ஆல்யா மானசா - சஞ்சீவ் வீட்டில் பிறந்தநாள் கொண்டாட்டம்...! இணையத்தில் வைரலாகும் வீடியோ..!

சின்னத்திரை உலகில் தங்கள் அசத்தலான நடிப்பால் மட்டுமல்லாது, உணர்வுப்பூர்வமான காதல் வாழ்க்கையாலும் ரசிகர்களின் மனதில் தனி இடம் பிடித்த நட்சத்திர ஜோடி தான் ஆல்யா மானசா மற்றும் சஞ்சீவ் ஜோடி. இப்படிப்பட்ட இவர்கள் இருவருக்கும் 'ராஜா ராணி' என்ற சீரியலில் நடித்ததன் மூலம் நட்பு ஏற்பட்டு, அது காலப்போக்கில் காதலாக மாறி, பின்னர் திருமணம் செய்து தற்பொழுது மகிழ்ச்சியாக வாழ்ந்து வருகின்றனர். இவர்களுக்கு தற்போது ஒரு பெண் மற்றும் ஆண் குழந்தை உள்ளது. இவர்கள் தான் தற்போது தமிழ் சின்னத்திரை ரசிகர்களின் நட்சத்திரங்களாக மனதில் இருக்கின்றனர்.

இப்படிப்பட்ட சஞ்சீவ் மற்றும் ஆல்யா மானசா இருவரும் சென்னை மாநகரில் கோடிக்கணக்கான ரூபாய் செலவு செய்து பிரம்மாண்டமான ஒரு வீட்டை கட்டியுள்ளனர். இந்த வீடு சகலவித வசதிகளுடன் அலங்கரிக்கப்பட்டு, வசதிகரமாக அமைந்துள்ளது. அவர்கள் வீட்டின் Home Tour வீடியோ ஒன்றை தங்கள் யூடியூப் பக்கத்தில் பகிர்ந்துள்ளதோடு, ரசிகர்களிடமிருந்து பெரும் வரவேற்பையும் பெற்று வருகின்றனர். மேலும் சஞ்சீவ் தற்போது சன் டிவியில் ஒளிபரப்பாகும் பிரபலமான “கயல்” சீரியலில் கதாநாயகனாக நடித்துவருகிறார். அவரது நடிப்பு மற்றும் கதையின் வலிமையால், இந்த தொடர் மிகப்பெரிய வெற்றியை பெற்றுள்ளது. மறுபுறம், அவரது மனைவி ஆல்யா மானசா, கடந்த சில மாதங்களில் குடும்ப பொறுப்புகள் மற்றும் குழந்தைகளுடன் நேரம் செலவழித்து வந்தாலும், தற்போது மீண்டும் ஜீ தமிழ் சேனலில் ஒளிபரப்பாகவுள்ள புதிய சீரியலில் முக்கிய கதாபாத்திரத்தில் நடிக்க கமிட்டாகியுள்ளார்.

இந்த தொடரின் பூஜை சமீபத்தில் சிறப்பாக நடைபெற்றது. ஆல்யா மானசா மீண்டும் சீரியலில் நடிக்கிறார் என்ற விஷயம் தெரிந்தவுடன் ரசிகர்கள் ஆர்வத்துடன் அவர் வருகையை எதிர்நோக்கி பார்த்து வருகின்றனர். இப்படி இருவரும் எவ்வளவு பிஸியாக இருந்தாலும், சமீபத்தில் நடந்த சஞ்சீவின் பிறந்தநாள் கொண்டாட்டம் அந்த குடும்பத்தில் ஒரு இனிமையான நிகழ்வாக மாறியது. ஆல்யா மானசா, தனது கணவருக்கு சர்ப்ரைஸாக கேக் வெட்டி அவருடைய பிறந்தநாளை கொண்டாடியுள்ளார்.

இதையும் படிங்க: சினிமாகாரன் அரசியலுக்கு வரக்கூடாதுன்னு யார் சொன்னா...! இயக்குநர் உதயகுமாரின் பேச்சால் அரண்டுபோன அரங்கம்..!

வீட்டிலேயே எளிமையாக இருந்தாலும், அந்த சந்தோஷம் மிகுந்ததாக பார்க்கப்பட்டது. இந்த நிகழ்வில் அவர்களது குழந்தைகள், நெருங்கிய நண்பர்கள், குடும்ப உறுப்பினர்கள் என பலர் கலந்துகொண்டனர்.  இந்த இனிய நிகழ்வின் வீடியோவை ஆல்யா மானசா தனது இன்ஸ்டாகிராம் மற்றும் யூடியூப் பக்கங்களில் பகிர்ந்துள்ளார். வீடியோவில் அவர் சிரித்தபடி கேக் வெட்டும் தருணம், குழந்தைகள் மகிழ்ச்சியுடன் பாடிய பிறந்தநாள் பாடல்கள், மற்றும் சஞ்சீவ் உணர்ச்சிவசப்பட்டவைகள் என அனைத்தும் ரசிகர்களை ரசிக்க செய்துள்ளது.

Birthday celebration video

இந்த வீடியோ வெளியான சில மணி நேரங்களில் சமூக வலைதளங்களில் வைரலானது. மேலும், இந்த பிறந்தநாள் கொண்டாட்டம், வெறும் கேக் வெட்டும் நிகழ்வாக அல்ல; அது ஒரு குடும்பத்தின் உறவையும், நேசத்தையும், ரசிகர்களுடன் உள்ள ஆழ்ந்த பிணைப்பையும் பிரதிபலிப்பதாக உள்ளது.

இதையும் படிங்க: வனிதா விஜயகுமாரை வம்பிழுத்த விமர்சகர்கள்..! "உன்னால முடிஞ்சா நிரூபி.. நான் சினிமா விட்டே போறேன்" என சவால்..!