இதுதான் சன் டிவி குசும்பா.. 'விஸ்வாசம்' படம் ப்ரோமோவுக்கு நெட்டிசன்கள் ஏன் கலாய்க்குறாங்க..!! மறைமுகமா CM விஜய் எதுக்கு உள்ளவராரு..!

தமிழ் தொலைக்காட்சி உலகில் பல தசாப்தங்களாக முன்னணி பொழுதுபோக்கு சேனலாக இருந்து வரும் சன் டிவி, சீரியல்கள், திரைப்படங்கள், ரியாலிட்டி நிகழ்ச்சிகள் மற்றும் சிறப்பு நிகழ்வுகள் மூலம் குடும்ப ரசிகர்களின் விருப்பமான சேனலாக தொடர்ந்து இருந்து வருகிறது. குறிப்பாக வார இறுதி நாட்களில் ஒளிபரப்பாகும் முன்னணி நடிகர்களின் திரைப்படங்கள், பல ஆண்டுகளாக அந்த சேனலின் முக்கிய அடையாளங்களில் ஒன்றாக இருந்து வருகின்றன. தற்போது, இந்த வார இறுதியில் சன் டிவியில் நடிகர் அஜித் நடித்த 'விஸ்வாசம்' திரைப்படம் ஒளிபரப்பப்பட உள்ளதாக வெளியான ப்ரோமோ, சமூக வலைதளங்களில் எதிர்பாராத வகையில் பெரிய விவாதத்தை ஏற்படுத்தியுள்ளது.

சாதாரணமாக ஒரு திரைப்பட ஒளிபரப்புக்கான விளம்பரம் அதிகம் பேசப்படுவது அரிது. ஆனால், இந்த முறை வெளியான ப்ரோமோவில் இடம்பெற்ற சில வசனங்களையும், சமீபத்திய அரசியல் சூழலையும் இணைத்து சமூக வலைதள பயனர்கள் பல்வேறு கருத்துகளை பதிவிட்டு வருகின்றனர். இதனால், சன் டிவியின் இந்த விளம்பரம் இணையத்தில் வைரலாக பரவி வருகிறது.

தமிழ் தொலைக்காட்சி வரலாற்றைப் பொறுத்தவரை, 90-களில் வளர்ந்த பலருக்கு சன் டிவி என்பது வெறும் ஒரு சேனல் மட்டுமல்ல, அன்றாட வாழ்க்கையின் ஒரு பகுதியாகவே இருந்து வந்தது. வாரம் முழுவதும் தொடர்கள், வார இறுதியில் பெரிய நட்சத்திரங்களின் திரைப்படங்கள், பண்டிகை நாட்களில் சிறப்பு நிகழ்ச்சிகள் என குடும்ப பொழுதுபோக்கை மையமாகக் கொண்டு பயணித்த அந்த சேனல், இன்றும் தனது பார்வையாளர் வட்டத்தை தக்க வைத்திருக்கிறது.

இதையும் படிங்க: எமனை நேரில் பார்த்து வந்த சாரா.. அறுவை சிகிச்சையில் நடந்தது என்ன..? வி.ஜே அர்ச்சனா உடைத்த உண்மை.. கண்கலங்கும் ரசிகர்கள்..!

இந்நிலையில், இந்த வார இறுதியில் 'விஸ்வாசம்' திரைப்படம் ஒளிபரப்பப்பட இருப்பதாக அறிவிக்கப்பட்டுள்ளது. அதற்காக வெளியிடப்பட்ட ப்ரோமோவில், படத்தில் இடம்பெற்றுள்ள சில குடும்ப உணர்வுகளை வெளிப்படுத்தும் வசனங்கள் இடம் பெற்றுள்ளன. குறிப்பாக, "புருஷன் பொண்டாட்டி எல்லாரும் ஒன்னா வந்து காப்பு கட்டுங்கப்பா", "எல்லாரும் அவரவர் குடும்பத்துடன் சந்தோஷமாக இருக்கிறார்கள்... நீ மட்டும் தனியாக இருக்கிறாயே", "பொண்டாட்டிகிட்ட இறங்கிப் போனவன் தோற்றதாக சரித்திரத்திலேயே கிடையாதுப்பா" போன்ற வசனங்கள் இடம்பெற்றிருப்பது சமூக வலைதளங்களில் அதிகம் பகிரப்பட்டு வருகிறது.

இந்த ப்ரோமோ வெளியான நேரம் குறித்தும் இணையத்தில் பலர் விவாதித்து வருகின்றனர். சமீபத்தில் நடைபெற்ற சட்டமன்ற கூட்டத்தொடரில், தமிழ்நாடு முதலமைச்சர் விஜய், முன்னாள் முதலமைச்சர் மு.க. ஸ்டாலினை விமர்சிக்கும் வகையில் ஒரு "குட்டிக் கதை" கூறியதாக அரசியல் வட்டாரங்களில் பேசப்பட்டது. அந்த பேச்சு சமூக வலைதளங்களிலும் அரசியல் அரங்கிலும் பரவலாக விவாதிக்கப்பட்டது. அதனைத் தொடர்ந்து, எதிர்க்கட்சித் தலைவர் உதயநிதி ஸ்டாலின் தனது எக்ஸ் சமூக வலைதளப் பதிவில், அந்த பேச்சுக்கு பதிலளிக்கும் வகையில் விமர்சன கருத்தை வெளியிட்டார். அந்த பதிவும் இணையத்தில் பரவலாக பகிரப்பட்டு, ஆதரவு மற்றும் எதிர்ப்பு கருத்துகளுடன் பெரிய விவாதத்தை ஏற்படுத்தியது.

இந்த அரசியல் விவாதங்கள் இன்னும் தொடர்ந்துக் கொண்டிருக்கும் சூழலில்தான், சன் டிவியில் 'விஸ்வாசம்' திரைப்படத்தின் ப்ரோமோ வெளியாகியுள்ளது. இந்த ப்ரோமோவில், " புருஷன் பொண்டாட்டி எல்லாரும் ஒன்னா வந்து காப்பு கட்டுங்கப்பா என்றும் எல்லாரும் அவரவர் குடும்பத்துடன் சந்தோஷமாக இருக்கிறார்கள்.. நீ மட்டும் தனியாக இருக்கிறாயே என்ற வசனம், பொண்டாட்டிகிட்ட இறங்கிப் போனவன் தோற்றதாக சரித்திரத்திலேயே கிடையாதுப்பா" என்ற வசனமும் இடம் பெற்றுள்ளது.

இதனால், ப்ரோமோவில் இடம்பெற்ற வசனங்களுக்கும் சமீபத்திய அரசியல் நிகழ்வுகளுக்கும் தொடர்பு இருப்பதாக சில சமூக வலைதள பயனர்கள் தங்களது கருத்துகளை பதிவிட்டு வருகின்றனர். அதேநேரத்தில், இது வெறும் திரைப்பட வசனங்களை அடிப்படையாகக் கொண்ட வழக்கமான விளம்பரம் மட்டுமே என்றும், அதற்கு அரசியல் அர்த்தம் கற்பிப்பது சரியல்ல என்றும் மற்றொரு தரப்பினர் கருத்து தெரிவித்து வருகின்றனர்.

இதற்கிடையில், ஒரு இணையவாசி இந்த ப்ரோமோவை பகிர்ந்து, "எலேய் சன் டிவி... நீ ஆர்ட்டிஸ்ட்னு நிரூபிச்சிட்டலே!" என்ற நகைச்சுவை கேப்ஷனுடன் பதிவு வெளியிட்டுள்ளார். அந்த பதிவு வேகமாக வைரலாகி, ஆயிரக்கணக்கான பயனர்களால் பகிரப்பட்டு வருகிறது. அதற்கு கீழ் பலரும் நகைச்சுவை மீம்கள், கருத்துகள் மற்றும் கலாய்ப்பு பதிவுகளை வெளியிட்டு வருகின்றனர்.

இது முதல் முறை அல்ல என்றும் சில இணையவாசிகள் சுட்டிக்காட்டுகின்றனர். இதற்கு முன்பும், குறிப்பிட்ட காலகட்டங்களில் நடந்த முக்கிய அரசியல் அல்லது சமூக நிகழ்வுகளுடன் ஒத்துப்போகும் வகையில் திரைப்பட ப்ரோமோக்கள் ஒளிபரப்பப்பட்டதாக அவர்கள் பழைய உதாரணங்களையும் பகிர்ந்து வருகின்றனர்.

அதில் முக்கியமாக, காவேரி – மேகதாது அணை விவகாரம் குறித்து தமிழகம் மற்றும் கர்நாடகா இடையே கடுமையான விவாதங்கள் நடைபெற்ற காலத்தில், கே டிவியில் நடிகர் விஜய் நடித்த 'கில்லி' திரைப்படம் ஒளிபரப்பப்பட்டதை பலர் நினைவுகூர்ந்து வருகின்றனர். அப்போது, "இவனை மட்டும் கர்நாடகாவுக்கு அனுப்பினால் காவேரியை கையோடு கூட்டிட்டு வந்துடுவான் சார்" என்ற வசனம் இடம்பெற்ற காட்சியை ப்ரோமோவில் மீண்டும் மீண்டும் ஒளிபரப்பியதாகவும், அதுவும் சமூக வலைதளங்களில் பெரிதும் பேசப்பட்டதாகவும் இணையவாசிகள் குறிப்பிட்டு வருகின்றனர்.

எனினும், தற்போது 'விஸ்வாசம்' திரைப்படம் இந்த வார இறுதியில் ஒளிபரப்பப்படுவது தொடர்பாக சன் டிவி தரப்பில் எந்தவித அரசியல் நோக்கமும் இருப்பதாக அதிகாரப்பூர்வமாக எந்த விளக்கமும் அளிக்கப்படவில்லை. சமூக வலைதளங்களில் பரவி வரும் கருத்துகள் அனைத்தும் பயனர்களின் தனிப்பட்ட பார்வைகள் மற்றும் நகைச்சுவை பதிவுகளாகவே பார்க்கப்படுகின்றன.

சமூக வலைதளங்களின் வளர்ச்சியால், திரைப்பட ப்ரோமோக்கள் கூட பல்வேறு கோணங்களில் விவாதிக்கப்படும் சூழல் உருவாகியுள்ளது. ஒரு சாதாரண விளம்பரத்தில் இடம்பெறும் வசனங்களுக்குக் கூட அரசியல், சமூக அல்லது சமகால நிகழ்வுகளுடன் தொடர்பு இருப்பதாக பலர் தங்களது விளக்கங்களை அளித்து வருகின்றனர். அந்த வரிசையில், தற்போது சன் டிவியின் 'விஸ்வாசம்' ப்ரோமோவும் இணையத்தில் பரபரப்பை ஏற்படுத்தியுள்ள மற்றொரு நிகழ்வாக மாறியுள்ளது. இது திட்டமிட்டதா அல்லது தற்செயலான ஒற்றுமையா என்பது குறித்து அதிகாரப்பூர்வ தகவல் எதுவும் இல்லாத நிலையில், சமூக வலைதளங்களில் இந்த விவாதம் தொடர்ந்து கவனம் பெற்று வருகிறது.

இதையும் படிங்க: என்னங்க சொல்லுறீங்க.. சொகுசு கப்பல்ல கல்யாணமா..!! மாப்பிள்ளை ரொம்ப பெரிய இடமாம்.. குஷ்பூ மகள் திருமணத்தில் காஸ்ட்லி பிரபலங்கள்..!