உலகத்தையே அசர வைத்த டாம் குரூஸை அதிர வைத்த அமைப்பு.. இப்படி ஒரு அறிவிப்பை யாரும் எதிர்பார்க்கல..!

கோலிவுட் மற்றும் பாலிவுட் திரைப்படங்களை நாம் அதிகம் கண்டால் அங்கு நடக்கும் சண்டை காட்சிகள் முதல் ஹீரோ பறந்து பறந்து அடிக்கும் காட்சிகளிலும், பெரிய பெரிய கட்டிடங்களில் இருந்து குதிக்கும் காட்சிகள் என அனைத்திலும் இருப்பவர்கள் ஒருவர் கூட ஹீரோவாக இருக்க மாட்டார்கள் அனைவருமே ஸ்டண்ட் மேன்களாகவே இருப்பர். ஏனெனில் ஹீரோக்களால் சில காரியங்களை செய்ய முடியாது. ஆதலால் தான் அவர்களுக்கு பதிலாக இந்த ஸ்டண்ட் மேன்களை பயன்படுத்துகின்றனர் இயக்குனர்கள். அவர்கள் தங்கள் உயிரை பனையம் வைத்து அதிகமான காரியங்களை சினிமாவில் செய்து வருகின்றனர். 

குறிப்பாக இதே போல் ஸ்டண்ட் மாஸ்டர்களே இல்லாமல் தனது சொந்த முயற்சியால் பலரது மனதை வென்றவர் என்றால் இப்பொழுதும் அனைவரது நினைவுக்கும் வரக்கூடியவர் 'ஜாக்கிஜான்' மட்டுமே. இவரது நடிப்பு எந்த அளவிற்கு பிரமாதமாக இருக்கிறதோ அதே அளவிற்கு இவரது சண்டைக்காட்சிகள் முதல் பில்டிங்கிலிருந்து எதிரி குதிக்கும் காட்சிகளில் வரும் அனைத்து ஸ்டன்ட்டுகளையும் இவரே செய்து இருப்பார். அதனால் தான் இன்று வரை ஜாக்கி ஜானுடைய பெயரை ஒருவராலும் சம்பாதிக்க முடியவில்லை. இவரைப்போல இதற்கு மேல் ஒருவர் இங்கு இல்லை என பலரும் கூறி வந்த நிலையில் அவர்கள் அனைவருக்கும் ஷாக் கொடுக்கும் விதமாக வந்தவர் தான் ட்ரில்லியன் கணக்கில் இன்று ரசிகர்களை வைத்திருக்கும் நடிகர் டாம் குரூஸ்.

இதையும் படிங்க: ஒரே ஸ்டன்ட்டில் ஓஹோன்னு வந்த டாம் குரூஸ்..! கின்னஸ் சாதனை புத்தகத்தில் இடம் பிடித்து அசத்தல்...!

இவரது படம் என்று பார்த்தால் இதுவரை விரல் விட்டு எண்ணும் திரைப்படங்களிலேயே நடித்திருக்கிறார் அது 'மிஷின் இம்பாசிபிள்' என்ற பெயரில் வெளியாகி இருக்கிறது. இயக்குனர் கிரிஸ்டோபர் மைக்குவாரி இயக்கத்தில் 1996 ஆம் ஆண்டு மே 22 ஆம் தேதி இந்த 'மிஷின் இம்பாசிபிள்' படத்தின் முதல் பாகம் வெளியானது. அன்றிலிருந்து இன்று வரை இப்படத்திற்கான ஆடியன்ஸ் குறைந்ததே இல்லை. இத்திரைப்படத்தின் எட்டாவது பாகமான 'மிஷின் இம்பாசிபிள் தி ஃபைனல் ரெக்கனிங்' திரைப்படமானது கடந்த மே மாதம் 17ஆம் தேதி வெளியானது. திரைப்படத்தைப் பார்த்து அவரது ரசிகர்கள் உற்சாகமாக கொண்டாடி வருகின்றனர். எதற்காக டாம் குரூஸுக்கு இவ்வளவு ரசிகர்கள் இருக்கிறார்கள் என பார்த்தால், 62 வயதான இவர், இன்று வரையும் திரைப்படங்களில் பல ஸ்டண்ட் காட்சிகளை எந்த டூப்பும் இல்லாமல் நடித்திருக்கிறார். 

பொதுவாக ஏஜென்ட் திரைப்படங்களை குறித்து நாம் எடுத்து பார்த்தால் அதில் வில்லனை அழிக்க கதாநாயகர்கள் போராடும் படமாகவே இருக்கும் ஆனால், மிஷன் இம்பாசிபிள் இதற்கு அப்பாற்பட்ட ஒரு படம். உதாரணத்திற்கு கடந்த 2023-ம் ஆண்டு வெளியான மிஷன் இம்பாசிபிள் டெத் ரெக்கனிங் படத்தில், அவருக்கு போட்டியாக களம் இறக்கப்பட்ட தி என்ட்டிட்டி எனப்படும் ஏஐ தொழில்நுட்பத்தை வில்லனாக களம் இறக்கி அசத்தியிருந்தால் டாம் குரூஸ். அதை அவர் வீழ்த்தினாரா? இல்லையா என்பது தான் படத்தின் கதையாகவே இருந்தது. எப்படிப்பட்ட டாம் குரூஸ் படத்தில் வரும் எல்லா ஸ்டண்டுகளாகவே இருந்தாலும் அதனை அதிரடியாக செய்து காமிப்பதில் வல்லவர். குறிப்பாக ஹெலிகாப்டரில் இருந்து குதிப்பது, பைக்கை மலையிலிருந்து ஓட்டிக் கொண்டு வருவது, 

பைக்கில் பறந்த பாடி ஸ்டண்ட் செய்வது, காரில் ஸ்டன்ட் செய்வது, உயிருக்கு ஆபத்தான பல ஸ்டான்டுகளை அசால்டாக செய்வது என பல ஸ்டன்டுகளை செய்து காண்பித்து அசத்தியிருக்கிறார் நடிகர் டாம் குரூஸ். இந்த நிலையில், 'மிஷின் இம்பாசிபிள் தி ஃபைனல் ரெக்கனி' படத்தின் சண்டைக் காட்சிக்காக நடிகர் டாம் குரூஸ் சமீபத்தில் கின்னஸ் சாதனை பெற்றுள்ளார். காரணம் இப்படத்தில் எரியும் பாராசூட்டில் இருந்து அதிக முறை, அதாவது கிட்டத்தட்ட 16 முறை பயமில்லாமல் தைரியமாக குதித்த நபர் என்ற சாதனையை தன் வசப்படுத்தி இருக்கிறார் நடிகர் டாம் குரூஸ். இந்த உலக சாதனை வென்ற டாம் குரூஸை அவரது ரசிகர்கள் வெகுவாக பாராட்டி வரும் இந்த வேளையில், அவரது சாதனையை பாராட்டும் விதமாக வேறொரு விருதும் அவருக்கு அறிவிக்கப்பட்டுள்ளது. 

அதாவது 45 ஆண்டுகால அவரது சினிமா வாழக்கையை பாராட்டும் விதமாகவும், சினிமாவுக்கு அவர் கொடுத்து வரும் உண்மைக்கும் பிரதி பலனாக தற்பொழுது முதல் முறையாக அவருக்கு உயரிய விருதான "ஆஸ்கர் விருதை" வழங்க இருப்பதாக அறிவித்து உள்ளது அகாடமி ஆஃப் மோஷன் பிக்சர்ஸ் அண்ட் சயின்ஸ் அமைப்பு. இதனை பார்த்த அவரது கோடான கோடி ரசிகர்கள் அவருக்கு வாழ்த்துக்களை அள்ளி குவித்து வருகின்றனர்.

இதையும் படிங்க: ஒரே ஸ்டன்ட்டில் ஓஹோன்னு வந்த டாம் குரூஸ்..! கின்னஸ் சாதனை புத்தகத்தில் இடம் பிடித்து அசத்தல்...!