பொதுவெளியில் இப்படி செய்யலாமா.. கஷ்டமா இருக்கும் - மனம் திறந்த தொகுப்பாளினி "டிடி"..!

தமிழ்நாட்டின் முன்னணி தொலைக்காட்சி தொகுப்பாளர்களில் ஒருவர் தான் திவ்யதர்ஷினி. இப்படிப்பட்ட இவர் நியூட்ரல் அழகுடன் திறமையையும் கொண்டவர். “டிடி” என்றழைக்கப்படும் அவர், காலப்போக்கில் தொலைக்காட்சியில் மட்டுமல்லாது சமூக ஊடகங்களிலும் தனக்கென ஒரு நிலையான ரசிகர் பட்டாளத்தை உருவாக்கியவர். குறிப்பாக விஜய் டிவியில் ஒளிபரப்பான ‘காஃபி வித் டிடி’ நிகழ்ச்சி, ரசிகர்களிடம் தனிச்சிறப்பை பெற்றது.

ஆனால் தற்போது, அந்த நிகழ்ச்சியும், டிடியின் தொலைக்காட்சி தோற்றங்களும் மிகவும் குறைந்துவிட்டன. புதிய நிகழ்ச்சிகள் தொகுத்து வழங்குவதில் இருந்து அவர் பின்வாங்கியதற்கான முக்கிய காரணம் அவரது உடல்நிலை என அறிவிக்கப்பட்டுள்ளது. ஒரு காலத்தில் தொலைக்காட்சியில் தொடர்ந்து தோன்றிய டிடி, இன்று பெரும்பாலும் தனி நிகழ்ச்சி, சிறப்பு விழாக்கள் மற்றும் சில சமூக ஊடக பதிவுகளில் தான் காணப்படுகிறார். குறிப்பாக சினிமா இசை வெளியீட்டு விழாக்கள் மற்றும் பேட்டிகள் மூலமாகவே ரசிகர்கள் அவரை காண்கிறார்கள். இந்த நிலையில், டிடி சமீபத்தில் அளித்த ஒரு பேட்டி தற்போது இணையத்தில் பெரிதும் வைரலாகி வருகிறது. அந்த பேட்டியில், அவர் வெளிப்படையாக சில பிரபலங்களின் வாழ்க்கை சிக்கல்களையும், தனது அனுபவங்களையும் பகிர்ந்துள்ளார். குறிப்பாக அவர் பேசுகையில், "தமிழ்நாட்டில் எந்த இடத்திற்கும் ஈசியாக போய்விட முடியாது. பொது வெளியில் பார்க்கும் மக்கள் திடீரென காலில் விழுந்து ஆசிர்வாதம் வாங்குவார்கள். அது எனக்கு ரொம்ப சங்கடமாக இருக்கும். எதற்கு இப்படி செய்கிறார்கள் என எனக்கு புரியவே இல்லை" என டிடி கூறியுள்ளார். இது ரசிகர்களிடையே சோகத்தையும் புரிதலையும் ஏற்படுத்தியுள்ளது.

மேலும் பேசிய டிடி, "பேருந்து, ஆட்டோ போன்றவற்றில் பயணம் செய்ய ஆசையாக இருந்தாலும், அதை தவிர்க்க வேண்டி உள்ளது. ஆனால், வெளிநாட்டில் அப்படி இல்லை, நம்மை யாருமே கண்டுகொள்ள மாட்டார்கள்" என கூறியுள்ளார். இது, ஒரு பிரபலத்தின் ஆசையையும், இடையூறுகளையும் பிரதிபலிக்கும் வகையில் உள்ளது. அதோடு, தமிழ்நாட்டில் பல்லாயிரக்கணக்கான ரசிகர்கள் கொண்ட டிடி, ஒரு பக்கம் புகழால் உயர்ந்திருக்க, மறுபக்கம் அது அவரை சமூக இடங்களில் சாதாரணமாக நடமாட முடியாத நிலைக்கு கொண்டு சென்றுள்ளது.

இதையும் படிங்க: கவர்ச்சியில் புதிய உச்சம்..! கருப்பு நிற கிளாமர் உடையில் நடிகை யாஷிகா ஆனந்த்..!

இது பெரும்பாலான பிரபலங்கள் கூறும் ஒரு பொதுவான உணர்வாகவே இருக்கலாம், ஆனால் டிடி அளித்த விளக்கம், அதை ஒரு உணர்வுப் பூர்வமான, நேரடி பார்வை மூலம் வெளிப்படுத்துகிறது. இந்த நிலையில், இந்த பேட்டியை பார்த்த ரசிகர்கள், டிடி மீண்டும் தொலைக்காட்சியில் விரைவில் தோன்ற வேண்டும் என்று சமூக வலைதளங்களில் கோரிக்கை வைக்கத் தொடங்கியுள்ளனர். இப்படி இருக்க ஒரு கலையுலகப் பிரமுகராக, டிடி போன்றவர்கள் தங்களுடைய தனிப்பட்ட வாழ்க்கையையும், புகழின் விளைவுகளையும் சமநிலையுடன் நடத்த வேண்டியுள்ளது என்பது இந்த பேட்டி மூலம் மிக தெளிவாகிறது.

அவர் திறமையுடன் மட்டுமல்லாமல், உணர்ச்சிகளை வெளிப்படுத்தும் நேர்மையுடனும் பேசுவதை இந்த பேட்டி நிரூபிக்கிறது. ரசிகர்களின் ஆசை ஒரு நாள் நிறைவேறும் என்று நம்பலாம்..
 

இதையும் படிங்க: மல்லிகை பூவுடன் அழகிய சேலையில்.. தங்கமாய் ஜொலிக்கும் நடிகை ஜான்வி கபூரின் கிளிக்ஸ்..!