பொங்கலுக்கு தயாராகும் பா. ரஞ்சித்தின் ‘வேட்டுவம்’..!! ஆர்யா, அட்டகத்தி தினேஷ் நடிப்பில் உருவாகும் பட ரிலீஸ் தேதி அறிவிப்பு வந்தாச்சு..!

தமிழ் சினிமாவில் தனக்கென ஒரு தனித்துவமான பாணியை உருவாக்கி, தொடர்ந்து வித்தியாசமான கதைக்களங்களில் திரைப்படங்களை இயக்கி வருபவர் பா. ரஞ்சித். இவரது இயக்கத்தில் வெளியாகும் படங்கள் ரசிகர்கள் மத்தியில் மட்டுமின்றி திரையுலகிலும் கவனம் பெறுவது வழக்கம். அந்த வகையில், ‘அட்டகத்தி’, ‘மெட்ராஸ்’, ‘கபாலி’, ‘காலா’, ‘சார்பட்டா பரம்பரை’, ‘தங்கலான்’ என பல படங்களை இயக்கியுள்ள பா. ரஞ்சித், அடுத்ததாக ‘வேட்டுவம்’ திரைப்படத்தை இயக்கியுள்ளார். நீண்ட நாட்களாக ரசிகர்கள் எதிர்பார்த்து காத்திருக்கும் இப்படத்தின் ரிலீஸ் தேதி தற்போது அதிகாரப்பூர்வமாக அறிவிக்கப்பட்டுள்ளது.

பா. ரஞ்சித் இயக்கத்தில் உருவாகியுள்ள ‘வேட்டுவம்’ திரைப்படம் சயின்ஸ் ஃபிக்ஷன் மற்றும் ஆக்ஷன் கலந்த கதைக்களத்தில் தயாராகியுள்ளது. இப்படத்தில் ஆர்யா, அட்டகத்தி தினேஷ், சோபிதா துளிபாளா, கலையரசன், ஷபீர் உள்ளிட்ட பலர் முக்கிய கதாபாத்திரங்களில் நடித்துள்ளனர். ஏற்கனவே பா. ரஞ்சித் இயக்கத்தில் வெளியான படங்களில் வலுவான கதாபாத்திரங்களுக்கு முக்கியத்துவம் கொடுக்கப்பட்டிருந்த நிலையில், இந்தப் படத்திலும் வித்தியாசமான கதைக்களத்துடன் அவர் களமிறங்கியிருப்பது எதிர்பார்ப்பை அதிகரித்துள்ளது.

குறிப்பாக, ஆர்யா மற்றும் அட்டகத்தி தினேஷ் இருவரும் இப்படத்தில் இணைந்து நடித்திருப்பது ரசிகர்களின் கவனத்தை ஈர்த்துள்ளது. ‘சார்பட்டா பரம்பரை’ படத்தின் மூலம் ஆர்யாவுக்கு ஒரு முக்கியமான திருப்புமுனையை ஏற்படுத்திக் கொடுத்த பா. ரஞ்சித், மீண்டும் அவருடன் இணைந்திருப்பதால் இப்படத்தின் மீதான எதிர்பார்ப்பு அதிகமாக உள்ளது.

இதையும் படிங்க: 7 ஆண்டுகளாக கிடப்பில் இருந்த 224 படங்களின் மானியத் தொகை..!! ஒரே உத்தரவால் விடுவித்த CM விஜய்.. தயாரிப்பாளர் டி. சிவா நெகிழ்ச்சி..!

இந்தப் படத்திற்கு இசையமைப்பாளர் ஜி.வி. பிரகாஷ் இசையமைத்துள்ளார். சுமார் ரூ.75 கோடி பட்ஜெட்டில் இப்படம் உருவாகி வருவதாகக் கூறப்படுகிறது. படத்தின் சண்டைக் காட்சிகளுக்கு ஸ்டண்ட் இயக்குநர் திலீப் சுப்பராயன் பணியாற்றியுள்ளார். கலை இயக்குநராக எஸ்.எஸ். மூர்த்தியும், படத்தொகுப்பாளராக செல்வா ஆர்.கே-வும் பணியாற்றியுள்ளனர். இதனால் படத்தின் தொழில்நுட்ப அம்சங்களும் ரசிகர்கள் மத்தியில் எதிர்பார்ப்பை ஏற்படுத்தியுள்ளன.

இதற்கிடையே, சமீபத்தில் வெளியான ‘World of வேட்டுவம்’ வீடியோ ரசிகர்களிடையே நல்ல வரவேற்பைப் பெற்றது. அந்த வீடியோவில் இடம்பெற்ற காட்சிகளும், படத்தின் உலகத்தை அறிமுகப்படுத்திய விதமும் சமூக வலைதளங்களில் கவனம் பெற்றன. இதையடுத்து படத்தின் டீசர், டிரெய்லர் உள்ளிட்ட அடுத்தடுத்த அப்டேட்கள் எப்போது வெளியாகும் என ரசிகர்கள் ஆவலுடன் காத்திருக்கத் தொடங்கினர்.

இந்த நிலையில், ரசிகர்களின் எதிர்பார்ப்புக்கு பதிலளிக்கும் வகையில் இயக்குநர் பா. ரஞ்சித் தனது அதிகாரப்பூர்வ எக்ஸ் (X) சமூக வலைதளப் பக்கத்தில் ‘வேட்டுவம்’ திரைப்படத்தின் வெளியீட்டுத் தேதியை அறிவித்துள்ளார். அதன்படி, இப்படம் வரும் 2027-ம் ஆண்டு பொங்கல் பண்டிகையை முன்னிட்டு திரையரங்குகளில் வெளியாகவுள்ளது.

பொங்கல் விடுமுறையை குறிவைத்து வெளியாகும் இந்த அறிவிப்பு ரசிகர்களுக்கு உற்சாகத்தை ஏற்படுத்தியுள்ளது. ஏற்கனவே வித்தியாசமான கதைக்களம், முன்னணி நட்சத்திரங்களின் கூட்டணி, ஜி.வி. பிரகாஷின் இசை என பல அம்சங்களைக் கொண்டுள்ள ‘வேட்டுவம்’, திரையரங்குகளில் எந்த மாதிரியான அனுபவத்தைக் கொடுக்கப்போகிறது என்ற எதிர்பார்ப்பு உருவாகியுள்ளது.

மேலும், 2027 பொங்கல் ரேஸில் மற்ற பெரிய படங்களும் களமிறங்குமா என்ற கேள்வியும் எழுந்துள்ளது. அடுத்தடுத்த அப்டேட்கள் வெளியாகும்போது ‘வேட்டுவம்’ படத்தின் மீதான எதிர்பார்ப்பு இன்னும் அதிகரிக்கும் என்பதில் சந்தேகமில்லை.

இதையும் படிங்க: தீபாவளிக்கு விட்டத.. பொங்கலுக்கு பிடிப்போம்..!! ஃபுல் எனர்ஜியில் சிம்பு.. வெற்றிமாறன் படத்தின் லேட்டஸ்ட் அப்டேட்!