அவருக்கு ஜாமீன் கிடைக்கூடாது.. ஆனா மெயின்டனன்ஸ் மட்டும் வேண்டும்..! மாதம்பட்டி ரங்கராஜ் மீது ஜாய் கிரிசில்டா மீண்டும் புகார்..!

தமிழகத்தில் பரபரப்பை ஏற்படுத்தியுள்ள வழக்குகளில் ஒன்றாக, பிரபல சமையல் கலைஞர் மாதம்பட்டி ரங்கராஜ் தொடர்பான விவகாரம் தொடர்ந்து பேசப்பட்டு வருகிறது. திருமணம் செய்து ஏமாற்றப்பட்டதாக ஆடை வடிவமைப்பாளர் ஜாய் கிரிசில்டா அளித்த புகார், தற்போது காவல்துறை விசாரணை மற்றும் நீதிமன்ற விசாரணை என இரு நிலைகளிலும் நடைபெற்று வருகிறது.

இந்த நிலையில், தற்போது ஜாய் கிரிசில்டா மீண்டும் சென்னை காவல் ஆணையர் அலுவலகத்தில் ஒரு புதிய புகார் மனுவை அளித்துள்ளார். அந்த மனுவில் அவர் முன்வைத்துள்ள கோரிக்கைகள், இந்த வழக்கை மீண்டும் ஒரு புதிய கட்டத்திற்கு கொண்டு சென்றுள்ளதாக பார்க்கப்படுகிறது. இப்படி இருக்க ஜாய் கிரிசில்டா, தொழில்முறை ஆடை வடிவமைப்பாளராக பணியாற்றி வருபவர். ஃபேஷன் துறையில் தன்னிச்சையாக இயங்கி வந்த அவர், தனிப்பட்ட வாழ்க்கையில் சந்தித்த பிரச்சினைகள் காரணமாக, கடந்த சில மாதங்களாக பொதுமக்கள் கவனத்திற்கு வந்துள்ளார். அவர் அளித்த புகாரின் அடிப்படையில், பிரபல சமையல் கலைஞரான மாதம்பட்டி ரங்கராஜ் தன்னை திருமணம் செய்து கொள்வதாக கூறி நம்பிக்கை ஏற்படுத்தி, பின்னர் ஏமாற்றியதாக குற்றம்சாட்டியிருந்தார். மாதம்பட்டி ரங்கராஜ், தொலைக்காட்சி நிகழ்ச்சிகள் மற்றும் திருமண சமையல் நிகழ்வுகள் மூலம் பிரபலமான சமையல் கலைஞர். தமிழகத்தில் மட்டுமல்லாது, வெளிநாடுகளிலும் அவர் பெயர் அறிமுகமானது.

அவரது சமையல் திறமை, ஊடகங்களில் கிடைத்த புகழ் காரணமாக, அவர் ஒரு பொதுவான பிரபலமாக பார்க்கப்படுகிறார். அதனால் தான், இந்த புகார் வெளிவந்த தருணத்திலிருந்து, அது பொதுமக்கள் மத்தியில் பெரும் கவனத்தை ஈர்த்துள்ளது. ஜாய் கிரிசில்டா முதன் முறையாக சென்னை காவல் ஆணையர் அலுவலகத்தில் அளித்த புகாரின் அடிப்படையில், காவல்துறையினர் விசாரணை தொடங்கினர். இந்த விவகாரம் தொடர்பாக, சட்டப்படி உரிய நடவடிக்கைகள் மேற்கொள்ளப்பட்டு வருவதாக போலீசார் தெரிவித்தனர். அதே நேரத்தில், இந்த வழக்கு நீதிமன்றத்திலும் விசாரணை நிலுவையில் உள்ளது.

இதையும் படிங்க: 'ஜனநாயகன்' இசை வெளியீட்டு விழா-வா வேண்டும்..! ரசிகர்களுக்கு ஆப்பு வைத்த படக்குழு.. சோகத்தில் விஜய் Fan's..!

இரு தரப்பினரின் வாதங்களும், ஆதாரங்களும் சட்டப்படி ஆராயப்பட்டு வருகின்றன. இந்த விசாரணை தொடர்ந்து நடைபெற்று வரும் நிலையிலேயே, ஜாய் கிரிசில்டா நிறைமாத கர்ப்பிணியாக இருந்தார். சமீபத்தில் அவர் ஆண் குழந்தையை பெற்றெடுத்துள்ளார். இந்த தகவல் வெளியான பிறகு, இந்த வழக்கு மீண்டும் ஊடகங்களின் கவனத்தை ஈர்த்தது. எனவே ஜாய் கிரிசில்டா, பிறந்த குழந்தை மாதம்பட்டி ரங்கராஜின் குழந்தை தான் என்றும், அதை நிரூபிக்க DNA பரிசோதனைக்கு தயார் என்றும் முன்பே தெரிவித்திருந்தார். இந்த அறிவிப்பு, சட்ட ரீதியாகவும் சமூக ரீதியாகவும் பெரும் விவாதத்தை ஏற்படுத்தியது. இப்படி இருக்க DNA பரிசோதனை என்பது, குழந்தையின் தந்தை யார் என்பதை அறிவியல் ரீதியாக நிரூபிக்கும் ஒரு முக்கிய ஆதாரம்.

ஜாய் கிரிசில்டா இந்த பரிசோதனைக்கு தயார் என கூறியிருப்பது, அவர் தனது புகாரில் உறுதியாக இருப்பதை காட்டுவதாக அவரது தரப்பு வாதிடுகிறது. ஆனால், DNA பரிசோதனை மேற்கொள்ளப்படுமா, எப்போது மேற்கொள்ளப்படும், நீதிமன்ற உத்தரவு தேவையா என்பது போன்ற விஷயங்கள், சட்ட நடைமுறையின் கீழ் தீர்மானிக்கப்பட வேண்டியவை. இந்த நிலையில், ஜாய் கிரிசில்டா தற்போது மீண்டும் சென்னை காவல் ஆணையர் அலுவலகத்தில் ஒரு புதிய புகார் மனுவை அளித்துள்ளார். இந்த மனுவில், அவர் சில முக்கியமான கோரிக்கைகளை முன்வைத்துள்ளார். புதிய மனுவில், ஜாய் கிரிசில்டா, மாதம்பட்டி ரங்கராஜ் மீது ஜாமீனில் வெளிவர முடியாத (Non-bailable) பிரிவின் கீழ் வழக்குப்பதிவு செய்ய வேண்டும் எனக் கோரிக்கை வைத்துள்ளார்.

இந்த கோரிக்கை, வழக்கின் தீவிரத்தை மேலும் அதிகரித்துள்ளதாக சட்ட வட்டாரங்கள் தெரிவிக்கின்றன. இருப்பினும், எந்த பிரிவின் கீழ் வழக்கு பதிவு செய்யப்பட வேண்டும் என்பது, விசாரணை அதிகாரிகளின் மதிப்பீடு மற்றும் சட்ட ஆலோசனைகளின் அடிப்படையிலேயே முடிவு செய்யப்படும். மேலும் புகார் மனுவில், ஜாய் கிரிசில்டா தனது தற்போதைய வாழ்க்கை சூழ்நிலையை பற்றியும் குறிப்பிட்டுள்ளார். அதில், தாம் குடியிருக்கும் வீட்டின் வாடகை ஒப்பந்தம் வரும் பிப்ரவரி மாதத்துடன் முடிவடைய உள்ளது. தனக்கு இரண்டு குழந்தைகள் உள்ளனர்.

அந்த குழந்தைகளின் பராமரிப்பு மற்றும் அடிப்படை தேவைகளுக்காக பணம் மிகவும் அவசியமாக உள்ளது. இந்த காரணங்களால், தாம் கடுமையான பொருளாதார நெருக்கடியில் இருப்பதாக அவர் தெரிவித்துள்ளார். எனவே ஜாய் கிரிசில்டா, தனது மனுவில், இந்த விவகாரத்தில் விரைவில் ஒரு நல்ல தீர்வு கிடைக்க காவல்துறை உதவ வேண்டும் எனக் கேட்டுக் கொண்டுள்ளார். இது ஒரு சட்டப் பிரச்சினை மட்டுமல்ல, இரண்டு குழந்தைகளின் எதிர்காலம் தொடர்பான விஷயம் என்றும் அவர் குறிப்பிட்டுள்ளார். இந்த புதிய புகார் மனுவை பெற்றுக்கொண்ட காவல்துறை, அதனை சட்டப்படி பரிசீலித்து வருவதாக தகவல்கள் தெரிவிக்கின்றன.

ஏற்கனவே விசாரணை நடைபெற்று வரும் நிலையில், இந்த புதிய மனுவின் அடிப்படையில், கூடுதல் விசாரணை மேற்கொள்ளப்படலாம் என கூறப்படுகிறது. சட்ட நிபுணர்கள் இதனை பற்றி பேசுகையில், வழக்கு விசாரணை நடந்து கொண்டிருக்கும் நிலையில், கூடுதல் மனுக்கள் தாக்கல் செய்வது சட்டப்படி அனுமதிக்கப்பட்டது. ஆனால், எந்த பிரிவின் கீழ் வழக்கு பதிவு செய்யப்பட வேண்டும் என்பது, ஆதாரங்களின் அடிப்படையிலேயே முடிவு செய்யப்படும். DNA பரிசோதனை தொடர்பாகவும், நீதிமன்றத்தின் உத்தரவு முக்கிய பங்கு வகிக்கும் என்கின்றனர். இந்த விவகாரம் குறித்து சமூக வலைதளங்களில் பல்வேறு கருத்துகள் வெளிப்பட்டு வருகின்றன.

சிலர் ஜாய் கிரிசில்டாவுக்கு ஆதரவாக பேசும் நிலையில், சிலர் விசாரணை முடியும் வரை எந்த முடிவுக்கும் வரக்கூடாது என்று கூறி வருகின்றனர். ஆகவே மாதம்பட்டி ரங்கராஜ் – ஜாய் கிரிசில்டா விவகாரம், தற்போது புகார், விசாரணை, நீதிமன்றம் என மீண்டும் புகார் என்ற கட்டத்தை எட்டியுள்ளது.

இந்த வழக்கில் உண்மை என்ன, சட்டப்படி எந்த முடிவு எடுக்கப்படும் என்பது, காவல்துறை விசாரணை மற்றும் நீதிமன்ற தீர்ப்பின் அடிப்படையிலேயே தெரிய வரும். இந்நிலையில், ஜாய் கிரிசில்டா முன்வைத்துள்ள புதிய கோரிக்கைகள், இந்த வழக்கை இன்னும் தீவிரமாக மாற்றியுள்ளன என்பதில் சந்தேகமில்லை.

இதையும் படிங்க: press meet-ல ஹீரோயினை வம்புக்கிழுத்த நிருபர்..! கடும் கோபத்தில் நடிகர் சுதீப் செய்த விஷயத்தால் பரபரப்பு..!