கண்டிப்பாக இந்த படம் உங்களை ஏமாற்றாது..! "ஆர்யன்" படத்தை குறித்து வெளிப்படையாக பேசிய செல்வராகவன்..!

தமிழ் திரையுலகில் தனித்துவமான கதைகள் மற்றும் வித்தியாசமான கதாபாத்திரங்களை தேர்ந்தெடுத்து நடிக்கும் நடிகராக பெயர் பெற்றவர் விஷ்ணு விஷால். கடந்த சில ஆண்டுகளாக அவர் தன்னைச் சுற்றியுள்ள சினிமா உலகத்தை மாற்றும் விதமாக பல்வேறு முயற்சிகளில் ஈடுபட்டு வருகிறார். ராட்சசன், போன்ற படங்களின் மூலம் அவர் தன்னுடைய நடிப்பு திறனை ரசிகர்களிடம் வலியுறுத்தியுள்ளார். தற்போது அவர் நடிப்பில் உருவாகி இருக்கும் புதிய படம் ‘ஆர்யன்’. இது ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த ‘ஆர்யன்’ படத்தை அறிமுக இயக்குனர் பிரவீன் இயக்கியுள்ளார்.

புதிய இயக்குனர் என்றாலும், திரைக்கதை மற்றும் கதாபாத்திர வடிவமைப்பில் எந்த சமரசமும் செய்யாமல், வித்தியாசமான அணுகுமுறையில் இப்படம் உருவாகியுள்ளது என்று கூறப்படுகிறது. படத்தின் கதைக்கரு முழுவதும் த்ரில்லரும், ஆக்ஷனும் கலந்ததாக இருக்கும் என்று படக்குழுவினர் தெரிவித்துள்ளனர். இதனை குறித்து ஒரு பேட்டியில் பேசிய பிரவீன், “விஷ்ணு விஷாலுக்கு இதுவரை இல்லாத ஒரு கதாபாத்திரம் இது. ‘ஆர்யன்’ ஒரு சாதாரண ஹீரோ படம் அல்ல. இதில் ஒரு மனிதனின் உள்மன அழுத்தங்கள், வாழ்க்கை போராட்டம், நம்பிக்கை என அனைத்தும் இணைந்து செல்கின்றன. இது உணர்ச்சியுடனும் வேகத்துடனும் நிறைந்த கதை” என்றார்.
இந்த படத்தின் சிறப்பம்சம் அதன் பெரிய நட்சத்திர பட்டாளம் தான். விஷ்ணு விஷால் – தலைப்பு கதாபாத்திரமாக ஆர்யன் ஆக நடிக்கிறார்.

சஸ்பென்ஸ் மற்றும் ஆக்ஷனுடன் கூடிய கதாபாத்திரம் இது என கூறப்படுகிறது. வாணி போஜன் – விஷ்ணுவின் மனைவியாக நடிக்கிறார். உணர்ச்சி பூர்வமான கதாபாத்திரம் என அறியப்படுகிறது. ஷ்ரத்தா ஸ்ரீநாத் – ஒரு வலிமையான பெண் போலீஸ் அதிகாரியாக வேறுபட்ட கதாபாத்திரத்தில் நடிக்கிறார். மானசா சவுத்ரி – விஷ்ணுவின் வாழ்க்கையில் முக்கிய திருப்பத்தை ஏற்படுத்தும் பாத்திரம். செல்வராகவன் – இந்தப் படத்தின் முக்கியமான துணை வேடங்களில் ஒருவர். கதையின் மையத்தில் செல்வராகவனின் கதாபாத்திரம் மிகப் பெரிய தாக்கத்தை ஏற்படுத்துமாம். இப்படி இவ்வளவு வித்தியாசமான கதாபாத்திரங்களை இணைத்துள்ளதால், ரசிகர்கள் ‘ஆர்யன்’ ஒரு காமர்ஷியல் த்ரில்லராக மட்டுமில்லாமல், கதைக்குப் பொருந்திய உணர்ச்சிப் படமாகவும் இருக்கும் என எதிர்பார்க்கின்றனர்.

இதையும் படிங்க: 'பைசன்' நல்ல படம் இல்லனு நினைச்சு, Dude படத்துக்கு போனாங்க..! கொந்தளித்து பேசிய பா.ரஞ்சித்தால் பரபரப்பு..!

மேலும் இந்த படத்திற்கு இசையமைத்துள்ளவர் ஜிப்ரான். சமீபத்தில் வெளியான அவரது பாடல்களும், டீசர் பின்னணி இசையும் ரசிகர்களிடம் பெரும் வரவேற்பைப் பெற்றுள்ளன. குறிப்பாக டீசரில் ஒலித்த “ஆர்யன் தீம்” ரசிகர்களிடையே வைரலாகி, சமூக வலைதளங்களில் பலரால் ரீமிக்ஸ் செய்து பகிரப்பட்டு வருகிறது. ஜிப்ரான், இசை குறித்து பேசுகையில், “இந்த படம் எனக்காக ஒரு உணர்ச்சிப் பயணம். ஒவ்வொரு காட்சிக்கும் இசையை வடிவமைக்கும் போது கதையின் மனோபாவம் மாறியதை உணர்ந்தேன். விஷ்ணு விஷால் நடித்த சில காட்சிகளில் எந்த இசையும் தேவையில்லை என தோன்றியது.. அவர் நடிப்பு தானே இசையாக இருந்தது” என்றார். இப்படம் தமிழ் மட்டுமல்லாமல், தெலுங்கு, கன்னடம், மலையாளம், இந்தி மொழிகளிலும் ஒரே நேரத்தில் வெளியாகிறது. இதன் மூலம் ‘ஆர்யன்’ விஷ்ணு விஷாலின் முதல் பான்-இந்தியா முயற்சியாக மாறியுள்ளது.

திரைப்பட உலகத்தில், தமிழ் நடிகர்கள் தற்போது பான்-இந்தியா நிலையை நோக்கி முன்னேறி வருகிறார்கள். அந்த வரிசையில் விஷ்ணு விஷாலும் இணைந்துள்ளார். படம் வரும் அக்டோபர் 31-ம் தேதி திரையரங்குகளில் வெளியாக இருப்பதால், ரசிகர்கள் மிகுந்த ஆவலுடன் காத்திருக்கிறார்கள். இப்படத்தின் டீசர் சில வாரங்களுக்கு முன்பு வெளியானது. அதில் விஷ்ணு விஷால் ஒரு இளம் விஞ்ஞானியாகவும், பின்னர் ஆபத்தான சூழலில் சிக்கிக் கொள்கிற கதாபாத்திரமாகவும் தோன்றினார். காட்சிகளின் வேகம், ஒளிப்பதிவு, பின்னணி இசை ஆகியவை ரசிகர்களிடையே பெரும் எதிர்பார்ப்பை உருவாக்கின. மேலும் ஜிப்ரான் இசையில் வெளியான முதல் பாடல் “நீங்க நினைக்காத நேரம்” காதல் மற்றும் நம்பிக்கையை இணைக்கும் ஒரு மெலோடியாக ரசிகர்களால் வரவேற்கப்பட்டது. இப்படி இருக்க சமீபத்தில் நடந்த ஒரு பேட்டியில் செல்வராகவன் ‘ஆர்யன்’ படத்தைப் பற்றி பேசினார். வழக்கமாக அவர் மிகவும் குறைந்த அளவில் மட்டுமே பேட்டிகளை வழங்குவார்.

ஆனால் இந்த முறை, தனது திருப்தியை வெளிப்படையாகச் சொன்னார். அதன்படி அவர் பேசுகையில், “ஆர்யன் படத்தைப் பார்த்து நீங்க ஏமாற மாட்டீங்க. சில படங்களை பார்த்தாலே கதை தெரிஞ்சிடும், ஆனா இது அப்படியில்லை. கதை புதுசு, விஷ்ணு விஷால் நல்லா நடிச்சிருக்காரு. எனக்கு அதிக காட்சிகள் இல்ல, ஆனா அவங்க நடிப்பைப் பார்த்தால் மனசு நிறைஞ்சிருக்கு” என்றார். இப்படியாக படத்தின் ஒளிப்பதிவை ரிச்சர்ட் எம் நாதன் கவனித்துள்ளார். ஒவ்வொரு ஷாட்டும் கண்ணுக்கு விருந்தாக இருக்கும் என விமர்சகர்கள் கூறுகின்றனர். எடிட்டிங் ரூபன், கலை இயக்கம் சிவா யாதவ், ஸ்டண்ட் இயக்கம் அனல் அரசு ஆகியோர் கவனித்துள்ளனர். இது விஷ்ணு விஷால் நிறுவனம் VV Studioz தயாரிப்பில் உருவாகியுள்ளது. கடந்த காலங்களில் ராட்சசன் மற்றும் ஃபிஐஆர் போன்ற படங்களை தயாரித்து வெற்றி கண்ட அவர், இப்போது மேலும் பெரிய அளவிலான தயாரிப்பை மேற்கொண்டுள்ளார். இந்த திரைப்பட விமர்சகர்கள், “ஆர்யன்” ஒரு சயின்ஸ்-ஆக்ஷன் த்ரில்லர் வகை படம் என ஊகிக்கின்றனர்.

கதையின் மையம் ஒரு விஞ்ஞான ஆய்வு, அதில் நிகழும் மாறுபட்ட சம்பவங்கள், அதனால் ஏற்படும் நெஞ்சை நெருக்கும் திருப்பங்கள் என்பதாகக் கூறப்படுகிறது. ஆகவே ‘ஆர்யன்’ படம் விஷ்ணு விஷாலின் கரியரில் முக்கியமான படியாக அமைவதற்கான அனைத்து அம்சங்களையும் கொண்டிருக்கிறது. புதிய இயக்குனர் பிரவீன் தனது கதை சொல்லும் திறனை நிரூபிக்க வேண்டிய வாய்ப்பைப் பெற்றுள்ளார். ஜிப்ரானின் இசை, ரிச்சர்டின் காட்சி அமைப்பு, செல்வராகவன் – வாணி போஜன் – ஷ்ரத்தா – மானசா ஆகியோரின் நடிப்பு ஆகியவை இணைந்து படத்தை உயர்த்தும் என எதிர்பார்க்கப்படுகிறது. செல்வராகவன் சொன்னது போல, “இந்த படம் புதுசு... ஏமாற்றம் இல்லை.” அப்படியானால், அக்டோபர் 31 அன்று திரையரங்குகளில் ‘ஆர்யன்’ ரசிகர்களுக்கு என்ன அதிர்ச்சி தரப்போகிறது என்பதை காத்திருந்து காணலாம்.

இதையும் படிங்க: மிரட்ட போகும் 'சூர்யா 46'..! கேஜிஎப் பட மாஸ் நடிகையின் எதிர்பாராத என்ட்ரியால் ஷாக்கில் ரசிகர்கள்..!