என்ன SK ரசிகர்களே ரெடியா..! நாளைய மறுநாள் சென்னை வள்ளுவர் கோட்டத்துக்கு வாங்க.. 'பராசக்தி' ட்ரீட் இருக்கு..!

தமிழ் சினிமாவில் சில திரைப்படங்கள் வெளியீட்டுக்கு முன்பே ரசிகர்களிடையே பெரும் விவாதத்தையும் எதிர்பார்ப்பையும் உருவாக்குகின்றன. அந்த வரிசையில் தற்போது இணைந்துள்ள திரைப்படம் தான், சுதா கொங்கரா இயக்கத்தில் உருவாகி வரும் தான் ‘பராசக்தி’.

இந்த அறிவிப்பு வெளியான நாளிலிருந்தே, இந்த படம் குறித்த தகவல்கள் ஒவ்வொன்றும் சமூக வலைதளங்களில் பெரும் பரபரப்பை ஏற்படுத்தி வருகிறது. இந்த ‘பராசக்தி’ படத்தில் சிவகார்த்திகேயன், ரவி மோகன், அதர்வா, ஸ்ரீலீலா ஆகியோர் முக்கிய கதாபாத்திரங்களில் நடித்துள்ளனர். இந்த நான்கு பேரின் நடிப்புத் திறனும், திரை அனுபவமும் இந்த படத்தின் மீது கூடுதல் கவனத்தை ஈர்த்துள்ளது.

சிவகார்த்திகேயன் இதுவரை நடித்த படங்களில் இருந்து முற்றிலும் மாறுபட்ட கதாபாத்திரத்தில் நடிக்கிறார் என்ற தகவல், அவரது ரசிகர்களிடையே பெரும் எதிர்பார்ப்பை ஏற்படுத்தியுள்ளது.  சுதா கொங்கரா இயக்கம் என்றாலே, சாதாரணமாக ஒரு கதையல்ல, அதற்குள் சமூக கேள்விகள், மனித உணர்வுகள், நீதியும் நியாயமும் அழுத்தமாக பேசப்படும் என்பதே பொதுவான எதிர்பார்ப்பு. ‘பராசக்தி’யிலும் அந்த கையொப்பம் வலுவாக இருக்கும் என்கிற தகவல்கள் வெளியாகி வருகின்றன.

இதையும் படிங்க: 'பராசக்தி' படப்பிடிப்பு Over..! டப்பிங் பணியை தொடங்கிய சிவகார்த்திகேயன்..! sk-வின் வீடியோவால் ஹைப்பான இளசுகள்..!

இதற்கிடையில், பல ஆண்டுகளுக்கு முன்பு மெட்ராஸ் நகரில் நடைபெற்ற ஒரு உரிமை மறுப்பு போராட்டம் தான் இந்த படத்தின் மையக் கதையாக இருப்பதாக சமூக வலைதளங்களில் தகவல் பரவி வருகிறது. அந்த போராட்டத்தை ஒடுக்க, அரசு சார்பில் ஒரு அதிகாரி அனுப்பப்படுகிறார். அவர் கிளர்ச்சியாளர்களை ஒழிக்க வேண்டும் என்ற கடமையுடன் அங்கு வருகிறார். ஆனால், அந்த அதிகாரி சந்திக்கும் மிகப்பெரிய அதிர்ச்சி என்னவென்றால், அந்த போராட்டத்திற்கே மூலகாரணமாக இருப்பவர் அவரது சொந்த சகோதரர் என்பதே. இந்த உண்மை தெரிய வரும் தருணம், கதையின் போக்கை முற்றிலும் மாற்றுகிறது.

ஒருபுறம் ரத்த உறவு, குடும்ப பாசம். மற்றொரு புறம் சட்டம், அரசு அதிகாரம், சமூக நீதி. இந்த இரண்டு முனைகளுக்கிடையில் சிக்கிக் கொள்ளும் நாயகன், இறுதியில் எடுக்கும் முடிவே ‘பராசக்தி’ படத்தின் உயிர் என்று கூறப்படுகிறது. இந்த கேள்வியே, “பாசமா? நீதியா?” என்ற வலுவான கருத்தை படத்தின் மையமாக்குகிறது. இந்தக் கதைக் குறிப்பு சமூக வலைதளங்களில் பரவியதிலிருந்து, ரசிகர்கள் மத்தியில் ‘பராசக்தி’ படத்தின் மீதான எதிர்பார்ப்பு பல மடங்கு உயர்ந்துள்ளது. பலரும், “இது சிவகார்த்திகேயனின் கேரியர் ப்ளாஸ்ட் படமாக இருக்கும்” என்று கருத்து தெரிவித்து வருகின்றனர்.

‘பராசக்தி’ படம் 2026 பொங்கல் பண்டிகையை முன்னிட்டு திரைக்கு வரும் என்று அதிகாரப்பூர்வமாக அறிவிக்கப்பட்டுள்ளது. பொங்கல் வெளியீடு என்பது, குடும்ப ரசிகர்கள், பொதுமக்கள், சமூக அக்கறை கொண்ட பார்வையாளர்கள் எல்லோரையும் திரையரங்குகளுக்கு கொண்டு வரும் காலம். இந்த நிலையில், படத்தின் இசை வெளியீட்டு விழா விரைவில் நடைபெற இருக்கிறது என்ற தகவலும் வெளியாகியுள்ளது. படத்தின் பாடல்கள்,
கதை சார்ந்த அரசியல் உணர்வையும், மனித மனங்களின் வலியையும் பிரதிபலிக்கும் வகையில் இருக்கும் என எதிர்பார்க்கப்படுகிறது.

இந்த நிலையில், ‘பராசக்தி’ படக்குழு வெளியிட்டுள்ள புதிய அறிவிப்பு, தமிழ் சினிமா ரசிகர்களை ஆச்சரியத்தில் ஆழ்த்தியுள்ளது. ‘பராசக்தி’ படத்தில் இடம்பெறும் 10 நிமிட காட்சிகளை கொண்ட வீடியோ, வருகிற 18-ந்தேதி சென்னை வள்ளுவர் கோட்டத்தில் வெளியிடப்படும் என்று படக்குழு அதிகாரப்பூர்வமாக அறிவித்துள்ளது. இந்த நிகழ்வுக்காக தேர்வு செய்யப்பட்ட வள்ளுவர்கோட்டம், தமிழ் மொழி, தமிழ் சிந்தனை, சமூக விழிப்புணர்வு ஆகியவற்றின் அடிப்படையாக பார்க்கப்படுகிறது. அந்த இடத்தில், ‘பராசக்தி’ படத்தின் காட்சிகள் வெளியிடப்படுவது, படத்தின் கருத்து எவ்வளவு வலுவானது என்பதை வெளிப்படுத்துகிறது.

இந்த அறிவிப்பு வெளியானதிலிருந்து, படக்குழு வெளியிட்ட வீடியோ இணையத்தில் வைரலாகி வருகிறது. ரசிகர்கள், “இதுபோன்ற புரமோஷனை இதுவரை பார்த்ததில்லை”, “சுதா கொங்கரா எப்போதும் வேற லெவல்”, “தமிழ் சினிமாவுக்கு புதிய பாதை” என கருத்துகளை பதிவிட்டு வருகின்றனர். திரை விமர்சகர்கள் பலரும், இந்த முயற்சியை தமிழ் சினிமாவின் விளம்பர கலாச்சாரத்தில் ஒரு புதிய அத்தியாயம் என்று பாராட்டி வருகின்றனர். ஒரு படத்தின் மீது முழு நம்பிக்கை இருந்தால் தான், இப்படியான 10 நிமிட காட்சிகளை வெளியிட முடியும் என்றும் அவர்கள் கருத்து தெரிவிக்கின்றனர்.

சிவகார்த்திகேயனின் முக்கியமான படம் ‘பராசக்தி’ சிவகார்த்திகேயனின் நடிப்பில் மாற்றம், சமூக அக்கறை, அரசியல் சிந்தனை ஆகியவற்றை ஒருங்கிணைக்கும் முக்கியமான திரைப்படமாக பார்க்கப்படுகிறது. முடிவாக… ‘பராசக்தி’ என்பது, ஒரு சாதாரண திரைப்படம் அல்ல. அது ஒரு சமூக கேள்வி, ஒரு மனச்சாட்சி, ஒரு முடிவின் விலை. 10 நிமிட காட்சிகள் வெளியீட்டுடன், தமிழ் சினிமா புதிய யுகத்திற்குள் நுழைந்துள்ளது. பொங்கல் 2026-க்கு முன்பே, ‘பராசக்தி’ பேசப்படத் தொடங்கிவிட்டது.

இதையும் படிங்க: மிரட்டும் “45 தி மூவி” படம்..! வெளியானது சிவராஜ்குமார், உபேந்திரா நடித்த மாஸ் படத்தின் டிரெய்லர்..!