தேசிய விருது பெற்ற ஷாருக்கானுக்கு இயக்குநர் அட்லீ எப்படிப்பட்ட வாழ்த்தை சொல்லி இருக்கார் பாருங்க...!

இந்திய சினிமாவின் மிக முக்கியமான விருதுகளில் ஒன்றான தேசிய திரைப்பட விருதுகள், டெல்லியில் நடைபெற்ற விழாவில் அறிவிக்கப்பட்டன. 2023-ம் ஆண்டு திரைப்படத் தணிக்கை வாரியத்தின் சான்று பெற்ற திரைப்படங்களின் அடிப்படையில் தேர்வுகள் மேற்கொள்ளப்பட்டன. இதில், பல்வேறு மொழிகளில் வெளியாகிய திரைப்படங்கள் பரிசீலனைக்கு எடுத்துக்கொள்ளப்பட்டன. இந்த அறிவிப்பில், சிறந்த நடிகருக்கான தேசிய விருதை பெற்றார் பாலிவுட் நடிகர் ஷாருக்கான், 2023-ம் ஆண்டு வெளியான சூப்பர் ஹிட் திரைப்படமான ‘ஜவான்’ ரசிகர்கள் மத்தியில் மட்டுமல்லாது விமர்சகர்களிடையிலும் பெரும் வரவேற்பைப் பெற்றது.

ஏற்கனவே 100-க்கும் மேற்பட்ட திரைப்படங்களில் நடித்து வந்த ஷாருக்கான், இந்த 'ஜவான்' படத்துக்காகவே முதல் முறையாக தேசிய விருதை பெற்றுள்ளார் என்பது குறிப்பிடத்தக்கது. இந்த ‘ஜவான்’ திரைப்படத்தை இயக்கியவர் தென்னிந்தியாவின் பிரபல இயக்குநரான அட்லீ. இவர், தமிழ் சினிமாவில் 'ராஜா ராணி', 'தெரி', 'மெர்சல்', 'பிகில்' போன்ற வெற்றிப் படங்களை இயக்கியவர். இந்த 'ஜவான்' திரைப்படம் மூலம் அவர் தனது பாலிவுட் வருகையை அதிரடியாக அறிவித்தார். ஷாருக்கானுடன் வேலை செய்த முதல் படம் இது என்பதோடு, மிக பெரிய வெற்றியாகவும் அமைந்தது. இந்த சூழலில் ஷாருக்கானுக்கு தேசிய விருது கிடைத்ததற்குப் பின்னர், இயக்குநர் அட்லீ தனது சமூக ஊடகப் பக்கத்தில் ஒரு உருக்கமான பதிவை பகிர்ந்துள்ளார்.

அதில், "மிகுந்த ஆசீர்வாதம் என உணர்கிறேன் ஷாருக்கான் சார். ‘ஜவான்’ திரைப்படத்திற்காக நீங்கள் தேசிய விருது பெற்றது எனக்குப் பேரானந்தம் அளிக்கிறது. உங்கள் பயணத்தின் ஒரு பகுதியாக இருப்பது மிகவும் உணர்ச்சிபூர்வமானதும், ஊக்கமளிப்பதும் ஆக உள்ளது. இந்த திரைப்படத்தை எனக்குத் தந்ததற்காக நன்றி. இது உங்களுக்கு நான் எழுதிய முதல் காதல் கடிதம். இன்னும் பல பக்கங்கள் வரப்போகின்றன, படக்குழுவினர் அனைவருக்கும் இந்த நேரத்தில் நன்றி தெரிவித்து கொள்கிறேன். மேலும் இயக்கக் குழு மற்றும் இசையமைப்பாளர் அனிருத் என இப்படத்திற்காக சிறந்த பாடல்களையும் பின்னணிச் இசையையும் வழங்கியதற்காக உங்களுக்கு என் நன்றிகள். ‘சலேயா’ பாடலுக்காக தேசிய விருது பெற்ற @shilparao – உங்களுக்கு என்னுடைய மனமார்ந்த வாழ்த்துகள். இது என் வாழ்க்கையின் மிக முக்கியமான தருணங்களில் ஒன்றாக இருக்கிறது. ஷாருக் சார், உங்களுடன் அருகில் இருப்பது மட்டுமே ஒரு பெரிய ஆசீர்வாதம் எனக்கு.

இதையும் படிங்க: ஷூட்டிங்கில் ஆக்ஷன் காட்சியின்போது நேர்ந்த விபரீதம்.. அமெரிக்கா சென்ற ஷாருக்கான்..!! ரசிகர்கள் வருத்தம்..!

ரசிகனாக இருந்தேன், இன்று உங்கள் இயக்குநராக இருக்கிறேன்; உங்கள் படத்திற்குப் பெருமை சேர்த்தது என் வாழ்வின் சிறந்த தருணம். கடவுள் நமக்கு இந்த மகிழ்ச்சியை வழங்கியதற்காக நன்றி. இதுவே எனக்குப் போதும்... நான் உங்கள் மிக பெரிய ரசிகன், என் மனதார அன்பும் நன்றியும் உங்களுக்கே" என தெரிவித்திருக்கிறார். இப்படி இருக்க ‘ஜவான்’ திரைப்படம் ஷாருக்கானின் மாஸ் கதாபாத்திர மற்றும் சமூகக் கருத்துக்களை ஒன்றிணைத்த கதை அமைப்பின் மூலம் ஒரு பெரிய வரவேற்பைப் பெற்றது. தென்னிந்திய மற்றும் வட இந்திய நட்சத்திரங்களை இணைக்கும் வித்தியாசமான முயற்சி தான் இது. இயக்குநர் அட்லீயின் இயக்கும் பாணி, அனிருத் வழங்கிய இசை, படத்தின் தொழில்நுட்ப தரம் ஆகியவை இத்திரைப்படத்தை சிறந்த சினிமா அனுபவமாக மாற்றியது. இந்த வெற்றிக்கு சான்றாகவே இப்போது தேசிய விருது கிடைத்திருக்கிறது. அட்லீயின் உருக்கமான வாழ்த்து பதிவு சமூக ஊடகங்களில் வேகமாக பரவி வருகிறது.

ஷாருக்கானின் ரசிகர்கள் மற்றும் திரையுலக பிரபலர்கள் இந்த தருணத்தை “தென்-வட கூட்டணி வெற்றியின் சின்னம்” எனக் கொண்டாடி வருகின்றனர். ‘ஜவான்’ படத்திற்கு இசையமைத்த அனிருத், பாடகி ஷில்பா ராவ் உள்ளிட்ட பலரும் தேசிய விருதுகள் பெற்றுள்ளனர். இது படக்குழுவுக்கே ஒரு பெரும் அங்கீகாரம் என ரசிகர்கள் தெரிவிக்கின்றனர்.

இதையும் படிங்க: 2வது முறை தேசிய விருது வென்ற ஜி.வி.பிரகாஷ்.. வாழ்த்து சொன்னது இந்த பாடகியா..!!