இன்று நயன்தாராவின் தரிசனம் காண தயாரா..! “டியர் ஸ்டூடெண்ட்ஸ்” டீசர் அப்டேட்..!

மலையாள திரையுலகில் ரசிகர்களின் காதல் ஜோடியாக விளங்கும் நிவின் பாலி மற்றும் நயன்தாரா, கடந்த 2019-ம் ஆண்டு வெளியாகி வெற்றி கண்ட ‘லவ் ஆக்சன் ட்ராமா’ திரைப்படத்தில் ஜோடியாக நடித்தனர். அந்த படம் ரசிகர்களிடையே எதிர்பார்த்த அளவுக்கு கலவையான விமர்சனங்களையும் வரவேற்பையும் பெற்றிருந்தது. அதனைத் தொடர்ந்து, தற்போது இந்த பிரபல ஜோடி மீண்டும் ஒரு புதிய படத்திற்கு ‘டியர் ஸ்டூடெண்ட்ஸ்’ எனும் தலைப்பில் இணைந்திருப்பது மலையாள திரையுலகிலும், இந்திய சினிமா வட்டாரத்திலும் புதிய சந்தோஷச் செய்தியாக பரவியுள்ளது.

இப்படி இருக்க ‘லவ் ஆக்சன் ட்ராமா’ திரைப்படத்தின் வெற்றிக்குப் பிறகு, நிவின் பாலி மற்றும் நயன்தாரா இருவரும் மீண்டும் ஒரு ஜோடியாக தோன்றுவார்கள் என ரசிகர்கள் ஆர்வமுடன் எதிர்பார்த்திருந்தனர். பல ஆண்டுகளுக்குப் பிறகு இவர்கள் மீண்டும் இணைவது, மலையாள சினிமாவில் ஒரு முக்கிய திருப்பமாக பார்க்கப்படுகிறது. இந்த புதிய படத்தை, இயக்குநர்களான சந்தீப் குமார் மற்றும் ஜார்ஜ் பிலிப் ராய் இணைந்து இயக்குகின்றனர். இவர்கள் இருவரும் மலையாள சினிமாவில் முன்னணி உதவி இயக்குநர்களாக பல படங்களில் பணியாற்றியுள்ளார்கள். இது இவர்களுக்கான முதல் பெரிய பட வாய்ப்பு என்பதால், அவர்களது இயக்க திறனை நிரூபிக்க ‘டியர் ஸ்டூடெண்ட்ஸ்’ ஒரு முக்கியமான படமாகவும் கருதப்படுகிறது. இந்த சூழலில் தற்போது மலையாள சினிமாவில் தயாரிப்பாளராகவும் தனது திறமையை நிரூபிக்க முயற்சிக்கும் நிவின் பாலி, இந்தப் புதிய படத்திற்கும் தயாரிப்பாளராக செயல்படுகிறார். தனது தயாரிப்பு நிறுவனமான Pauly Jr. Pictures வாயிலாக இப்படம் உருவாகி வருகிறது. இது அவரது தனிப்பட்ட தயாரிப்பு முயற்சிகளில் முக்கியமான படியாகும். தனது கதாபாத்திரத் தேர்வுகளில் எப்போதும் புதிய முயற்சிகளை செய்வதிலே பழக்கமுள்ள நிவின் பாலி, இந்தப் படம் மூலம் ஒரு புதிய வகை கொண்ட படத்தைக் கொடுக்கிறார் என எதிர்பார்க்கப்படுகிறது. இந்த நிலையில் நயன்தாரா இந்தப் படத்தில் இணைந்திருப்பது குறித்து, படக்குழு ஒரு சிறப்பு வீடியோவாக வெளியிட்டு உறுதி செய்துள்ளது. அந்த வீடியோவில், நயன்தாரா பள்ளிக்கூடக் காட்சி உடையில் நடந்து வரும் காட்சிகள் இடம்பெற, ரசிகர்கள் மிகுந்த உற்சாகத்துடன் அதை சமூக வலைதளங்களில் பகிர்ந்து கொண்டனர்.

அதன் பிறகு, படக்குழு வெளியிட்ட அறிக்கையில், "மலையாள சினிமாவின் புகழ்பெற்ற ஜோடி மீண்டும் இணைவது மகிழ்ச்சி அளிக்கிறது. நயன்தாரா மேடம் மிகுந்த உற்சாகத்துடன் இப்படத்தில் பணியாற்றத் தயாராகி உள்ளார். பள்ளிக்கூட பின்னணியில் நடைபெறும் ஒரு உணர்வுபூர்வமான கதையம்சம் கொண்ட படம் இது" என தெரிவித்தது. ஆகவே ‘டியர் ஸ்டூடெண்ட்ஸ்’ என்ற தலைப்பே பலருக்கும் பழைய நினைவுகளை மீட்டெடுக்கச் செய்துள்ளது. படத்தின் கதை, ஒரு பள்ளிக்கூடத்தை மையமாகக் கொண்டு நடைபெறும் என்ற தகவல்கள் தற்போது திரையுலக வட்டாரங்களில் பரவுகின்றன. முன்பு ‘பிரேமம்’ திரைப்படம் மூலம் கல்லூரி காதலை மனதைத் தொடும் முறையில் பதிவு செய்த நிவின் பாலி, இப்போது பள்ளி வாழ்வின் இனிமையை பற்றிய கதை சொல்ல வந்துள்ளார் என ஊகிக்கப்படுகிறது. சமீபத்தில் ‘டியர் ஸ்டூடெண்ட்ஸ்’ திரைப்படத்தின் பர்ஸ்ட் லுக் போஸ்டர் வெளியிடப்பட்டது. அந்த போஸ்டரில், சுவரில் எழுதப்பட்ட “Dear Students…” எனும் வாசகம், பழைய சாம்பல் நிற மேல் சுவரில், மாணவர்கள் பெயர்கள், கவிதைகள் மற்றும் சின்னக் குறிப்புகள் என பள்ளிக்கூட நினைவுகளை உயிர்ப்பிக்கின்ற காட்சிகள் இடம்பெற்றிருந்தன. இந்தப் போஸ்டர் சமூக வலைதளங்களில் வைரலாக பரவி, மலையாள சினிமாவின் பாரம்பரியமான ஸ்டைல் மற்றும் கதைக் கூறுகளை மீண்டும் நினைவுபடுத்தியது. ரசிகர்கள் இந்த லுக்கை ரசித்ததோடு, படம் வெளியானால் அது அவர்களது மாணவகாலத்தை மீண்டும் கொண்டுவந்து விடும் என நம்பிக்கை தெரிவித்தனர். இப்படியாக இந்த படத்தின் டீசர், இன்று மாலை 5 மணிக்கு வெளியாகும் என அதிகாரப்பூர்வமாக அறிவிக்கப்பட்டுள்ளது. படக்குழு சமூகவலைதளங்களில் வெளியிட்ட இந்த அறிவிப்பு, ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.

இதையும் படிங்க: காருல போனது குத்தமா.. எனக்கு டைம் சரியில்லப்பா அதுதான் - நடிகை நிதி அகர்வால் கலகல பேச்சு..!

‘லவ் ஆக்சன் ட்ராமா’ வெற்றிக்கு பிறகு மீண்டும் இணையும் நிவின் பாலி மற்றும் நயன்தாரா ஜோடியை, ரசிகர்கள் ‘க்யூட் கப்பிள்’ என அழைத்து வருகிறார்கள். ஒரு பக்கம் ரொமான்ஸ், மற்றொரு பக்கம் நக்கலான ஹாஸ்யம்  என இருவருடைய நடிப்பு ஸ்டைல் ஒரே திரையில் அட்டகாசமாக அமையும் என்பது அவர்களது சிறப்பம்சமாகவும் பார்க்கப்படுகிறது. தற்போது இந்த படத்தின் படப்பிடிப்பு துவங்கி, தொடர்ந்து நடைபெற்று வருகிறது. திருவனந்தபுரம், கோழிக்கோடு, கட்டாக்கட, மற்றும் பாலக்காடு போன்ற பள்ளிக்கூடங்களைக் களமாகக் கொண்டு படம் எடுக்கப்படுவதாக தகவல். பள்ளி மாணவர்கள், ஆசிரியர்கள், மற்றும் பழைய காலக்கட்டங்களை மீள உருவாக்கும் வகையில் ஸெட்கள் அமைக்கப்பட்டுள்ளன. படம் 2026-ம் ஆண்டு துவக்கத்தில் வெளியிடப்படும் என தற்காலிகமாக திட்டமிடப்பட்டுள்ளது. ஆனால் டீசருக்கான வரவேற்பு பொருத்தம் பார்க்கப்படுவதற்கேற்ப வெளியீட்டு தேதி உறுதி செய்யப்படும் என தகவல்கள் கூறுகின்றன.

எனவே நிவின் பாலி மற்றும் நயன்தாரா நடிப்பில் உருவாகும் ‘Dear Students’ திரைப்படம், பள்ளி நாட்களின் இனிமையும், மனதைக் கொள்ளை கொள்ளும் காதலும், மாணவ வாழ்வின் நெஞ்சை உருக்கும் தருணங்களும் நிறைந்த ஒரு நாஸ்டால்ஜியா திரைப்படம் ஆக உருவாகிறது. இந்தப் படம், படிக்கும் தலைமுறைக்கும், படித்த தலைமுறைக்கும் ஒரே மாதிரியான உணர்வைத் தூண்டும் படமாக இருக்கும் என எதிர்பார்க்கப்படுகிறது.

இதையும் படிங்க: "கூலி" படத்தை இணையத்தில் சிதற விட்ட சிறுவண்டுகள்..! அதிர்ச்சியில் படக்குழு..!