கூலி படத்தில் ஹார்ட் டச் கொடுத்த கல்யாணி கேரக்டர்..! நடிகை ரச்சிதா ராம் ரசிகர்களுக்கு சொன்ன சீக்ரட்..!

தமிழ் சினிமாவில் கடந்த சில வருடங்களில் வித்தியாசமான கதாபாத்திரங்களையும், வலிமையான கதைக்களத்தையும் கொண்ட படங்கள் திரைக்கு வந்து, பாராட்டுகள் பெற்றுள்ளன. அந்த வரிசையில், இயக்குநர் லோகேஷ் கனகராஜ் இயக்கத்தில் சூப்பர்ஸ்டார் ரஜினிகாந்த் நடித்து வெளியாகி இருக்கும் “கூலி” திரைப்படம், ரசிகர்களிடையே மகிழ்ச்சியை ஏற்படுத்தியுள்ளது. படத்தின் அறிவிப்பு வெளியான நாள் முதல் இது வரை, "கூலி" பற்றி வெளியான ஒவ்வொரு அப்டேட்டும் இணையத்தில் தீயாக பரவி வந்தது.

இதில் முக்கியமான விஷயமாக, ரஜினியின் ரசிகர்களுக்கு மட்டுமல்லாமல், திரைப்பட ஆர்வலர்களுக்கும் ஆச்சரியத்தை ஏற்படுத்தியது, ஒரு புதிய வில்லி கதாபாத்திரமான “கல்யாணி” கேரக்டர். அந்த வில்லி கேரக்டரில் நடித்த நடிகை ரச்சிதா ராம், கன்னட சினிமாவின் முன்னணி கதாநாயகிகளில் ஒருவர். "பலே ஜோடி", "ரன்னா", "அம்பரீஷா", "அய்யோ பத்ராவதி", "விராடபர்வா" போன்ற பல வெற்றிப் படங்களில் நடித்துள்ளார். தனது அழகு, அழுத்தமான திரைக்காட்சிகள் மற்றும் சின்னத்திரையில் நிகழ்த்திய தனித்திறமைகள் மூலமாக அவர் கன்னட ரசிகர்களிடையே அதிகளவு மாஸ் கொண்டவர். ஆனால், தமிழ் சினிமாவுக்கு இவர் ஒரு புதுமுகம். அதுவும், இவர் கன்னடத்தில் கதாநாயகியாக நடித்து வந்த நிலையில், தமிழில் வில்லியாக அறிமுகமாகிறார் என்பதுதான் சுவாரஸ்யமான விஷயம். இப்படி இருக்க "கூலி" படத்தில் ரஜினியின் எதிரணி கதாபாத்திரமான 'கல்யாணி' வேடத்தில் ரச்சிதா நடித்திருப்பது ரசிகர்களை மிகுந்த ஆச்சரியத்தில் ஆழ்த்தியுள்ளது. இவர் படத்தில் வில்லியாக, அதுவும் ஒரு குணச்சித்திர வேடத்தில் நடித்திருப்பது, அவர் நடிப்புத் திறனுக்கான புதிய மேடை என்று கூறலாம். படத்தின் அவரது காட்சிகள் மற்றும் சமீபத்தில் வெளியாகிய stills-கள் மூலம், கல்யாணி வேடத்தில் அவர் கொடுத்த பங்களிப்பு பற்றி பலரும் பாராட்டுகளைத் தெரிவிக்கத் தொடங்கியுள்ளனர்.

இந்த வில்லி வேடத்திற்கு கிடைத்த பாராட்டுகளை குறித்து, சமீபத்தில் இன்ஸ்டாகிராம் மற்றும் எக்ஸ் தள பக்கங்களில் தனது நெகிழ்ச்சியைக் வெளிப்படுத்தியுள்ளார் ரச்சிதா ராம். தனது பதிவில் அவர் கூறியதாவது.. "கூலி படத்தில் என்னுடைய 'கல்யாணி' கதாபாத்திரத்திற்கு கிடைத்த வரவேற்பு நம்பமுடியாத அளவிற்கு அருமையாக இருந்தது. அதற்காக நான் மிகவும் மகிழ்ச்சியடைகிறேன். டிரோல் செய்பவர்களுக்கும் மீம்ஸ் போடுபவர்களுக்கும் நன்றி – அவர்கள் என் வேடத்திற்கான தாக்கத்தை உணர்த்துகின்றனர். என் மீது நம்பிக்கை வைத்து இந்த வாய்ப்பை வழங்கிய லோகேஷ் கனகராஜ் சார் மற்றும் ரஜினிகாந்த் அவர்களுக்கு எனது மனமார்ந்த நன்றி. ஜாம்பவான்களுடன் பணிபுரிந்தத அனுபவத்தை மறக்க முடியாத அனுபவமாக இருந்தது. 'கூலி' படத்தின் மிகப்பெரிய வெற்றிக்கு படக்குழுவிற்கு எனது வாழ்த்துகள்" என பதிவிட்டுள்ளார்.

இதையும் படிங்க: இந்த இடத்துக்கு வந்தாலே தமிழ் பெண்ணாக உணர்கிறேன்..! நடிகை அபர்ணா தாஸ் நெகிழ்ச்சி பதிவு..!

ஆகவே ரச்சிதாவின் இந்த பதிவு, வெளியான சில மணி நேரத்திலேயே இணையத்தில் வைரலானது. “கூலி” திரைப்படம், ரஜினிகாந்தின் 171வது படம் என்ற விசேஷத்துடன் தொடங்கியது. லோகேஷ் கனகராஜின் சினிமா உருவாக்கும் மாறுபாடுகள் மற்றும் ஆக்ஷன், ஸ்டோரி லைன், ஆகியவை இந்த படத்தையும் ஒரு cinematic spectacle ஆக மாற்றி விட்டது. இதில் ரஜினியின் மேன் ஹீரோயிசத்துடன், வில்லி கதாபாத்திரங்களுக்கும் சமமான முக்கியத்துவம் கொடுக்கப்பட்டிருப்பது, சினிமா உலகத்தில் ஒரு திருப்புமுனையாக பார்க்கப்படுகிறது. இப்படத்தில் ரச்சிதா ராம் மட்டுமல்ல, பல்வேறு திறமையான நடிகர்கள் பங்கேற்று நடித்துள்ளதால், “கூலி” தமிழ் சினிமாவின் மிக ஹிட்  படமாக மாறியுள்ளது. இந்தப் படம் மூலம், ரச்சிதா ராம் தமிழில் தனக்கென ஒரு நிலையை உருவாக்கியுள்ளார். எளிதில் ஒருவருக்கும் வாய்ப்பு கிடைக்காத "பெரிய நெகட்டிவ் ரோல்"ஐ சர்வசாதாரணமாக நடித்து, ரசிகர்களை தன்வசப்படுத்தி இருக்கிறார். இது அவரது தமிழ் திரையுலகில் ஒரு மிகவும் வலிமையான துவக்கம் என்பதை இந்த வரவேற்பு நிரூபிக்கிறது. எனவே ரச்சிதா தற்போது தமிழில் மேலும் சில படங்களில் கதாபாத்திரங்களை ஏற்க உள்ளதாக தகவல்கள் வெளியாகி வருகின்றன.

ரஜினியின் “கூலி” திரைப்படத்தில், வில்லியாக கலக்கிய ரச்சிதா ராம், தனது அபார நடிப்புத் திறமையால் ரசிகர்கள் மற்றும் விமர்சகர்களிடையே நல்ல வரவேற்பை பெற்றுள்ளார். தனது பாராட்டுகளை எளிமையாகவும், திறமையாகவும் பகிர்ந்து கொண்ட அவர், தமிழ் திரையுலகில் தன்னுடைய தடத்தை பதிக்கத் தயாராக இருக்கிறார். வில்லியாக வந்தாலும், ரசிகர்களின் மனதில் ஹீரோயின் போலத்தான் இடம் பிடித்தார் ரச்சிதா ராம்.

இதையும் படிங்க: ஆஸ்கர் விருது வென்ற ஹாலிவுட் இயக்குனரின் பட வாய்ப்பை மறுத்த பகத் பாசில்.. காரணம் இதுதான்..!!