அதிசயம் ஆனால் உண்மை..! நான்கு நாட்களில் ரூ.100 கோடியை நெருங்கிய பிரதீப் ரங்கநாதனின் 'Dude' படம்..!

இளம் நடிகர், இயக்குநர் என இரு துறைகளிலும் தன்னை நிரூபித்துள்ள பிரதீப் ரங்கநாதன், தனது சமீபத்திய திரைப்படமான “Dude” மூலமாக மீண்டும் ரசிகர்களின் இதயத்தை கவர்ந்துள்ளார். கடந்த வாரம் வெளியான இப்படம், கலவையான விமர்சனங்கள் இருந்த போதும் பாக்ஸ் ஆபிஸில் வெற்றிகரமாக ஓடிக் கொண்டிருக்கிறது. இன்று தமிழ் சினிமா ரசிகர்களிடையே பேசப்படும் முக்கியமான விஷயம் ஒன்றே. அதுதான்  “Dude படம் வசூலில் சாதனை படைத்து வருவது”. இப்படிப்பட்ட Dude படம் வெளியான முதல் நாளிலிருந்தே திரையரங்குகள் முழுவதும் ரசிகர்களின் வரிசை நீண்டு காணப்பட்டது.

இதையும் படிங்க: 'டியூட்' படத்தின் BTS வீடியோவை பகிர்ந்த பிரதீப் ரங்கநாதன்..! "Journey Of Dude" காட்சிகள் இணையத்தில் வைரல்..!

சிங்கிள் ஸ்க்ரீன்களிலிருந்து மல்டிப்ளெக்ஸ் வரை, படத்திற்கு எதிர்பாராத அளவு வரவேற்பு கிடைத்தது. படம் வெளியான முதல் நாளில் சுமார் ரூ.20 கோடி வசூல் செய்ததாக தகவல்கள் தெரிவிக்கின்றன. இரண்டாம் நாள் மற்றும் மூன்றாம் நாள் வரை சிறிய குறைவு இருந்தாலும், குடும்ப ரசிகர்களின் ஆதரவால் மீண்டும் வசூல் உயர்ந்துள்ளது. மொத்தத்தில், வெளியான நான்கு நாட்களில் படம் ரூ.80 கோடிக்கு மேல் வசூல் செய்துள்ளதாக தயாரிப்பு நிறுவனம் தெரிவித்துள்ளது. இப்படி இருக்க பிரதீப் ரங்கநாதன், இயக்குநர் அவதாரத்தில் அறிமுகமான “கோமாளி” படத்தின் மூலமாகவே தனக்கென ஒரு ரசிகர் வட்டத்தை உருவாக்கினார். ஆனால் அவர் நாயகனாக நடித்த “லவ் டுடே” படம் அவரை ஒரு திடீர் இளைய சூப்பர் ஸ்டாராக மாற்றியது. இப்போது “Dude” மூலம் அவர் அந்த சாதனையை மீண்டும் நிரூபித்துள்ளார். இதுவரை “லவ் டுடே” ரூ.100 கோடி கிளப்பில் இணைந்தது.

அதேபோல் “Dude” படமும் அந்த பட்டியலில் சேர வாய்ப்புள்ளது. சினிமா வட்டாரங்கள், இன்னும் இரு நாட்களுக்குள் படம் ரூ.100 கோடி கிளப்பை அடையும் என எதிர்பார்க்கப்படுகிறது. இது பிரதீப் ரங்கநாதனுக்கு தொடர்ந்து மூன்றாவது பாக்ஸ் ஆபிஸ் வெற்றி என்பதில் ஐயமில்லை என்கின்றனர். இப்படியாக Dude ஒரு லைட் ஹார்டட் யூத் என்டர்டெயினராக இருந்தாலும், அதில் பல சமூக மற்றும் மனநிலை சார்ந்த அம்சங்கள் பேசப்படுகின்றன. திரைப்படத்தின் மையக்கரு “டிஜிட்டல் தலைமுறையின் உறவுகள் மற்றும் மன அழுத்தம்” என்பதாகும். பிரதீப் ஒரு இளைஞராக, வாழ்க்கையின் அர்த்தம், காதல், தன்னம்பிக்கை ஆகியவற்றை தேடிச் செல்லும் கதாபாத்திரத்தில் நடிக்கிறார். இசையமைப்பாளர் யுவன் சங்கர் ராஜா அளித்த பின்னணி இசை மற்றும் பாடல்கள் படத்திற்கு பெரும் பலமாக அமைந்துள்ளன. குறிப்பாக, “என்ன டூட் நீங்க?” என தொடங்கும் பாடல் இணையத்தில் வைரலாகியுள்ளது.

திரைப்பட வணிக நிபுணர்கள் வெளியிட்ட தரவுகளின்படி, முதல் நாளில், இந்திய வசூலில், ரூ.20 கோடியும், உலக அளவில், ரூ.25 கோடி என மொத்தம் ரூ.45 கோடியும், இரண்டாம் நாளில், இந்தியா அளவில் ரூ. 15 கோடியும், உலக அளவில் ரூ.10 கோடி என மொத்தம்   25 கோடியும், மூன்றாம் நாளில், இந்தியா அளவில் ரூ.7 கோடியும், உலக அளவில், 3 கோடி என மொத்தம் ரூ.8 கோடியும், நான்காம் நாளில் இந்தியா அளவில், ரூ.47 கோடியும், உலக அளவில் 43 கோடி என மொத்தம் ரூ80+ கோடிகளை தாண்டி படம் சென்று கொண்டு இருக்கிறது. இது ஒரு நடுத்தர படத்திற்கு மிகப்பெரிய சாதனையாக பார்க்கப்படுகிறது. திரைப்பட விமர்சகர் கிருஷ்ணமூர்த்தி கூறுகையில், “Dude படம் ஒரு சாதாரண காமெடி படம் போலத் தொடங்குகிறது. ஆனால், இரண்டாம் பாதியில் பிரதீப் ஒரு எழுச்சி உரையைக் காட்டுகிறார். அவர் தற்போது தமிழ் சினிமாவின் ‘யூத் ஐகான்’.” என்றார்.

இன்றைய தமிழ் சினிமாவில் “யூத் கனெக்ட்” என்ற வார்த்தைக்கு பிரதீப் ரங்கநாதனே முகம் எனலாம். அவர் கதையில் நகைச்சுவை, உண்மை உணர்வு, மற்றும் சமூக மெசேஜ் மூன்றையும் இணைக்கும் திறமையால் தனித்துவமான ரசிகர் அடிப்படை பெற்றுள்ளார். இதனை குறித்து தனது பேட்டிகளில் அவர் கூறுகையில், “நான் படங்களை வெற்றி பெறச் செய்வதற்காக எழுதவில்லை. என் வயதினருக்கு பேசணும் என்று தான் எழுதுகிறேன். அதுதான் அவர்களோடு எனக்கான நெருக்கம்.” என்றார். அந்த நெருக்கமே இன்று பாக்ஸ் ஆபிஸில் ரூ.80 கோடி வெற்றியாக மாறியுள்ளது. திரைப்பட வணிக வட்டாரங்கள் தெரிவிப்பதாவது, இன்னும் சில நாட்களில் இந்த படம் உலகளவில் ரூ. 100 கோடி வருவாய் ஈட்டும் என நிச்சயமாக எதிர்பார்க்கப்படுகிறது. இதனால், பிரதீப் ரங்கநாதன் தனது முன்னைய படங்களான லவ் டுடே மற்றும் டிராகன் படங்களுக்குப் பின் மூன்றாவது முறையாக ரூ.100 கோடி கிளப் ஹீரோ பட்டியலில் இணைவார். இது தமிழ் சினிமா இளம் தலைமுறையில் மிகப்பெரிய சாதனையாகக் கருதப்படுகிறது.

மொத்தத்தில், Dude படம் பிரதீப் ரங்கநாதனை நடிகராக மட்டுமல்ல, வணிக ரீதியாக வலுவான நட்சத்திரமாகவும் நிறுவியுள்ளது. கலவையான விமர்சனங்கள் இருந்தபோதும், ரசிகர்களின் ஆதரவு, இசை, நகைச்சுவை, மற்றும் உணர்ச்சி என அனைத்தும் சேர்ந்து இதை ஒரு பாக்ஸ் ஆபிஸ் ஹிட் ஆக்கியுள்ளன.

இதையும் படிங்க: 'டியூட்' படத்தின் BTS வீடியோவை பகிர்ந்த பிரதீப் ரங்கநாதன்..! "Journey Of Dude" காட்சிகள் இணையத்தில் வைரல்..!