குழந்தை யாருடையதானாலும் புருஷன் என்னுது..! காசுக்கான நாடகம் பலிக்காது.. மாதம்பட்டிக்கு ஆதரவாக மனைவி அறிக்கை..!

பிரபல சமையல் கலைஞரும், யூடியூப் வழியாக சமையல் கலை உலகில் தனக்கென ஒரு இடத்தைப் பிடித்தவருமான மாதம்பட்டி ரங்கராஜ் தற்போது தனிப்பட்ட வாழ்க்கையைச் சுற்றி பரபரப்பில் சிக்கியுள்ளார். சில மாதங்களுக்கு முன், பிரபல ஆடை வடிவமைப்பாளர் ஜாய் கிரிசில்டா, “ரங்கராஜ் என்னை திருமணம் செய்து ஏமாற்றிவிட்டார்” எனக் கூறி, பெரிய அளவிலான புகார் ஒன்றை வெளியிட்டது அனைவருக்கும் நினைவில் இருக்கும்.

அந்த நேரத்தில் சமூக வலைத்தளங்கள், செய்தித்தாள்கள், யூடியூப் ஊடகங்கள் என அனைத்திலும் இந்த விவகாரம் பெரிய சர்ச்சையாக மாறியது. ஜாய் கிரிசில்டா கூறுகையில் “ரங்கராஜ் என்னை திருமணம் செய்வதாக கூறி, உறவில் ஈடுபட்டார். ஆனால் பின்னர் என்னை விட்டு விலகிவிட்டார். அவர் எனக்கு நியாயம் செய்ய வேண்டும்” என்றார். இதனால் ரங்கராஜ் மீது பல குற்றச்சாட்டுகள் எழுந்தன. இதற்கிடையில், ஜாய் கிரிசில்டா சமீபத்தில் ஆண் குழந்தை பெற்றெடுத்தார். குழந்தை பிறந்த தகவல் வெளியானதும், மீண்டும் ஊடகங்களில் பரபரப்பு நிலவியது. இதுகுறித்து மாதம்பட்டி ரங்கராஜ், “அந்தக் குழந்தை எனது குழந்தை என்று அறிவியல் ரீதியாக (டிஎன்ஏ பரிசோதனை மூலம்) நிரூபிக்கப்பட்டால், அந்தக் குழந்தையை நான் வாழ்நாள் முழுவதும் கவனித்துக்கொள்வேன். எந்த பொறுப்பிலிருந்தும் விலகமாட்டேன்” என்று கூறியிருந்தார்.

இதற்கு பதிலளித்த ஜாய் கிரிசில்டா, “அப்படியானால் ரங்கராஜ் தானாகவே டிஎன்ஏ பரிசோதனைக்கு வர வேண்டும். உண்மை வெளிச்சம் காணட்டும்” என்று கூறி பொதுமக்கள் முன் சவாலாக அழைப்பு விடுத்தார். இந்த விவகாரம் இன்னும் முடிவுக்கு வரவில்லை எனும் நேரத்தில், ரங்கராஜின் மனைவியும், வக்கீலுமான சுருதி பிரியா தனது இன்ஸ்டாகிராம் பக்கத்தில் வெளியிட்ட ஒரு நீளமான பதிவால் புதிய பரபரப்பு கிளம்பியுள்ளது. அந்த பதிவில் அவர், “நான் என் குடும்பப் புகைப்படத்தை சமூக வலைத்தளத்தில் பகிர்ந்த சில நிமிடங்களிலேயே, ஜாய் கிரிசில்டா என்னிடம் இருந்து ஒழுக்கமற்ற, அவமதிப்பான செய்திகள் வந்தன. இது எனது தனியுரிமையை மீறும் செயல் மட்டுமல்ல, குடும்ப அமைதியையும் குலைக்கும் முயற்சியாகும். ஜாய் கிரிசில்டா தனது சொந்த கையெழுத்தில் எழுதிய கடிதத்தில் சில அதிர்ச்சிகரமான கோரிக்கைகள் முன்வைத்துள்ளார்.

இதையும் படிங்க: DNA டெஸ்டுக்கு நான் தயார்.. மிரட்டி கல்யாணம் பண்ணாங்க.. காசு கேக்குறாங்க..! ஜாய் கிரிசில்டா குறித்து ரங்கராஜ் பரபரப்பு அறிக்கை..!

அதில், ‘ரங்கராஜ் என்னை தனது மனைவியாக சமூகத்தில் அறிமுகப்படுத்த வேண்டும்’, ‘ஒரு வீடு வாங்கிக் கொடுக்க வேண்டும்’, ‘மாதம் ரூ.8 லட்சம் கொடுக்க வேண்டும்’, ‘இப்போது எனக்கு ரூ.10 லட்சம் தேவை’ என குறிப்பிட்டுள்ளார். அதுமட்டுமல்ல, ‘ரங்கராஜ் தனது மனைவி சுருதி பிரியாவுக்கு விவாகரத்து கொடுக்க வேண்டும்’ எனவும் கூறியுள்ளார்” என திடுக்கிடும் தகவல்களை பகிர்ந்துள்ளார். சுருதி பிரியா, அந்தக் கடிதத்தின் விவரங்களை வெளிப்படுத்தியபோது, “இவை அனைத்தும் ஜாய் கிரிசில்டாவின் உண்மையான நோக்கத்தை வெளிப்படுத்துகிறது. இது ஒரு பணம் பறிக்கும் முயற்சியும், எங்கள் குடும்ப வாழ்க்கையை சீர்குலைக்கும் சதியும் ஆகும்” என்று குற்றம்சாட்டியுள்ளார்.

மேலும் அவர் உறுதியாக, “நான் என் கணவர் ரங்கராஜுடன் உறுதியாக நிற்கிறேன். அவரை இறுதி வரை காப்பாற்றுவேன். உண்மை எப்போது வெளிச்சம் பார்க்கிறதோ, அப்போது அனைவரும் உண்மையை அறிந்து கொள்வார்கள்” என்றார். இந்த பதிவைத் தொடர்ந்து, ரங்கராஜ் ஆதரவாளர்கள் அவருக்கு பெருமளவில் ஆதரவாக குரல் கொடுத்து வருகின்றனர். மறுபுறம், ஜாய் கிரிசில்டா ஆதரவாளர்கள் “சுருதி பிரியா வழக்கை திசை திருப்ப முயற்சிக்கிறார்” என கூறுகின்றனர்.

சமூக வலைத்தளங்களில் இதே விவகாரம் தற்போது ட்ரெண்டாகி வருகிறது. யார் உண்மை பேசுகிறார்கள்? யார் பொய் பேசுகிறார்கள்? என்ற கேள்வி ரசிகர்களிடையே பெரும் விவாதமாகி விட்டது. சட்ட ரீதியிலும், சமூக ரீதியிலும் இந்த விவகாரம் எவ்வாறு முடிவடையும் என்பது இன்னும் தெரியவில்லை. ஆனால் ஒரு விஷயம் உறுதி — மாதம்பட்டி ரங்கராஜ் - ஜாய் கிரிசில்டா விவகாரம் தமிழகத்தின் பொது விவாதங்களில் இருந்து விரைவில் மறையப்போவதில்லை. இதன் பின்னணியில் இருவரின் வக்கீல்கள், ஆதாரங்களைத் திரட்டிக் கொண்டு அடுத்த கட்ட சட்ட நடவடிக்கைகளுக்குத் தயாராகி வருவதாகவும் தகவல்கள் வெளியாகியுள்ளன. தற்போது இந்த விவகாரம் நீதிமன்றத்திலும், சமூக வலைத்தளத்திலும் ஒரே அளவுக்கு பேசப்படும் பிரபல சர்ச்சையாக மாறியுள்ளது.

குறிப்பாக சமையல் கலை உலகில் சாதனை படைத்த ரங்கராஜ் தனது குடும்பத்தின் மதிப்பு மற்றும் நம்பிக்கையை மீண்டும் நிலைநாட்டுவாரா? அல்லது ஜாய் கிரிசில்டா முன்வைத்த குற்றச்சாட்டுகள் சட்டத்தின் வழியாக நிரூபிக்கப்படுமா? என்பதற்கான பதில் வரவிருக்கும் நாட்களில் தான் வெளிவரும்.

இதையும் படிங்க: மீண்டும் தமிழ் சினிமாவில் நடிகை ரோஜா..! நடிகர் விஜய் சொன்னதால் எடுத்த அதிரடி முடிவு..!