‘ராமாயணம்’ படத்துல நான் தான் சூர்ப்பணகை..!! ஆனா.. அந்த கேரக்டர்ல நான் நடிக்க காரணமே வேற.. மனம் திறந்த ரகுல் பிரீத் சிங்..!

இந்திய சினிமாவில் மிகவும் எதிர்பார்க்கப்படும் திரைப்படங்களில் ஒன்றாக உருவாகி வரும் ‘ராமாயணம்’, அதன் பிரம்மாண்டமான தயாரிப்பு, நட்சத்திர பட்டாளம் மற்றும் தொழில்நுட்ப அம்சங்கள் காரணமாக தொடர்ந்து பேசுபொருளாக இருந்து வருகிறது.

இயக்குநர் நிதேஷ் திவாரி இயக்கத்தில் உருவாகி வரும் இந்த திரைப்படம், இந்திய இதிகாசமான வால்மீகி ராமாயணத்தை அடிப்படையாகக் கொண்டு இரண்டு பாகங்களாக உருவாக்கப்பட்டு வருகிறது. திரைப்படம் குறித்த ஒவ்வொரு அறிவிப்பும் ரசிகர்களிடம் பெரும் எதிர்பார்ப்பை ஏற்படுத்தி வரும் நிலையில், தற்போது நடிகை ரகுல் பிரீத் சிங் தனது கதாபாத்திரம் குறித்து பகிர்ந்துள்ள கருத்து சமூக வலைதளங்களில் அதிக கவனம் பெற்றுள்ளது.

இந்த திரைப்படத்தில் ரன்பீர் கபூர் ராமராகவும், சாய் பல்லவி சீதையாகவும், யாஷ் ராவணனாகவும் நடித்துள்ளனர். இந்திய சினிமாவின் மிகப்பெரிய பட்ஜெட்டில் உருவாகி வரும் இந்த திரைப்படத்தின் முதல் பாகம் இந்த ஆண்டு தீபாவளிக்கும், இரண்டாவது பாகம் அடுத்த ஆண்டு தீபாவளிக்கும் வெளியாகும் என்று படக்குழு ஏற்கனவே அறிவித்துள்ளது. சமீபத்தில் வெளியான டிரெய்லர் ரசிகர்களிடம் மிகுந்த வரவேற்பைப் பெற்றது. குறிப்பாக பிரம்மாண்டமான காட்சியமைப்பு, விஷுவல் எபெக்ட்ஸ், பின்னணி இசை மற்றும் முக்கிய கதாபாத்திரங்களின் தோற்றம் ஆகியவை சமூக வலைதளங்களில் அதிகம் பேசப்பட்டன.

இதையும் படிங்க: AKவின் ரேஸிங் கனவுகளை திரையில் கொண்டுவரும் ‘கிளாடியேட்டர்ஸ்’..!! புதிய போஸ்டர்கள் வெளியீடு.. எதிர்பார்ப்பை எகிற செய்த அப்டேட்..!

அதில், யாஷ் நடித்த ராவணன் மற்றும் ரகுல் பிரீத் சிங் நடித்த சூர்ப்பணகை கதாபாத்திரங்களின் தோற்றம் ரசிகர்களிடையே தனி கவனத்தை பெற்றது. ராமாயணக் கதையில் சூர்ப்பணகை என்பது முக்கியமான திருப்பத்தை ஏற்படுத்தும் கதாபாத்திரமாக கருதப்படுகிறது. இருப்பினும், பொதுவாக அந்தக் கதாபாத்திரம் குறுகிய பார்வையிலேயே பலரால் நினைவுகூரப்படுகிறது. இந்த நிலையில், ரகுல் பிரீத் சிங் அந்த கதாபாத்திரத்தை ஏற்றுக்கொண்டது குறித்து சமூக வலைதளங்களில் ரசிகர்கள் பல்வேறு கேள்விகளை எழுப்பினர். 

குறிப்பாக, ஒரு ரசிகர் திறந்த கடிதம் எழுதி, “உங்கள் போன்ற முன்னணி நடிகை ஏன் சூர்ப்பணகை போன்ற கதாபாத்திரத்தை தேர்வு செய்தீர்கள்?” என்று கேட்டிருந்தார். இந்த பதிவு இணையத்தில் வைரலான நிலையில், அதற்கு ரகுல் பிரீத் சிங் தனது எக்ஸ் சமூக வலைதளப் பக்கத்தில் நேரடியாக பதிலளித்துள்ளார். ரகுல் பிரீத் சிங் தனது பதிவில் கூறியிருப்பதாவது, “சூர்ப்பணகை கதாபாத்திரத்திற்கு நான் சம்மதம் சொல்லக் காரணம், அந்த பாத்திரத்தின் ஆழம்தான். வரலாறு அவரை ஒரே ஒரு சம்பவத்திற்காக மட்டுமே நினைவில் வைத்திருக்கிறது. ஆனால் அவரது கதைக்கு பின்னால் இன்னும் பல விஷயங்கள் உள்ளன” என்றார்.

அவர் மேலும் கூறியதாவது, “ஒரு நடிகையாக, மக்களின் பார்வையை மாற்றக்கூடிய மற்றும் சவால்கள் நிறைந்த கதாபாத்திரங்களில் நடிப்பதே எனக்கு மிகுந்த உற்சாகத்தை அளிக்கிறது.” இந்த கருத்து ரசிகர்களிடையே பரவலாக பகிரப்பட்டு வருகிறது. தனது பதிவில் ரகுல் பிரீத் சிங் மேலும் கூறியதாவது, “‘ராமாயணம்’ திரைப்படம் வெளியாகும் போது, சூர்ப்பணகையின் கதையை மக்கள் வேறு ஒரு கோணத்தில் புரிந்துகொள்வார்கள் என்று நம்புகிறேன்.”

இந்த ஒரு வரியே தற்போது சமூக வலைதளங்களில் அதிகம் பேசப்பட்டு வருகிறது. படத்தில் சூர்ப்பணகை கதாபாத்திரம் இதுவரை பலர் பார்த்திராத புதிய பரிமாணத்தில் சித்தரிக்கப்பட்டிருக்குமா என்ற கேள்வியையும் இந்த பதிவு எழுப்பியுள்ளது. ரகுல் பிரீத் சிங்கின் இந்த பதிவு வெளியான பிறகு, ரசிகர்கள் இரண்டு விதமான கருத்துகளை பதிவிட்டு வருகின்றனர். ஒரு தரப்பினர், “ஒரு நடிகையாக சவாலான கதாபாத்திரங்களை தேர்வு செய்வது பாராட்டுக்குரியது”, “சூர்ப்பணகையை ஒரு புதிய பார்வையில் காண ஆவலாக இருக்கிறோம்”, “இந்த கதாபாத்திரம் படத்தில் முக்கிய திருப்பமாக இருக்கும்” என்று கருத்து தெரிவித்து வருகின்றனர்.

மற்றொரு தரப்பினர், “இதிகாச கதாபாத்திரங்களை மாற்றி சித்தரிக்கக் கூடாது”, “அசல் காவியத்தின் உணர்வுகள் பாதிக்கப்படக்கூடாது” என்ற கருத்துகளையும் பகிர்ந்து வருகின்றனர். இதனால், படம் வெளியாகும் முன்பே இந்த கதாபாத்திரம் குறித்து சமூக வலைதளங்களில் பெரிய விவாதம் உருவாகியுள்ளது. ரகுல் பிரீத் சிங் தனது திரைப்பயணத்தில் எப்போதும் வித்தியாசமான கதாபாத்திரங்களை தேர்வு செய்து நடித்து வருகிறார். தமிழ், தெலுங்கு மற்றும் இந்தி திரைப்படங்களில் முன்னணி நடிகையாக வலம் வரும் அவர், கதாநாயகி என்ற அடையாளத்தைத் தாண்டி, கதைக்கு முக்கியத்துவம் உள்ள கதாபாத்திரங்களிலும் நடிக்க ஆர்வம் காட்டி வருகிறார்.

அதன் தொடர்ச்சியாகவே, பலரால் எதிர்மறை கதாபாத்திரமாக மட்டுமே நினைவில் வைக்கப்படும் சூர்ப்பணகையை தேர்வு செய்திருப்பதாக ரசிகர்கள் கருதுகின்றனர். சமீபத்தில் வெளியான டிரெய்லருக்குப் பிறகு, ‘ராமாயணம்’ திரைப்படத்தின் மீதான எதிர்பார்ப்பு மேலும் அதிகரித்துள்ளது. ரன்பீர் கபூர், சாய் பல்லவி, யாஷ், ரகுல் பிரீத் சிங் உள்ளிட்ட நட்சத்திரங்கள் நடித்துள்ள இந்த திரைப்படம் இந்திய சினிமாவின் மிகப்பெரிய வெளியீடுகளில் ஒன்றாக இருக்கும் என்று எதிர்பார்க்கப்படுகிறது. குறிப்பாக, ரகுல் பிரீத் சிங் தனது பதிவில் கூறியுள்ள “சூர்ப்பணகையின் கதையை மக்கள் படம் வெளியான பிறகு புரிந்துகொள்வார்கள்” என்ற கருத்து, அந்த கதாபாத்திரம் திரைப்படத்தில் எப்படி வடிவமைக்கப்பட்டிருக்கும் என்ற ஆர்வத்தை மேலும் அதிகரித்துள்ளது.

தற்போது அவரது பதிவு சமூக வலைதளங்களில் வைரலாகி வரும் நிலையில், சூர்ப்பணகை கதாபாத்திரம் குறித்து ரசிகர்கள் பல்வேறு கோணங்களில் விவாதித்து வருகின்றனர். திரைப்படம் வெளியாகும் வரை இந்த கதாபாத்திரம் குறித்த எதிர்பார்ப்பும், ஆர்வமும் தொடர்ந்து நீடிக்கும் என்பதில் சந்தேகமில்லை.

இதையும் படிங்க: இதோ பிரச்சனை வந்துடிச்சில்ல..!! சர்ச்சையில் சிக்கிய ‘ராமாயணா’ திரைப்படம்.. ஸ்ரீ ராம்லீலா மகாசங் அமைப்பு திடீர் எதிர்ப்பு..!