என் மகன் தான் அவங்களுக்கு டார்கெட்.. சினிமாவில் இருந்து துரத்த நினைக்கிறாங்க..! பிரித்விராஜ் தாயார் குற்றச்சாட்டு..!

மலையாள திரையுலகில் குறிப்பிடத்தக்க ஆளுமையாக திகழும் பிருத்விராஜ், தமிழ் மற்றும் மலையாள படங்களில் கதாநாயகப் பணியாற்றியவர் மட்டுமல்லாமல், இயக்குனராகவும் திகழ்ந்து வருகிறார்.

கடந்த 2019-ல் மோகன்லாலின் நடிப்பில் லூசிபர் என்ற படத்தை இயக்கியதும் அவருக்கு இயக்குனர் என்ற புதிய அடையாளத்தை வழங்கியது. இந்த முதல் முயற்சியில் தான் பிருத்விராஜ் ஒரு தேர்ந்த இயக்குனராக உலகம் முழுவதும் பரிட்சியமானவர். லூசிபர் படம் சூப்பர் ஹிட் ஆகி, அவரது இயக்குநர் திறனை வெகுவாக வெளிப்படுத்தியது. அடுத்து வந்த எம்புரான் படம் கடந்த மார்ச் மாதம் வெளியாகி கலவையான விமர்சனங்களை பெற்றது. இருந்தாலும், வசூல் ரீதியாக இந்த படம் வெற்றிபெற்றது.

எம்புரான் படத்தில் 2002 குஜராத் கலவரத்தில் முஸ்லிம்கள் மீது நிகழ்ந்த வன்முறையை காட்சிப்படுத்தியதற்காக பிருத்விராஜ் பல வலதுசாரி அமைப்புகளின் எதிர்ப்பை சந்தித்தார். சமூக, மத மற்றும் அரசியல் தரப்புகளின் கவனத்தை ஈர்த்துள்ளது. இதனால், நடிகர் மற்றும் இயக்குனர் பிருத்விராஜுக்கு தனிப்பட்ட மற்றும் தொழில்துறை ரீதியில் சில சவால்கள் உருவாகின. இந்த நிலையில், பிருத்விராஜின் தாயார் மல்லிகா சுகுமாரன் மலையாள ஊடகங்களுக்கு அளித்த பேட்டியில், "பிருத்விராஜை குறிவைத்து சமூக ஊடகங்களில் தொடர்ந்து தவறான பிரச்சாரம் பரப்பப்படுகிறது. இது அவரை சினிமா தொழிலில் இருந்து நீக்க திட்டமிட்ட முயற்சி" என்று கவலை தெரிவித்துள்ளார்.

இதையும் படிங்க: 'பராசக்தி' படப்பிடிப்பு Over..! டப்பிங் பணியை தொடங்கிய சிவகார்த்திகேயன்..! sk-வின் வீடியோவால் ஹைப்பான இளசுகள்..!

அவர் குறிப்பிட்டதாவது, நடிகராகவும் இயக்குனராகவும் தனது மகனைச் சினிமா துறையில் இருந்து அழிக்க ஒரு சிலர் சதித்திட்டங்களை அமைத்துக்கொண்டுள்ளனர். ஜெயன் நம்பியார் இயக்கிய பிருத்விராஜின் சமீபத்திய திரைப்படமான விலாயத் புத்தா நவம்பர் 21-ஆம் தேதி வெளியிடப்பட்டது. இதற்கிடையில், படம் வெளிவந்ததும் ஒரு குழு பிருத்விராஜை மட்டுமல்ல, அவரது மகனையும் குறிவைத்து தொழில்துறை ரீதியிலும், தனிப்பட்ட முறையிலும் அவமானப்படுத்த முயற்சித்து வருகிறது என்பது குறிப்பிடத்தக்கது. விலாயத் புத்தா திரைப்படம், பிரபல மலையாள நாவலை அடிப்படையாகக் கொண்டு, சந்தன மரகடத்தல் சம்பவங்களை மையப்படுத்தி உருவாக்கப்பட்டது.

ஆனால், எதிர்பார்த்த வரவேற்பை பெறவில்லை. படத்தின் காட்சிகளை தவறாக சித்தரித்ததாகவும், வகுப்புவாத பதட்டங்களை தூண்டும் நோக்கில் அவற்றை திருத்திப் பரப்பியதாகவும் புகார் செய்யப்பட்டது. இதன் பேரில், படத்தின் தயாரிப்பாளர் ஒரு யூடியூப் சேனலுக்கு எதிராக எஃப்.ஐ.ஆர் பதிவு செய்துள்ளார். இந்த நிகழ்வுகள், பிருத்விராஜின் வாழ்க்கை மற்றும் தொழில்முறை பாதையில் உருவாகும் சவால்களை வெளிப்படுத்துகின்றன. அவர் நடிகராகவும் இயக்குனராகவும் செயற்படுவதால், தனிப்பட்ட எதிர்ப்புகளும், சமூக அரசியல் நடப்பு சிக்கல்களும் அவரை பாதிக்கின்றன.

லூசிபர் மற்றும் எம்புரான் படங்கள் அவரது திறனையும், பாராட்டுக்களையும் வெளிப்படுத்தினாலும், சமீபத்திய விலாயத் புத்தா படம் எதிர்பார்த்த வரவேற்பை பெறாமல், அவருக்கு தொழில் ரீதியிலும், தனிப்பட்ட ரீதியிலும் சவால்களை ஏற்படுத்தியுள்ளது. மொத்தமாக, பிருத்விராஜ் மலையாள திரையுலகில் முன்னணி நடிகர் மற்றும் இயக்குனராக தன்னை நிலைநாட்டி இருக்கிறார்.

அவரை குறிவைக்கும் சமூக வன்முறை, தவறான தகவல்கள் மற்றும் விமர்சனங்கள் அவருக்கு எதிரான சவால்களை உருவாக்கியாலும், திரையுலகில் அவருடைய திறன், கடின உழைப்பு மற்றும் தனிப்பட்ட உறுதிப்பாட்டால் பிருத்விராஜ் தன்னை மீண்டும் நிலைநாட்டுவார் என எதிர்பார்க்கப்படுகிறது.

இதையும் படிங்க: இந்தியன்-2வை தொடர்ந்து கார்த்தியின் 'மார்ஷல்' படப்பிடிப்பிலும் சோகம்..! ஒருவர் உயிரிழந்ததாக தகவல்..!