"ஹாப்பி பர்த்டே டூ தளபதி விஜய்".. கென்யாவில் இருந்து பறந்து வந்த வாழ்த்து.. சொன்னது யார் தெரியுமா..?

தமிழ் திரைப்பட உலகில் முன்னணி நடிகராகவும், பின்னணி பாடகராகவும், தயாரிப்பாளராகவும், அரசியல்வாதியாகவும் பயணித்து வருபவர் “தளபதி” என்று ரசிகர்களால் அன்புடன் அழைக்கப்படும் விஜய். 1974 ஜூன் 22 அன்று பிறந்த விஜய், 1984இல் தனது 10வது வயதில் தந்தை எஸ்.ஏ.சந்திரசேகர் இயக்கிய வெற்றி படத்தில் குழந்தை நட்சத்திரமாக அறிமுகமானார். பின்னர் நான் சிகப்பு மனிதன், வசந்த ராகம் போன்ற படங்களில் குழந்தை நடிகராக பங்களித்தார். மேலும், 1992இல் நாளைய தீர்ப்பு மூலம் முதன்மை நடிகரானார். பிறகு அடிமேல் அடிவைத்து தளபதி என்ற பட்டத்துடன் திரையுலகில் அசைக்க முடியாத இடத்தை பிடித்தார்.

பிறகு அரசியலில் குதித்த விஜய், தமிழக வெற்றிக் கழகம் என்ற கட்சியை தொடங்கி கலக்கி வருகிறார். தற்போது எச்.வினோத் இயக்கத்தில் 'ஜனநாயகன்' படத்தில் நடித்து வருகிறார். இப்படம் அடுத்த ஆண்டு ஜனவரி 9-ந்தேதி திரையங்குகளில் வெளியாக உள்ளது. 'ஜனநாயகன்' படத்திற்கு பிறகு முழு நேர அரசியலில் விஜய் ஈடுபட உள்ளார்.

இதையும் படிங்க: பர்த்டே ட்ரீட் கொடுக்கப்போகும் விஜய்.. ஜூன் 22ல்.. ரிலீசாகிறது "ஜன நாயகன்" பட முதல் பாடல்..!

இந்நிலையில் இன்று தனது 51வது பிறந்தநாள் கொண்டாடும் விஜய்க்கு அனைவரும் வாழ்த்துகளை கூறி வருகின்றனர். திரையுலகினர் மட்டுமில்லாமல் பல்வேறு அரசியல் கட்சியினர், ரசிகர்கள், பொதுமக்கள்.. ஏன் கடல் கடந்துகூட விஜய்க்கு பிறந்தநாள் வாழ்த்து குவிந்த வண்ணம் உள்ளது. 

இந்த நிலையில், கென்யாவில் உள்ள கென்யாவில் உள்ள மசாய் மாரா பழங்குடியின இளைஞர்கள், நடிகர் விஜய்க்கு பிறந்தநாள் வாழ்த்து தெரிவித்து வீடியோ வெளியிட்டுள்ளனர். தவெக கொடியை கையில் பிடித்துக்கொண்டு, ஹாப்பி பார்த்தே டூ யூ.. ஹாப்பி பார்த்தே டூ தளபதி விஜய் என பாடல் பாடி நடிகர் விஜய்க்கு பிறந்தநாள் வாழ்த்து தெரிவித்துள்ளனர். மசாய் பழங்குடியினத்தவர்களின் இந்த வாழ்த்து வீடியோ தற்போது சமூக வலைதளங்களில் வைரலாகி வருகிறது.

இதனிடையே விஜய் பிறந்தநாளான இன்று ஜனநாயகன் படத்தின் The First Roar வீடியோவையும், "ஜனநாயகன் - ஜனவரி 9 - வேர்ல்டு வைடு - பொங்கல் ரிலீஸ் " என போஸ்டர் ஒன்றையும் படக்குழுவினர் வெளியிட்டு ரசிகர்களுக்கு பெரிய விருந்து கொடுத்துள்ளனர். 

இதையும் படிங்க: நடிகர் விஜய் வெளியிட்ட போஸ்டர்..! பரவசத்தில் துள்ளி குதிக்கும் ரசிகர்கள்..!