தொகுப்பாளினி டிடியின் அசத்தல் போட்டோஷூட்..!! இன்ஸ்டாகிராமில் வைரலாகும் புகைப்படங்கள்.. தடுமாறும் இளசுகள்..!

சின்னத்திரை ரசிகர்களிடையே தனக்கென ஒரு தனி இடத்தைப் பிடித்திருப்பவர் தொகுப்பாளினி திவ்யதர்ஷினி என்கிற டிடி.

பல ஆண்டுகளாக தொலைக்காட்சி நிகழ்ச்சிகளை தொகுத்து வழங்கி வரும் இவர், தனது இயல்பான பேச்சு, கலகலப்பான அணுகுமுறை மற்றும் பிரபலங்களுடன் எளிதாக உரையாடும் திறன் ஆகியவற்றால் ஏராளமான ரசிகர்களை கவர்ந்துள்ளார்.

குறிப்பாக, அவர் தொகுத்து வழங்கிய ‘காஃபி வித் டிடி’ நிகழ்ச்சி, சின்னத்திரை ரசிகர்களின் மனதில் இன்றளவும் நீங்காத இடத்தைப் பெற்றுள்ளது.

இதையும் படிங்க: ‘மண்டாடி’ வசூல் வேட்டை..!! 5 நாட்களில் ரூ.65 கோடி வசூல் என அதிகாரப்பூர்வ அறிவிப்பு.. ரூ.100 கோடி கிளப்பை நோக்கி சூரி..!

திரையுலக பிரபலங்கள் பலரும் கலந்து கொண்ட இந்த நிகழ்ச்சியில், அவர்களிடம் சுவாரஸ்யமான கேள்விகளை கேட்டு, ரசிகர்கள் அறியாத பல விஷயங்களை வெளிக்கொண்டு வந்த விதம் டிடிக்கு தனி ரசிகர் பட்டாளத்தை உருவாக்கியது.

நிகழ்ச்சியின் தன்மைக்கு ஏற்ப தனது பேச்சை மாற்றிக்கொள்ளும் திறனும், விருந்தினர்களை இயல்பாக பேச வைக்கும் அணுகுமுறையும் அவரது முக்கிய பலமாக பார்க்கப்பட்டது.

ஆனால், கடந்த சில ஆண்டுகளாக டிடியின் தொலைக்காட்சி பயணத்தில் சில மாற்றங்கள் ஏற்பட்டுள்ளன. உடல்நிலை காரணங்களால் அவர் தொடர்ந்து நிகழ்ச்சிகளை தொகுத்து வழங்குவதில் இருந்து சற்று விலகியுள்ளார்.

முன்புபோல் அடிக்கடி தொலைக்காட்சி நிகழ்ச்சிகளில் அவரை பார்க்க முடியவில்லை என்றாலும், குறிப்பிட்ட முக்கிய நிகழ்ச்சிகளில் மட்டும் தனது தொகுப்பாளர் பணியை தொடர்ந்து செய்து வருகிறார்.

குறிப்பாக, திரைப்படங்களின் இசை வெளியீட்டு விழாக்கள், சிறப்பு நிகழ்ச்சிகள் மற்றும் அரசு சார்ந்த நிகழ்ச்சிகள் போன்றவற்றில் டிடி அவ்வப்போது தொகுப்பாளராக தோன்றுகிறார். 

இதையும் படிங்க: பவி டீச்சருக்கு கல்யாணம் ஆயிடுச்சே..!! நடிகை பிரிகிடா சாகா திருமணம்.. வாழ்த்துக்களை அள்ளிக்குவிக்கும் ரசிகர்கள்..!