ரசிகர்களின் மனதில் தடம் பதித்த சமுத்திரக்கனியின் 'தடயம்' வெப்சீரிஸ்..! எப்படி இருக்கு.. விமர்சனம் இதோ..!

தமிழ் ஓடிடி உலகில் கடந்த சில ஆண்டுகளாக கிரைம் மற்றும் திரில்லர் கதைகளை மையமாகக் கொண்ட வெப் சீரிஸ்கள் அதிகரித்து வருகின்றன. குறிப்பாக காவல்துறை விசாரணை, மர்மக் கொலைகள் மற்றும் உண்மை சம்பவங்களின் பின்னணியில் உருவாகும் கதைகள் பார்வையாளர்களிடையே தனி வரவேற்பைப் பெற்று வருகின்றன. அந்த வரிசையில் தற்போது ஓடிடி தளத்தில் வெளியாகி கவனம் ஈர்த்து வரும் புதிய கிரைம் திரில்லர் வெப் சீரிஸ் தான் “தடயம்”. இயக்குநர் நவீன்குமார் பழனிவேல் இயக்கத்தில் உருவான இந்த தொடர், நடிகர் சமுத்திரகனி மற்றும் நடிகை ஷிவதா ஆகியோரின் முக்கியமான நடிப்பால் ரசிகர்களின் கவனத்தை பெற்றுள்ளது.

இந்த வெப் சீரிஸ் காவல்துறையின் விசாரணை உலகத்தை நெருக்கமாக காட்டும் வகையில் உருவாக்கப்பட்டுள்ளது. குறிப்பாக ஆந்திரா–தமிழகம் எல்லைப் பகுதியில் நடைபெறும் மர்மமான தொடர் கொலைகளை மையமாக வைத்து கதை நகர்கிறது. உண்மை சம்பவங்களின் தாக்கத்தை கொண்ட கதையாக இது உருவாக்கப்பட்டிருப்பதாகவும் கூறப்படுகிறது. கதையின் தொடக்கத்தில் சமுத்திரகனி ஒரு போலீஸ் சப் இன்ஸ்பெக்டராக பணியாற்றி வருகிறார். ஆனால் அவருக்கு தனது வேலையின் மீது எந்த ஒரு ஆர்வமும் இல்லாதது போலத் தெரிகிறது. காவல்துறை பணியில் இருந்தாலும் அவர் மிகவும் அலட்சியமாக நடந்து கொள்வது போல ஆரம்பத்தில் காட்டப்படுகிறது.

அடுத்த மாதம் தனது வேலையை ராஜினாமா செய்து வேறு வாழ்க்கைக்கு செல்லலாம் என்ற எண்ணத்தில் தான் அவர் இருப்பது போல காட்சியளிக்கிறார். அதே நேரத்தில் அந்த போலீஸ் நிலையத்திற்கு புதிய இன்ஸ்பெக்டராக நடிகை ஷிவதா பொறுப்பேற்கிறார். மிகவும் கடமை உணர்வும், ஒழுக்கமும் கொண்ட அதிகாரியாக அவர் கதையில் அறிமுகமாகிறார். ஆரம்பத்தில் சமுத்திரகனியின் அலட்சியமான அணுகுமுறை ஷிவதாவுக்கு பிடிக்காமல் போகிறது. அதனால் இருவருக்கும் இடையே ஆரம்பத்தில் கருத்து மோதல்கள் ஏற்படுகின்றன.

இதையும் படிங்க: விண்ணைத்தாண்டி வருவாயா பாணியில் 'Ek din'..! சாய் பல்லவியின் முதல் பாலிவுட் படத்தின் டிரைலர் ரிலீஸ்..!

இதே சமயத்தில் அந்த போலீஸ் நிலையத்தைச் சுற்றியுள்ள பகுதிகளில் பரபரப்பை ஏற்படுத்தும் வகையில் தொடர் கொலைகள் நடைபெற ஆரம்பிக்கின்றன. குறிப்பாக புதிதாக திருமணம் ஆன தம்பதிகள் இந்த கொலைகளின் இலக்காக மாறுகிறார்கள். அதிலும் முக்கியமாக மணமகள்கள் கொடூரமாக கொலை செய்யப்படுவது போலீசாரை அதிர்ச்சியில் ஆழ்த்துகிறது. இந்த கொலைகளில் மிகவும் விசித்திரமான விஷயம் என்னவென்றால், குற்றவாளிகள் பணம் அல்லது பிற நகைகளை எதையும் எடுத்துச் செல்லவில்லை. அவர்கள் மணமகளின் தாலி மற்றும் அர்னாகுடி போன்ற சில குறிப்பிட்ட பொருட்களை மட்டும் எடுத்துச் செல்கின்றனர்.

இதனால் இந்த கொலைகள் சாதாரண திருட்டு சம்பவம் அல்ல என்பது போலீசாருக்கு தெளிவாகிறது. இந்த கொலைகள் மனநிலை பாதிக்கப்பட்ட சைக்கோ குற்றவாளிகளால் நடத்தப்பட்டிருக்கலாம் என்ற சந்தேகம் எழுகிறது. இந்த வழக்கை விசாரிக்கும் பொறுப்பு இன்ஸ்பெக்டர் ஷிவதாவுக்கு வழங்கப்படுகிறது. ஆரம்பத்தில் சமுத்திரகனியை அவர் திட்டியும் கண்டித்தும் பேசுகிறார். ஆனால் பின்னர் சமுத்திரகனியின் அனுபவம் மற்றும் விசாரணை திறனை கவனிக்க ஆரம்பிக்கிறார். வெளிப்படையாக அலட்சியமாக நடந்து கொண்டாலும், உண்மையில் மிகவும் கூர்மையான கவனிப்புத் திறன் கொண்ட அதிகாரி என்பதைக் ஷிவதா உணர ஆரம்பிக்கிறார்.

பின்னர் இந்த கொலை வழக்கை இருவரும் இணைந்து விசாரிக்க தொடங்குகிறார்கள். சமுத்திரகனி சிறிய சிறிய ஆதாரங்களை வைத்து குற்றவாளிகளை கண்டுபிடிக்கும் முயற்சியில் ஈடுபடுகிறார். சில சின்ன சின்ன சான்றுகளின் அடிப்படையில் குற்றவாளிகள் இரண்டு பேர் என்றும் அவர்கள் தெலுங்கு பேசுபவர்கள் என்றும் அவர் கண்டுபிடிப்பது கதையில் சுவாரஸ்யத்தை ஏற்படுத்துகிறது. இதன் பின்னர் விசாரணை ஆந்திரா மாநிலம் வரை விரிகிறது. அங்கு தெலுங்கு போலீசாரும் தமிழ் போலீசாரும் இணைந்து இந்த வழக்கை விசாரிக்கும் காட்சிகள் மிகவும் இயல்பாகவும் யதார்த்தமாகவும் காட்சிப்படுத்தப்பட்டுள்ளன.

இரண்டு மாநிலங்களின் போலீஸ் அமைப்புகளின் செயல்முறைகளையும் இந்த தொடர் நன்றாக வெளிப்படுத்துகிறது. இந்த வெப் சீரிஸ் மொத்தம் 6 எபிசோடுகளாக வெளியாகியுள்ளது. ஒவ்வொரு எபிசோடும் சுமார் 20 நிமிடங்கள் மட்டுமே ஓடுகிறது. அதனால் இந்த கதையை ஒரு முழுநீள திரைப்படமாகவே எடுத்திருக்கலாம் என்ற கருத்தும் சில பார்வையாளர்களிடையே எழுகிறது. நடிப்பை பொறுத்தவரை சமுத்திரகனி தனது அனுபவத்தால் கதாபாத்திரத்தை மிக நம்பகமாக கையாள்கிறார். ஆரம்பத்தில் அவர் மிகவும் அலட்சியமாக இருப்பது போல தோன்றினாலும் பின்னர் அவரது உண்மையான திறமை வெளிப்படுகிறது.

காவல்துறையில் ஒருவரின் உழைப்பை மற்றொருவர் தனது வளர்ச்சிக்காக பயன்படுத்திக் கொள்ளும் நிலையை இந்த தொடரில் நுட்பமாக காட்டியிருப்பது கவனிக்கத்தக்கது. ஷிவதாவும் தனது கதாபாத்திரத்தை சிறப்பாக செய்துள்ளார். கடமை உணர்வு மிக்க பெண் அதிகாரியாக அவர் நடித்திருப்பது கதைக்கு வலுவாக அமைகிறது. அதேபோல் இந்த தொடரில் வரும் இரண்டு வில்லன் கதாபாத்திரங்களும் மிகவும் தாக்கத்தை ஏற்படுத்துகின்றன. அவர்களுக்கு நடந்த கொடுமைகள் காரணமாக அவர்கள் குற்றவாளிகளாக மாறியுள்ளனர் என்பதைக் காட்டும் பின்னணி காட்சிகள் கதைக்கு வேறுபட்ட உணர்வை அளிக்கின்றன.

இருப்பினும் சில இடங்களில் கதை ஒரே இடத்தில் சுற்றுவது போன்ற உணர்வு ஏற்படுகிறது. குறிப்பாக குற்றவாளிகள் யார் என்பது தெரிய வந்த பிறகு கதையின் வேகம் சற்று குறைகிறது. திரில்லர் கதையாக இருந்தாலும் கிளைமாக்ஸ் வரை பரபரப்பு முழுமையாக தக்கவைக்கப்படவில்லை என்ற விமர்சனமும் எழுகிறது.

மொத்தத்தில் “தடயம்” வெப் சீரிஸ் முழுமையான எட்ஜ்-ஆஃப்-தி-சீட் திரில்லராக இல்லாவிட்டாலும், காவல்துறையின் யதார்த்தமான விசாரணை உலகத்தை நெருக்கமாக காட்டியிருப்பதால் கண்டிப்பாக ஒருமுறை பார்க்கத்தக்க தொடராக அமைந்துள்ளது. சமுத்திரகனி மற்றும் ஷிவதாவின் நடிப்பும் இந்த தொடரின் முக்கிய பலமாக பார்க்கப்படுகிறது. இந்த வெப் சீரிஸ் தற்போது ஜீ5 ஓடிடி தளத்தில் வெளியாகி பார்வையாளர்களிடையே நல்ல வரவேற்பைப் பெற்று வருகிறது.

இதையும் படிங்க: யானை மாதிரி ரவுண்டாக மாறியது என் முகம்..! பயத்தில் தான் அப்படி செய்தேன்.. நடிகை குஷ்பூ ஓபன் டாக்..!