பார்க்க சின்ன பயன் மாதிரி.. ஆனால் சாதனையோ நூறு..! இன்று தனது 35-வது வயதை எட்டிய இசையின் இளவரசன் அனிரூத்..!

சூப்பர் ஸ்டார் ரஜினிகாந்தின் உறவினர் என்ற அடையாளத்துடன், நடிகர் தனுஷ் நடித்த “3” என்ற திரைப்படத்தின் மூலம் இசையமைப்பாளராக அறிமுகமானவர் அனிருத் ரவிச்சந்தர். அந்த படம் தமிழ்ச் சினிமா உலகில் ஒரு புதிய இசை புரட்சியை ஏற்படுத்தியது என்று சொல்லலாம். குறிப்பாக, அந்த படத்தில் இடம்பெற்ற “Why This Kolaveri Di” பாடல் — ஒரே இரவில் உலகளவில் வைரலானது. யூடியூப்பில் பதிவான அந்த பாடல், சில நாட்களில் கோடிக்கணக்கான பார்வையாளர்களை கவர்ந்தது.

“ஓபாமா அளவிற்கு பேமஸ் ஆன பாடல்” என்ற வாக்கியம் கூட அப்போது மக்கள் மத்தியில் நகைச்சுவையாக பேசப்பட்டது. அந்த ஒரு பாடலே அனிருத்தை உலகம் முழுக்க அறிமுகப்படுத்தியது. தமிழ் இசை உலகில் தன் தனித்துவமான பாணியால் மிக விரைவில் தனி இடம் பெற்றவர். அனிருத் தன் இசையில் இளம் தலைமுறையின் துடிப்பையும், மேற்கத்திய ரிதங்களையும், பாரம்பரிய சங்கீதத்தின் அழகையும் கலந்த ஒரு புதிய ஸ்டைலை உருவாக்கினார். இதனால் அவர் வெளியிடும் ஒவ்வொரு ஆல்பத்திற்கும் ரசிகர்கள் பெரும் எதிர்பார்ப்புடன் காத்திருக்கிறார்கள். அவரது இசைச் சாதனைகள் வெறும் தமிழுக்கு மட்டுமல்ல. ஹிந்தி, தெலுங்கு, கன்னடம் போன்ற பல மொழித் திரைப்படங்களிலும் தற்போது அவர் இசை அமைத்து வருகிறார். பாலிவுட் சினிமாவிலும் அனிருத் தனது அடையாளத்தை பதித்துள்ளார். சமீபத்தில், ஷாரூக் கான் நடிப்பில் வெளியான “ஜவான்” திரைப்படத்திற்கான அவரது இசை ஹிந்தி ரசிகர்களிடையே பெரும் வரவேற்பை பெற்றது.

அந்தப் படம் வெளிவந்ததும், அனிருத் இந்தியாவின் தேசிய அளவிலான மிகப் பிரபலமான இசையமைப்பாளர்களில் ஒருவராக உயர்ந்தார்.  இன்றைக்கு, ஒரு திரைப்படத்திற்கான இசைக்காக அனிருத் ரூ. 8 முதல் 10 கோடி வரையிலான சம்பளம் பெறுவதாக தகவல்கள் தெரிவிக்கின்றன. ஆனால், அவர் தனிப்பட்ட முறையில் பாடிய பாடல்களுக்கு எந்தச் சம்பளமும் வாங்குவதில்லை என்பதும் அவரது ரசிகர்களை ஆச்சரியப்படுத்தியுள்ளது. “இசை என் உணர்ச்சி, அதில் பணம் முக்கியமல்ல” என்ற எண்ணத்தை அவர் பல்வேறு நேர்காணல்களில் வெளிப்படுத்தியுள்ளார். இப்படிப்பட்ட அனிருத் தற்போது 35 வயதை எட்டியுள்ளார். இன்று (அக்டோபர் 16) அவரது பிறந்தநாள் என்பதால், சமூக வலைதளங்கள் முழுவதும் ரசிகர்கள் மற்றும் பிரபலங்களின் வாழ்த்துச் செய்திகள் வெள்ளமாக குவிந்து வருகின்றன.  

இதையும் படிங்க: 3 ஆண்டுகள் தலைமறைவு..!! நேரில் ஆஜரான மீரா மிதுனின் பிடிவாரண்ட் ரத்து..!! சென்னை முதன்மை அமர்வு நீதிமன்றம் அதிரடி..!!

இந்த சூழலில், அனிருத்தின் சொத்து மதிப்பு பற்றிய விவரங்களும் இணையத்தில் பரவி வருகின்றன. அறிக்கைகளின்படி, அனிருத்தின் மொத்த சொத்து மதிப்பு சுமார் ரூ. 70 கோடி வரை இருப்பதாக கூறப்படுகிறது. இது மட்டும் திரைப்பட இசையமைப்பின் மூலமல்ல, பல்வேறு வருவாய் வழிகளும் அவருக்கு உண்டு. அவர் உலகம் முழுவதும் கச்சேரிகள் நடத்தி வரும் பிரபலமான லைவ் பெர்ஃபார்மர். வெளிநாட்டு கான்செர்ட்களில் அவரது டிக்கெட் விலை ஆயிரக்கணக்கில் விற்கப்படுகிறது. அதோடு, ஹோட்டல் தொழிலும், பிராண்டு விளம்பர ஒப்பந்தங்களும், யூடியூப் ராயல்டிகளும் அவரின் முக்கிய வருமான மூலங்களாக உள்ளன. இப்படி இருக்க அனிருத் தற்போது சென்னையில் வசிக்கிறார்.

அங்கு அவர் வசிக்கும் வீடு அம்மாநில வடிவமைப்புடன் கூடிய தனி பங்களா என்று கூறப்படுகிறது. உலகின் முன்னணி இசை தொழில்நுட்ப உபகரணங்களுடன் கூடிய ஸ்டூடியோவும் அவரிடம் உள்ளது. பெரும்பாலான படங்களின் இசை அமைப்புகளும் அங்குதான் நடைபெறுகின்றன. அவரது இசையில் ஒரு விசேஷம் என்றால் ஒவ்வொரு பாடலுக்கும் தனித்துவமான அடையாளம் தான். இளம் தலைமுறையினருக்கு அனிருத் ஒரு இசை ஐகானாக மாறியுள்ளார். அவரின் இசை பாணி மட்டும் அல்ல, அவரின் பணிவு, கடின உழைப்பு, ரசிகர்களுடன் கொண்ட நெருக்கம் ஆகியவையும் அவரை வேறுபடுத்தி நிறுத்துகின்றன. இசை என்பது வெறும் தொழில் அல்ல, வாழ்க்கை என அவர் கூறியிருப்பது பலருக்கும் ஊக்கமாக உள்ளது.

இசை உலகில் இன்னும் பல உயரங்களைத் தொட்டு வரும் அனிருத், அடுத்ததாக ரஜினிகாந்த், விஜய், கமல் ஹாசன், ப்ரபாஸ், ஜூனியர் என்.டி.ஆர், அலு அர்ஜுன் போன்ற முன்னணி நட்சத்திரங்களின் படங்களுக்காக இசை அமைத்து வருகிறார். பல திரைப்படங்கள் தற்போது அவரின் இசையுடன் தயாராகி வருகின்றன. இசை உலகில் அனிருத் தொடங்கிய பயணம் இன்னும் நீண்டது. தன்னுடைய திறமையாலும், புதுமையாலும், உலக தரத்திற்கேற்ற இசையாலும் அவர் “இந்திய இசையின் இன்டர்நேஷனல் முகம்” என அழைக்கப்படுகிறார்.

ஆகவே இன்று அவரது 35வது பிறந்தநாளை முன்னிட்டு, ரசிகர்கள் சமூக வலைதளங்களில் ஒரு குரலாகக் கூறுகிறார்கள். அவரின் வாழ்க்கையும் இசையும் இன்னும் பல தலைமுறைகளுக்கு ஒரு சிந்தனையாக அமையும் என்பதில் எந்த மாற்றுக்கருத்து இல்லை.

இதையும் படிங்க: புற்றுநோயுடன் போராட்டம்..!! 'கர்ணன்' கதாபாத்திரத்தில் நடித்த பங்கஜ் தீர் காலமானார்..!!