இது தான் கடைசி படம்.. விஜயை தொடர்ந்து ரஜினி காந்த் எடுத்த அதிரடி முடிவு..! ஷாக்கில் சூப்பர் ஸ்டார் ரசிகர்கள்..!

தமிழ் திரையுலகின் “சூப்பர்ஸ்டார்” என அழைக்கப்படும் ரஜினிகாந்த், 74 வயதிலும் அதே உற்சாகத்துடன் திரை உலகில் செயலில் இருந்து வருகிறார். நாற்பதுக்கும் மேற்பட்ட ஆண்டுகள் ரசிகர்களின் இதயத்தில் இடம் பிடித்து வரும் இவர், இன்னும் முன்னணி நடிகராகவே திகழ்கிறார் என்பதுதான் அவரது வெற்றியின் தனிச்சிறப்பு. இப்படி இருக்க நெல்சன் திலீப்குமார் இயக்கிய “ஜெயிலர்” படம் கடந்த வருடம் வெளியான போது, அது பாக்ஸ் ஆபிஸில் சாதனைகள் படைத்தது. ரசிகர்கள் மீண்டும் “அது தான் நம்ம ரஜினி” என்று உற்சாகப்பட்டனர்.

அந்த வெற்றிக்குப் பிறகு, ரஜினிகாந்த் மீண்டும் பிசியாக மாறியுள்ளார். தற்போது அவர் இயக்குனர் சுந்தர்.சியுடன் இணைந்து ஒரு புதிய படத்தில் நடித்து வருகிறார். அந்த படம் இன்னும் பெயர் வைக்கப்படவில்லை. ஆனால், படப்பிடிப்பு தொடங்கியதிலிருந்து ரசிகர்களிடையே பெரிய அளவில் எதிர்பார்ப்பு உருவாகியுள்ளது. குறிப்பாக சுந்தர்.சி, நகைச்சுவை மற்றும் வணிக அம்சங்களை கலந்த படங்களை உருவாக்குவதில் பிரபலமானவர். அதனால், அவர் மற்றும் ரஜினிகாந்த் இணைந்திருப்பது ரசிகர்களுக்கு புதிய அனுபவமாக இருக்கும் என அனைவரும் நம்புகின்றனர். சுந்தர்.சி படம் முடிந்த பிறகு, ரஜினிகாந்த் மீண்டும் இயக்குனர் நெல்சன் உடன் இணைந்து ஒரு மிகப்பெரிய திட்டத்தில் நடிக்கவுள்ளார். இந்த படத்தின் சிறப்பம்சம் என்னவென்றால், அதில் ரஜினிகாந்துடன் இணைந்து உலக நாயகன் கமல்ஹாசன்வும் நடிக்கவுள்ளதாக செய்திகள் வெளியாகியுள்ளன.

தமிழ் சினிமா வரலாற்றில் மிகப்பெரிய ரசிகர் ஆதரவை கொண்ட இரு லெஜன்ட்களும் ஒரே படத்தில் இணைவது அரிதான வாய்ப்பு. எனவே, இந்த படம் வெளிவரும் நேரத்திலே பாக்ஸ் ஆபிஸ் சாதனைகள் புதிதாக எழுதப்படும் என எதிர்பார்க்கப்படுகிறது. இந்நிலையில், திரையுலகில் பரவி வரும் புதிய செய்தி ஒன்று ரசிகர்களை அதிர்ச்சியில் ஆழ்த்தியுள்ளது. அதன்படி, ரஜினிகாந்த் தனது அடுத்த இரண்டு படங்களை முடித்த பின், சினிமா உலகில் இருந்து ஓய்வு பெற தீர்மானித்துவிட்டார் என கூறப்படுகிறது. இது குறித்து அதிகாரப்பூர்வ அறிவிப்பு எதுவும் வெளியாகவில்லை என்றாலும், அந்த தகவல் சமூக வலைதளங்களில் வைரலாக பரவி வருகிறது. 

இதையும் படிங்க: வாய்ப்பை தவறவிட்டாரா லோகேஷ் கனகராஜ்..! விரைவில் திரையரங்குகளில் ரஜினி - கமல்.. சவுந்தர்யா ரஜினிகாந்த் திட்டவட்டம்..!

சமீபத்தில் நடிகர் விஜய், தனது “தமிழக வெற்றிக் கழகம்” என்கிற புதிய கட்சியை தொடங்கி, அரசியலுக்காக சினிமாவிலிருந்து ஒதுங்குவதாக அறிவித்தார். அதே நேரத்தில் ரஜினியும் சினிமாவிலிருந்து ஓய்வு பெறுவதாக கூறப்படும் செய்தி பரவியதால், ரசிகர்களிடையே கலவையான உணர்வுகள் எழுந்துள்ளன. ஒரு பக்கம் தங்கள் பிரியமான ஹீரோக்கள் திரையுலகை விட்டு வெளியேறுவது ரசிகர்களை கவலைப்படுத்துகிறது; மறுபக்கம் அவர்கள் வாழ்க்கையின் புதிய கட்டத்தில் முன்னேறுகிறார்கள் என்ற பெருமிதமும் உள்ளது. ரஜினிகாந்த் தனது திரை பயணத்தை 1975-ம் ஆண்டில் அபூர்வ ராகங்கள் என்ற படத்தின் மூலம் தொடங்கினார்.

அப்போது அவரை திரைக்கு அறிமுகப்படுத்தியவர் இயக்குனர் கே.பாலச்சந்தர். அதன் பிறகு, பாஷா, படயப்பா, எந்திரன், கபாலி, ஜெயிலர் போன்ற பல படங்கள் தமிழ் சினிமாவை மட்டுமின்றி இந்திய சினிமாவையே கவர்ந்தன. அவரது தனித்துவமான நடிப்பு முறை, கையசைப்பு, ஸ்டைல் அனைத்தும் ரசிகர்கள் மனதில் நீங்கா இடம் பிடித்துள்ளது.  இப்போதைக்கு, ரஜினிகாந்த் தரப்பில் இருந்து எந்த அதிகாரப்பூர்வ விளக்கமும் வெளிவரவில்லை. ஆனால், அவரது சமீபத்திய  பேட்டிகளில் அவர் பலமுறை “இப்போது அமைதியான வாழ்க்கை வேண்டும்” என குறிப்பிட்டிருந்தது, இந்த வதந்திக்கு சிறிதளவு வலுவூட்டுகிறது. ரஜினி ரசிகர்கள் இதற்காக எதிர்பார்ப்புடன் காத்திருக்கின்றனர் — “அவர் இன்னும் சில வருடங்கள் நம்மை மகிழ்விக்க வேண்டும்” என்பதுதான் அனைவரின் ஒரே வேண்டுகோள்.

ஆகவே ரஜினிகாந்த் என்ற பெயர் ஒரு மனிதரின் பெயர் மட்டுமல்ல, அது ஒரு காலத்தின் அடையாளம். அவர் திரையுலகை விட்டு வெளியேறினாலும், அவரது சினிமா மாயை, அவரது ஸ்டைல், அவரது தாக்கம் என என்றும் அழியாத ஒன்றாகவே இருக்கும். தமிழ் சினிமாவின் வரலாற்றில் ரஜினிகாந்த் என்ற அத்தியாயம் எப்போதும் பொற்காலமாகவே நினைவில் நிற்கும்.

இதையும் படிங்க: உதவி செய்ய நினைத்தது குத்தமா.. வசமாக சிக்கிய லதா ரஜினிகாந்த்..! கோர்ட்டு கொடுத்த உத்தரவால் கலக்கம்..!