கடவுள் கூட உங்களை மன்னிக்க மாட்டார்...! ரவிமோகன் முன்னாள் மனைவி ஆர்த்தி பதிவால் பரபரப்பு..!

தமிழ் திரையுலகில் நடிகராகவும், சமீபத்தில் தயாரிப்பாளராகவும் களமிறங்கிய ரவி மோகன், பாடகி கெனிஷா உடன் சமீபத்தில் திருப்பதி ஏழுமலையான் கோவிலில் சாமி தரிசனம் செய்தது தற்போது சமூக ஊடகங்களில் வெடித்துக் கொண்டிருக்கும் பிரபல செய்தி ஆகி உள்ளது. இருவரும் கோவிலுக்கு சென்ற புகைப்படங்கள் சமூக ஊடகங்களில் பரவியது அத்துடன் 'ரவி மோகன் ஸ்டுடியோஸ்' திறப்பு விழாவும் நடைப்பெற்றது. இந்த நிலையில் அடுத்த கட்டமாக ரவி மோகனின் முன்னாள் மனைவி ஆர்த்தியின் இன்ஸ்டாகிராம் ஸ்டோரி பெரும் சர்ச்சையை கிளப்பியுள்ளது.

குறிப்பாக நடிகர் ரவி மோகன், அவரது நெருங்கிய தோழியான பாடகி கெனிஷா உடன் திருப்பதி ஏழுமலையான் கோவிலுக்கு சென்று, தனது புதிய தயாரிப்பு நிறுவனமான 'ரவி மோகன் ஸ்டுடியோஸ்' வெற்றிபெற வேண்டி சாமி தரிசனம் செய்தார். கோவிலின் நுழைவாயிலில் எடுத்துக் கொண்ட புகைப்படங்கள், பக்தியுடனும், புனித உணர்வுகளுடனும் காணப்பட்டன. இவர்கள் பக்தியுடன் கோவிலில் காணப்பட்டதைப் பார்த்த ரசிகர்கள் பொதுவாக உருக்கத்துடன் கருத்து தெரிவித்திருந்த நிலையில், அதே நேரத்தில் ஆர்த்தியின் பதிவுகள், சிலரால் விமர்சிக்கப்படத் துவங்கியது. திருப்பதி தரிசனத்தின் புகைப்படங்கள் வெளியான சில மணி நேரங்களில், ரவி மோகனின் முன்னாள் மனைவி ஆர்த்தி, தனது இன்ஸ்டாகிராம் ஸ்டோரியில் வெளிவந்த பதிப்பு ஒன்று அனைவரது கவனத்தையும் ஈர்த்தது. அதில் அவர், "நீங்கள் பிறரை முட்டாளாக்கலாம். உங்களையே நீங்கள் முட்டாளாக்கிக் கொள்ளலாம். ஆனால், நீங்கள் கடவுளை முட்டாளாக்க முடியாது." என்ற வார்த்தைகளை பதிவிட்டிருந்தார். இது நேரடியாக ரவி மோகனை குறிவைத்து இடப்பட்ட மறைமுக குற்றச்சாட்டாக ரசிகர்களால் புரிந்து கொள்ளப்பட்டு வருகிறது. அதே நேரத்தில், அவர் பகிர்ந்த இரண்டாவது ஸ்டோரி இன்னும் ஒரு உணர்வுப் பூர்வமான கருத்தை வெளிப்படுத்தியது. தொடர்ந்து வெளியிட்ட இரண்டாவது ஸ்டோரியில் ஆர்த்தி, “பேரன்டிங் குறித்த எனக்குக் கிடைத்த மிகச் சிறந்த அறிவுரை எது தெரியுமா? எப்பொழுதும் உங்கள் பிள்ளைகள் பக்கம் இருங்கள். அந்த அப்பாவிகளுக்கு உங்களின் அன்பும், நேரமும் தேவை. எது நடந்தாலும் உங்கள் பிள்ளைகளின் மன அமைதியைக் காப்பாற்றுங்கள்” என்று கூறியிருந்தார். இப்பதிவுகள், தனிப்பட்ட வாழ்க்கையில் நடைபெற்ற விவாகரத்து சம்பந்தப்பட்ட பிரச்சனைகள், மற்றும் குழந்தைகளின் காவல் உரிமை தொடர்பான உரசல்களை மீண்டும் தூண்டியுள்ளன.

சில மாதங்களுக்கு முன்னர், ரவி மோகன் மற்றும் ஆர்த்தி, தங்களுக்கிடையில் ஏற்பட்ட துணை வாழ்க்கை பிரச்சனைகள் குறித்து பிரத்யேகமாக பத்திரிகைகளிலும், சமூக ஊடகங்களிலும் அறிக்கைகள் வெளியிட்டிருந்தனர். இவை கடைசி கட்டத்தில் நீதிமன்றத்தின் கவனத்திற்கு சென்ற நிலையில், நீதிமன்றம் இருவரையும், “தங்களது தனிப்பட்ட பிரச்சனைகளை பொது மறையில் விவாதிக்க வேண்டாம்” என கண்டனம் தெரிவித்திருந்தது. இதனைத் தொடர்ந்து இருவரும் அமைதியாக இருந்த நிலையில், தற்போது திருப்பதி தரிசனம் மற்றும் அதன் பின்னணி பதிவுகள் வழியாக மறுபடியும் விவாதத்திற்குரிய நிலையில் வந்துள்ளனர். தற்போது, ரவி மோகன், தனது மனைவியுடன் விவாகரத்து வழக்கு தொடர்ந்துள்ளார். இவர் தனது குழந்தைகளை தனக்கே ஒப்படைக்க வேண்டும் என சட்ட ரீதியாக முயற்சி மேற்கொண்டு வருகிறார். சமீபத்திய பேட்டிகளில் அவர், “மகன்கள் எனக்காகத்தான் பிறந்தார்கள். அவர்களை என்னிடம் கொண்டு வர கடைசி வரை போராடுவேன்” என்று உருக்கமாக கூறியிருந்தார்.

இதையும் படிங்க: எங்களுக்கு எண்டே கிட்டியது.. சீரியல் முடிந்தாலும் ஷோ மூலமா வருவோம்-ல..! பிக்பாஸ் சீசன் 9-ல் 'பாக்கியலட்சுமி' குடும்பமா...!

அவரது வாழ்க்கையில் புதிய கட்டமாக உருவாகும் 'ரவி மோகன் ஸ்டுடியோஸ்' என்ற தயாரிப்பு நிறுவனம், இவரது தொழில் முனைவோராகும் பயணத்தின் ஆரம்பமாக இருக்கிறது. அந்த வகையில் சென்னையில் நேற்று நடைபெற்ற 'ரவி மோகன் ஸ்டுடியோஸ்' அறிமுக விழா மிகச்சிறப்பாக நடைபெற்றது. இந்த விழாவில் நடிகர் கார்த்தி, சிவகார்த்திகேயன், எஸ்.ஜே. சூர்யா, சிவராஜ் குமார், பாடகி கெனிஷா என பல முன்னணி இயக்குநர்கள், தயாரிப்பாளர்கள் மட்டுமன்றி, திரை உலகின் முக்கிய பிரமுகர்களும் பங்கேற்று, ரவி மோகனுக்கு வாழ்த்துகள் தெரிவித்தனர். கெனிஷா, விழாவுக்குப் பின்பும், ரவி மோகனுடன் இணைந்து திருப்பதி சென்று சுவாமி தரிசனம் செய்திருந்தார். இருவரும் காலை தரிசனத்தை முடித்து, சென்னை திரும்பி விழாவில் கலந்து கொண்டனர். ஒருபுறம், ரவி – கெனிஷா கூட்டணிக்கு ஆதரவு தெரிவிக்கும் ரசிகர்கள் அதிகமாக உள்ளனர். இவர்களது நட்பின் பின்னணியில் உள்ள அறிவு பூர்வ உரிமை, பக்தி, மற்றும் நம்பிக்கை போன்றவை பாசிட்டிவாக பார்க்கப்படுகின்றன. மற்றொரு பக்கம், ஆர்த்தியின் மறைமுக பதிவுகள், இது வெறும் படைப்புத் தன்மையான பிம்பம், உண்மையில் பிள்ளைகளின் நலனை உரிய அளவில் பராமரிக்காத முயற்சி என விமர்சிக்கப்படுகின்றன.

இப்படியாக ரவி மோகனின் வாழ்வில் தற்போது ஒரு புதிய கட்டம் தொடங்கியுள்ளது. ஒருபக்கம் அவர் தொழில்முனைவோராக வெற்றிகரமாக தன் நிறுவனம் தொடங்கியுள்ளார். மற்றொரு பக்கம், அவரது தனிப்பட்ட வாழ்க்கை, மற்றும் சொந்த பிள்ளைகளின் நலன்கள் தொடர்பான போராட்டம் தொடர்ந்து நீடிக்கின்றன. இவை அனைத்தும் ஒரு வெளிப்படையான சமூக கட்டமைப்பில், ரசிகர்களாலும், ஊடகங்களாலும் மிகுந்த ஆர்வத்துடன் கண்காணிக்கப்படுகின்றன. 'கடவுளை முட்டாளாக்க முடியாது' என்ற ஆர்த்தியின் வாக்கியம், உண்மையிலேயே யாரை குறிக்கிறது, யாரது வாழ்க்கை மீது தாக்கம் ஏற்படுகிறது என்பதைக் காலம்தான் தீர்மானிக்க வேண்டும்.

இதையும் படிங்க: ஒரே வார்த்தையால் கெனிஷாவை கண்கலங்க வைத்த ரவி மோகன்..! வைரலாகும் வீடியோ..!