளத்தை உருவாக்கிய நடிகர் என்ற பெருமை அஜித்துக்கு உண்டு.

சமீப காலமாக அவரது திரைப்படங்கள், கார் ரேஸ் சாதனைகள் மற்றும் பழைய பேட்டிகள் என அனைத்துமே சமூக வலைதளங்களில் மீண்டும் கவனம் பெறுவது வழக்கமாகியுள்ளது. அந்த வகையில், நடிகை ஹீராவுடனான தனது காதல் குறித்து அஜித் பல ஆண்டுகளுக்கு முன்பு அளித்திருந்த பேட்டி ஒன்று தற்போது மீண்டும் வைரலாகி வருகிறது. அஜித்குமார் நடிப்பில் கடந்த ஆண்டு வெளியான ‘விடாமுயற்சி’ மற்றும் ‘குட் பேட் அக்லி’ ஆகிய திரைப்படங்கள் மிகப்பெரிய எதிர்பார்ப்புக்கு மத்தியில் வெளியானது. நீண்ட இடைவெளிக்குப் பிறகு அஜித்தை திரையில் பார்க்க ரசிகர்கள் ஆவலுடன் காத்திருந்த நிலையில், இந்த இரண்டு படங்களும் ரசிகர்களின் எதிர்பார்ப்பை முழுமையாக பூர்த்தி செய்யவில்லை என்ற கருத்துகளும் எழுந்தன.

அதே நேரத்தில், அஜித் ரசிகர்கள் மத்தியில் இந்த படங்கள் குறித்த பார்வை மாறுபட்டதாகவே உள்ளது. குறிப்பாக, ‘விடாமுயற்சி’ திரைப்படம் தற்போது அனைவராலும் புரிந்து கொள்ளப்படவில்லை என்றாலும், எதிர்காலத்தில் அந்த படம் கொண்டாடப்படும் என்று பல ரசிகர்கள் நம்பிக்கை தெரிவித்து வருகின்றனர். அஜித்தின் திரைப்படங்களுக்கு எப்போதும் கிடைக்கும் ஓப்பனிங் என்பது தமிழ் சினிமாவில் தனி சாதனையாக பார்க்கப்படுகிறது. ரசிகர் மன்றங்களை அவர் பல ஆண்டுகளுக்கு முன்பே கலைத்துவிட்டாலும், அவரது திரைப்படங்கள் வெளியாகும் போது திரையரங்குகளில் காணப்படும் கொண்டாட்டம் குறையவில்லை.

இதையும் படிங்க: இது என்னபாஸ் நியாயம்..!! ‘ஜனநாயகன்’ ஏ சான்றிதழ் படம்.. ஆனா அமைச்சர் ராஜீவ் மட்டும் குழந்தையுடன் படம் பார்க்கலாமா.. வெடித்தது சர்ச்சை..!

தற்போது அஜித்குமார் இயக்குநர் ஆதிக் ரவிச்சந்திரன் இயக்கத்தில் நடிக்க உள்ளதாக தகவல்கள் வெளியாகி வருகின்றன. இந்த திரைப்படம் தொடர்பான அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது. மேலும், இந்த படத்தை அஜித் தானே தயாரிக்க வாய்ப்புள்ளதாகவும் சில தகவல்கள் வெளியாகியுள்ளன. ஆனால் இதுகுறித்த அதிகாரப்பூர்வ தகவல் இன்னும் வெளியாகவில்லை. ஒருபுறம் திரைப்படங்களில் பிஸியாக இருக்கும் அஜித், மறுபுறம் தனது நீண்ட நாள் ஆர்வமான கார் பந்தயத்திலும் தீவிரமாக ஈடுபட்டு வருகிறார். துபாயில் நடைபெற்ற கார் ரேஸ் போட்டிகளில் தனது அணியுடன் பங்கேற்ற அவர், அதில் சாதனையும் படைத்தார்.

அஜித்தின் கார் ரேஸ் வெற்றி அவரது ரசிகர்களிடம் மிகப்பெரிய உற்சாகத்தை ஏற்படுத்தியது. உலக அளவில் நடைபெறும் பல்வேறு பந்தயங்களில் தனது அணியுடன் கலந்து கொண்டு வரும் அவர், சினிமாவையும் தனிப்பட்ட ஆர்வங்களையும் சமநிலைப்படுத்தி வருகிறார். திரைப்படங்களைத் தாண்டி அஜித்தின் தனிப்பட்ட வாழ்க்கை குறித்தும் ரசிகர்கள் எப்போதும் ஆர்வம் காட்டி வருகின்றனர். குறிப்பாக, அவரது எளிமையான வாழ்க்கை முறை, குடும்பத்தின் மீது வைத்திருக்கும் அன்பு மற்றும் பொதுவெளியில் அதிகமாக பேசாமல் இருப்பது ஆகியவை அவருக்கு தனி மரியாதையை பெற்றுத் தந்துள்ளது.

அஜித் தனது வாழ்க்கையில் நடிகை ஷாலினியை காதலித்து திருமணம் செய்து கொண்டார். இருவரும் தமிழ் சினிமாவின் மிகவும் விரும்பப்படும் நட்சத்திர ஜோடிகளில் ஒருவராக பார்க்கப்படுகின்றனர். ஆனால், அதற்கு முன்பு 90களில் நடிகை ஹீராவுடன் அஜித் காதலில் இருந்தது அனைவரும் அறிந்த விஷயம். இருவரும் சில காலம் நெருக்கமான உறவில் இருந்த நிலையில், பின்னர் சில காரணங்களால் பிரிந்து சென்றனர்.
இந்த காதல் குறித்து அஜித் அப்போது அளித்திருந்த பேட்டி ஒன்றில் மிகவும் வெளிப்படையாக பேசியிருந்தார். அந்த பேட்டிதான் தற்போது மீண்டும் ரசிகர்கள் மத்தியில் பேசுபொருளாகியுள்ளது.

அந்த பேட்டியில் அஜித் கூறியிருந்ததாவது, "நீ ஒரு நடிகன். உன்னுடைய உணர்வுகளை எல்லாம் வெளிப்படையாக காட்டக்கூடாது. உன்னைப் பற்றி எல்லாவற்றையும் சொல்லக்கூடாது என்று பலரும் சொல்கிறார்கள். ஆனால் இமேஜ் என்றால் என்ன என்று எனக்கு புரியவில்லை. நான் ஏன் என்னைப் பற்றி மற்றவர்களிடம் மறைக்க வேண்டும்? நானும் ஹீராவும் காதலித்தோம் என்பதை நான் எல்லோரிடமும் சொன்னேன். காதல் என்பது தவறான விஷயம் கிடையாது. அது ஒரு அழகான உணர்வு. அதற்கு பிறகு சில விஷயங்கள் எங்களுக்குள் ஒத்துப்போகவில்லை. அதனால் பிரிந்து செல்ல முடிவு செய்தோம்" என்று அவர் தெரிவித்திருந்தார்.

அஜித்தின் இந்த பேச்சு அவரது ரசிகர்களிடையே தற்போது மீண்டும் கவனம் பெற்றுள்ளது. பொதுவாக நடிகர்கள் தங்களது தனிப்பட்ட வாழ்க்கை குறித்து அதிகமாக பேசாமல் இருக்கும் நிலையில், அஜித் தனது காதல் குறித்து மிகவும் இயல்பாகவும் நேர்மையாகவும் பேசியது பலராலும் பாராட்டப்பட்டது. திரைப்பட நட்சத்திரங்களுக்கு இருக்கும் “இமேஜ்” குறித்த எதிர்பார்ப்புகள் அதிகமாக இருக்கும் காலகட்டத்திலேயே, தனது வாழ்க்கையில் நடந்த விஷயங்களை இயல்பாக ஏற்றுக்கொண்டு பேசியவர் அஜித்.

காதல் என்பது வாழ்க்கையின் ஒரு பகுதிதான் என்றும், அது தோல்வியடைந்தாலும் அதில் அவமானப்பட வேண்டியதில்லை என்றும் அவர் கூறிய விதம், அவரது ரசிகர்களிடையே இன்னும் மதிப்பை பெற்றுள்ளது. தற்போது இந்த பழைய பேட்டி மீண்டும் சமூக வலைதளங்களில் வைரலாகி வரும் நிலையில், அஜித்தின் நேர்மையான அணுகுமுறை குறித்து ரசிகர்கள் பலரும் பதிவிட்டு வருகின்றனர்.

ஒருபுறம் புதிய திரைப்படத்திற்கான எதிர்பார்ப்பு, மறுபுறம் கார் ரேஸ் சாதனைகள், இன்னொரு புறம் பழைய நினைவுகளை மீண்டும் பேச வைக்கும் பேட்டிகள் என அஜித்குமார் தொடர்ந்து ரசிகர்கள் மத்தியில் கவனம் ஈர்த்து வருகிறார். அவரது அடுத்த திரைப்பட அறிவிப்பு எப்போது வெளியாகும் என்ற எதிர்பார்ப்பும் ரசிகர்கள் மத்தியில் அதிகரித்துள்ளது.

இதையும் படிங்க: நாடாளுமன்றத்தில் பெரும்பான்மை இருந்தால்தான் நீட்டை ரத்து செய்ய முடியும்..!! அமைச்சர் ஆதவ் அர்ஜுனா மீது குற்றம் சாட்டிய தெருக்குரல் அறிவு..!