அடடா... இயக்குநர் ஷங்கர் மகளுக்கு இப்படி ஒரு ஆசையா..! பாவம் இந்த ரோல் தான் வேணும் என அடம்பிடிக்கும் நடிகை அதிதி ஷங்கர்..!

தமிழ் சினிமாவில் தொடர்ந்து ஹிட் படங்களில் நடித்து கவனத்தை ஈர்த்திருக்கும் அதிதி ஷங்கர், இன்று நடிகைகளில் வித்தியாசமான இடத்தை பிடித்துள்ளார். ‘விருமன்’ படத்தில் கார்த்தியுடன் இணைந்து நடித்ததோடு, சமீபத்தில் சிவகார்த்திகேயனுடன் ‘மாவீரன்’ திரைப்படத்தில் நடித்தார்.

இரு படங்களுமே வசூலில் சிறப்பான வெற்றியையும், ரசிகர்களிடையே நல்ல வரவேற்பையும் பெற்றது. இப்படியான வெற்றிகளின் மூலம், “குடும்பப் பின்னணி” கொண்ட ஒரு நடிகை எனும் குற்றச்சாட்டை தாண்டி, தனக்கென ஒரு தனித்துவமான இடத்தை அமைத்து வருகிறார். பிரமாண்ட இயக்குனர் ஷங்கரின் மகளான அதிதி, மருத்துவ துறையில் எம்.பி.பி.எஸ். முடித்தவர். குழந்தைப் பருவத்திலிருந்தே சினிமா மீது கொண்ட ஈர்ப்பால், மருத்துவப் படிப்பை முடித்த பிறகு தான் தனது நடிப்பு கனவை நிறைவேற்ற சினிமாவுக்கு வந்தார். இதனை குறித்து அவர் பேசுகையில், “சிறுவயதில் இருந்தே சினிமாவில் நடிக்க வேண்டும் என்பது என் ஆசை. அப்பாவை (ஷங்கர்) பார்த்து எனக்குள்ளும் சினிமா ஆசை துளிர்விட்டது. பெற்றோரிடம் சொன்னபோது, அதிர்ச்சி அடைந்தார்கள். ‘முதலில் படி’ என்றார்கள். நான் மருத்துவம் படித்தேன். எம்.பி.பி.எஸ். முடித்த கையுடன் அப்பாவிடம் சென்று, ‘சினிமாவில் என்னால் சாதிக்க முடியவில்லை என்றால், மீண்டும் மருத்துவம் படிக்க வந்துவிடுகிறேன்’ என்றேன். அவர் ‘சரி’ என்றார்.”

இப்படியாக அதிதி ஷங்கர் வெறும் நடிகை மட்டுமல்ல. பாடகியாகவும், நடனக் கலைஞராகவும் தன்னை நிரூபித்து வருகிறார். தமிழ் சினிமாவை தாண்டி, தெலுங்கு சினிமாவிலும் கால்பதித்து, பல்வேறு மொழி ரசிகர்களிடமும் அடையாளம் பெற முயல்கிறார். நடிகையாக வரும்போது ‘வாரிசு நடிகை’ என்ற விமர்சனம் தவிர்க்க முடியாத ஒன்று. ஆனால் அதிதி ஷங்கர் இதைப் பற்றி மிகுந்த விளக்கத்துடன் கூறியுள்ளார். அதன்படி அவர் பேசுகையில், “என்னை வாரிசு நடிகை என்று விமர்சிப்பவர்களை பற்றி நான் தவறாகவே நினைக்கவில்லை. விமர்சனங்கள் என்னை ஒருபோதும் பாதிக்காது. விமர்சனங்களுக்கெல்லாம் அப்பாற்பட்டவள் நான். ஏனெனில் என் அடையாளத்தை தாண்டி என் திறமையை அதிகம் நம்புகிறேன்” என்றார். இவ்வாறு தனது தன்னம்பிக்கையையும், முன்னேறும் மனப்பாங்கையும் வெளிப்படுத்தியுள்ளார். அதிதி தனது எதிர்கால கனவுகள் குறித்தும் பேசியுள்ளார்.

இதையும் படிங்க: கிளாமர் நடிகை யாஷிகா ஆனந்த்-க்கு இப்படி ஒரு சான்ஸா..! திரில்லரில் படமே பிரமாண்டமாக இருக்கும் போலவே..!

அதில், “எனக்கு ஒரு வரலாற்று படத்தில் நடிக்க வேண்டும் என்பது ஆசை. விரைவில் அது நடக்கவேண்டும் என்று வேண்டிக்கொண்டும், காத்துக்கொண்டும் இருக்கிறேன். ஒரு நடிகையாக எனக்கும், அப்பா டைரக்ஷனில் நடிக்க ஆசை. கார்த்தி, சிவகார்த்திகேயனுடன் மீண்டும் ஜோடி போட ஆசை. அதேபோல ராம்சரண், அல்லு அர்ஜுன் போன்றோருடன் தெலுங்கில் ஜோடி சேரவும் ஆசைப்படுகிறேன்” என்றார். அவரது வார்த்தைகள், ஒரு நடிகையாக தன்னை தொடர்ந்து வளர்க்கும் எண்ணத்தையும், பெரிய கனவுகளையும் வெளிப்படுத்துகின்றன. ஆகவே மருத்துவர் பட்டம் முடித்த பிறகு தனது சினிமா கனவை கைவிடாமல், அதனை நிறைவேற்றியவர் அதிதி ஷங்கர். விமர்சனங்களை நிதானமாக ஏற்றுக்கொண்டு, திறமைக்கு முன்னுரிமை கொடுக்கும் அவரது மனப்பாங்கு, மற்ற நடிகைகளுக்கு ஒரு உந்துதல் ஆக இருக்கிறது.

வருங்காலத்தில், அவர் தனது கனவான வரலாற்று திரைப்படங்கள், பிரபல நடிகர்களுடன் இணையும் வாய்ப்புகள், மற்றும் அப்பாவின் இயக்கத்தில் நடிக்கும் நாள் ஆகியவை நனவாகும் என்பதில் ரசிகர்கள் நம்பிக்கை வைக்கின்றனர். எனவே “வாரிசு நடிகை” என்ற குற்றச்சாட்டை தாண்டி “திறமை நடிகை” எனும் அடையாளத்தை உருவாக்கும் பாதையில் அதிதி ஷங்கர் முன்னேறி வருகிறார்.

இதையும் படிங்க: எப்படிப்பட்ட விருது கிடைத்தாலும் சிவாஜியை மறக்கமுடியுமா..! வியக்க வைத்த எம்.எஸ்.பாஸ்கரின் செயல்..!