இப்படி ஒரு நிலமை யாருக்கும் வரக்கூடாது.. கண்முன் பிரிந்த கணவன் உயிர்..! மனதை உருக்கும் நடிகையின் வார்த்தை..!

தென்னிந்திய திரைத்துறையில் 90-களில் பிரபல நடிகையாக வலம் வந்தவர் சாந்தி பிரியா. நடிகை பானுப் பிரியாவின் தங்கையாக திரைத்துறைக்கு அறிமுகமான இவர், தமிழில் தனது முதற்படமான "எங்க ஊரு பாட்டுக்காரன்" திரைப்படத்தின் மூலம் பிரபலமானார். அந்த படத்தில் ராமராஜனுடன் நடித்த 'செண்பகமே செண்பகமே' என்ற பாடல், இன்று வரை தமிழ்சினிமா ரசிகர்களிடம் ஒரு மறக்க முடியாத காதல் பாடலாக இருந்து வருகிறது. சாந்தி பிரியா தமிழ் மட்டுமின்றி தெலுங்கு, ஹிந்தி உள்ளிட்ட மொழி திரைப்படங்களிலும் முன்னணி கதாநாயகியாக வலம் வந்துள்ளார்.

ஆனால் ஒரு நிலைக்கு பிறகு திரைத்துறையிலிருந்து ஒதுங்கியிருந்த அவர், தற்போது மீண்டும் திரும்பி, சினிமா மற்றும் வெப் தொடர்களில் தனது நடிப்பைத் தொடர்ந்து வெளிப்படுத்தி வருகிறார். இப்படி இருக்க 1992-ம் ஆண்டு, சாந்தி பிரியா வங்காள தேசத்தைச் சேர்ந்த நடிகர் சித்தார்த் ராயை காதலித்து திருமணம் செய்து கொண்டார். இருவரும் ஒரு நிகழ்ச்சியில் நடனமாடிய போதே அவர்களுக்குள் முதல் பார்வையில் காதல் உருவாகியது. அந்தக் காதல் திருமணத்தில் முடிந்து, இருவரும் இரண்டு குழந்தைகளின் பெற்றோரானார்கள். அவர் சொல்வதுபோல, “நாங்கள் மகிழ்ச்சியுடன் வாழ்ந்தோம். அவர் ஒரு நல்ல கணவர், அன்பான தந்தை.” ஆனால், அந்த மகிழ்ச்சியான குடும்ப வாழ்க்கை 2004-ம் ஆண்டு சித்தார்த் ராயின் திடீர் மரணத்தால் முழுமையாக சிதைந்து போனது. சாந்தி பிரியா இந்த நிகழ்வை தனது வாழ்க்கையின் திருப்புமுனை எனக் கருதுகிறார். சமீபத்தில் ஒரு பேட்டியில், சாந்தி பிரியா தனது கணவர் மரணம் தொடர்பான உணர்வுப் பூர்வமான அனுபவத்தை பகிர்ந்துள்ளார். அதில் “அந்த நாள் ஒரு சாதாரண நாளாகத் தொடங்கியது. நாங்கள் அனைவரும் இரவு உணவுக்கு கூடிவிட்டு பேசிக் கொண்டிருந்தோம். திடீரென்று அவருக்கு வலிப்பு ஏற்பட்டது. என்னால் எதுவும் செய்ய முடியவில்லை. நம் வீட்டு பணிப்பெண் மாடியில் வசித்த மருத்துவரை அழைத்து வந்தார். அவர் சில மருந்துகள் ஊசியுடன் கொடுத்தாலும், அதற்குள் அவர் இறந்து விட்டார். நான் பரிதாபமாக இருந்தேன். ஆனால் அந்த வேளையில் நான் அழவில்லை. நான் என் குழந்தைகளுக்காக உறைந்து போனேன். நான் உதவியற்றவள் என்று காட்ட விரும்பவில்லை. யாரிடமும் உதவி கேட்கவில்லை. எல்லா சடங்குகளும் முடிந்த பிறகுதான், அவர் நம்முடன் இல்லை என்பதை உணர்ந்தேன்” என உருக்கமாக கூறியுள்ளார்.

மேலும் சாந்தி பிரியா தனது வாழ்க்கையில் ஏற்பட்ட திடீர் சோகத்தை தன்னிலையே சமாளிக்க வேண்டிய சூழ்நிலையில் இருந்தார். தனது தாயார், "வீட்டிற்கு வா" என அழைத்தபோதும், அவர் மறுத்துவிட்டதாகவும் கூறியுள்ளார். இதனை குறித்து பேசுகையில் "நான் நீண்ட நாட்கள் வெள்ளை ஆடைகளே அணிந்திருந்தேன். என் முகத்தில் நிம்மதியோ, சிரிப்போ எதுவும் இல்லை. என் அம்மா என் நிலையைப் பார்த்து மனமுடைந்தார். ஆனால், என் குழந்தைகளுக்காக வாழ வேண்டும் என்பதற்காகவே நான் மீண்டேன்," எனக் கூறியிருக்கிறார். பல ஆண்டுகளுக்குப் பிறகு, சாந்தி பிரியா திரையுலகிற்கு மீண்டும் திரும்பி சினிமா மற்றும் வெப் தொடர்களில் நடித்து வருகிறார். கடந்த செப்டம்பர் 5-ம் தேதி வெளியாகியுள்ள திரைப்படமான "பேட்கேர்ள்" என்பதில் சாந்தி பிரியா முக்கிய கதாபாத்திரத்தில் நடித்துள்ளார். இந்த படத்தில் அவர் நடித்த வேடம் பாராட்டுகளை பெற்றுள்ளது. இப்படியாக சாந்தி பிரியாவின் வாழ்க்கை திரைக்கதையை மிஞ்சும் அளவிற்கு நெஞ்சை நெகிழ வைக்கும் வகையில் அமைந்துள்ளது.

இதையும் படிங்க: ஷில்பா ஷெட்டியின் ரூ.60 கோடி மோசடி வழக்கு..! அவரது கணவருக்கு சம்மன் அனுப்பிய போலீஸ்..!

அவரது உறுதி, தைரியம், தன்னம்பிக்கை ஆகியவை அவரது வாழ்க்கையின் கடினமான பாகங்களை சமாளிக்க உதவியுள்ளன. இது இன்று பல பெண்களுக்கு ஒரு ஊக்கமளிக்கும் கதையாக திகழ்கிறது. இந்த பேட்டி வெளியாகியதிலிருந்து, சமூக வலைதளங்களில் சாந்தி பிரியாவுக்கு பெரும் ஆதரவு வந்துள்ளது. மிகவும் எளிமையாகவும் உண்மையாகவும் தனது வாழ்க்கையின் கண்ணீர் பக்கங்களை பகிர்ந்ததற்காக, ரசிகர்கள் மற்றும் சமூக ஆர்வலர்கள் அவருக்கு வாழ்த்துக்களையும் நன்றிகளையும் தெரிவித்துள்ளனர். மீண்டும் திரையுலகில் முழுமையாக நடிப்பதில் ஆர்வம் காட்டும் சாந்தி பிரியா, சில முக்கியமான தமிழ் மற்றும் ஹிந்தி வெப் தொடர்களில் முக்கிய வேடங்களில் ஒப்பந்தமாகி உள்ளதாக தகவல்கள் வெளியாகியுள்ளன. அவர் கூறுவதுபோல, "இப்போதெல்லாம் என் வாழ்க்கை என் குழந்தைகளுக்காக. நடிப்பும் என் ஆனந்தமே. மீண்டும் திரையில் நடிக்கும்போது ஒரு புதிய ஆற்றல் கிடைக்கிறது. ரசிகர்கள் என்னை மறக்காமல் பார்த்துக் கொண்டிருக்கிறார்கள் என்பதே மிகப் பெரிய நன்றிச் சம்பளம்," எனக் கூறியிருக்கிறார்.

ஆகவே சாந்தி பிரியா வாழ்க்கை என்பது, வெற்றி, சோகம், மீட்பு மற்றும் நம்பிக்கை ஆகிய அனைத்தையும் ஒரே தளத்தில் ஒருங்கிணைத்த ஒரு உண்மை மனித கதையாக உள்ளது. பிரபல நடிகை என்ற உச்சத்தில் இருந்து, வாழ்க்கையின் கடுமையான துயரங்களை எதிர்கொண்டு, மீண்டும் நடிப்புக்குத் திரும்பி வந்த அவர் ஒரு வீராங்கனை தான்.

இதையும் படிங்க: வெனிஸ் திரைப்பட விழாவில் சாதனை படைத்த அனுபர்னா ராய்..! புகழ்ந்து தள்ளிய நடிகை ஆலியா பட்..