பயமா இருக்கா இனி பயங்கரமா இருக்கும்..! பதறவைக்கும் ராஷ்மிக்கா மந்தனாவின் "தாமா" ஹாரர் மூவி டீசர்..!

இந்திய சினிமாவில் தற்போது பல முன்னணி நடிகைகள் பல்வேறு கதாபாத்திரங்களில் தம்மை ஈடுபடுத்தி வருவதை பார்க்க முடிகிறது. அதில் குறிப்பாக காதல், குடும்பம், காதல் கலந்த நகைச்சுவை என பல பாணிகளில் நடித்து வந்தவர் ராஷ்மிகா மந்தனா. தற்போது, ரசிகர்களையும் திரை உலகத்தையும் ஆச்சரியப்படுத்தும் வகையில், ஹாரர் பட உலகிற்குள் தனது முதலாவது பயணத்தை தொடங்கியுள்ளார்.

அதாவது ராஷ்மிகா மந்தனாவுக்கான இந்த முக்கிய திருப்பு முனை படமாக அமைந்துள்ளது “தாமா”. இதுவரை ரொமான்ஸ், சண்டை, நகைச்சுவை என பல கதாபாத்திரங்களில் தன்னை காண்பித்த ராஷ்மிகா, இப்போது தனது நடிப்பு மற்றும் பரிமாணங்களை மாற்றி, பயம் கலந்த கதையமைப்பில் இடம் பிடிக்கிறார். அதன்படி “தாமா” திரைப்படத்தை 'Maddock Films' என்ற ஹிந்தி சினிமாவின் பிரபலமான தயாரிப்பு நிறுவனத்தால் தயாரிக்கப்படுகிறது. இதற்குப் முன்னால் 'ஸ்ட்ரீ', 'முஞ்யா' போன்ற மிகச்சிறந்த ஹாரர்-காமெடி படங்களை வெற்றிகரமாக வழங்கிய அந்த நிறுவனம் இருப்பது, இந்தப் படத்தின் மீதான எதிர்பார்ப்பை பல மடங்கு அதிகரித்துள்ளது. இதைவரை எந்த ஹாரர் படத்திலும் நடித்ததில்லை என்பதாலேயே, இது ராஷ்மிகாவுக்கு தனிப்பட்ட சாதனை. “தாமா” படம் மூலம், காதல் நடிகை என்ற கட்டுப்பாட்டிலிருந்து வெளியே வந்து, தனது நடிப்பு திறனை ஒரு புதிய கோணத்தில் நிரூபிக்க உள்ளார். படத்திற்காக அவர் மேற்கொண்ட கேரக்டர், வெவ்வேறு இமோஷன்கள், மற்றும் மனதளவிலான பதட்ட நிலைகள் போன்றவற்றில் அவர் எப்படி மாற்றம் காண்கிறார் என்பதையும் ரசிகர்கள் ஆவலுடன் எதிர்நோக்கி காத்திருக்கின்றனர்.

இதையும் படிங்க: திருவண்ணாமலைக்கு திடீர் விசிட் அடித்த இளையராஜா..! அண்ணாமலையார் கோவிலில் சிறப்பு தரிசனம்..!

இப்படி இருக்க ராஷ்மிகாவுக்கு ஜோடியாக நடிக்கிறார் ஆயுஷ்மான் குரானா. இவர், சீரியஸான கதைகளுக்கும், சினிமாவில் அதிரடி காட்டும் படங்களுக்கும் அடிக்கடி தேர்வு செய்யப்பட்டவர். மேலும், நவாசுதீன் சித்திக் மற்றும் பரேஷ் ராவல் ஆகிய இருவரும் இப்படத்தில் முக்கிய பாத்திரங்களில் நடிக்கிறார்கள். இப்படிப்பட்ட “தாமா” திரைப்படம் இந்த ஆண்டு தீபாவளி பண்டிகையை முன்னிட்டு வெளியாக உள்ளது. இந்திய சினிமாவில் பண்டிகைகளில் முக்கிய திரைப்படங்கள் வெளியீடுகளுக்கான நேரமாக இருப்பதால், இந்த நேரத்தை தேர்வு செய்து மிகுந்த நம்பிக்கையுடன் உருவாக்கப்பட்ட படம் என்பதையும் உறுதி செய்கிறது. விளம்பரம், பட போஸ்டர்கள், மற்றும் பின்னணிப் பணிகள் அனைத்தும் முழு தீவிரத்துடன் நடைபெற்று வருகின்றன. படக்குழு, ரசிகர்களின் எதிர்பார்ப்பை அதிகரிக்க, சமீபத்தில் இப்படத்தின் டீசரை வெளியிட்டுள்ளது. இந்த “தாமா” படத்தின் டீசர், வெளியான சில மணிநேரங்களிலேயே யூடியூபில் லட்சக்கணக்கான பார்வையாளர்களை ஈர்த்து உள்ளது.

அதில் சஸ்பென்ஸ், மர்மம், மறைமுகமான பயம், மற்றும் ஒரு வித்தியாசமான கதையின் அடிப்படை நிலைபாடுகள் உணரப்படுகின்றன. டீசரில் ராஷ்மிகாவின் தோற்றமும், அவர் வெளிப்படுத்தும் பீதி கலந்த உணர்வுகளும் மிக ஆழமாக காட்சிப்படுத்தப்பட்டுள்ளன. மேலும், ஹாரர் படங்களில் நாம் எதிர்பார்க்கும் ஒலி, ஒளி மற்றும் சீரிய ட்ராமா காட்சிகள் அனைத்தும் குறுகிய டீசர் போதிலும் உற்சாகத்தை அளிக்கின்றன. இந்த டீசர் வெளியானதும், சமூக வலைதளங்களில் ரசிகர்கள் மற்றும் சினிமா விமர்சகர்கள் உள்பட பலரும் இதற்கு மிகுந்த வரவேற்பு அளித்துள்ளனர். ஆகவே இணையத்திலும், திரை உலகத்திலும் ராஷ்மிகா மந்தனாவின் 'தாமா' ஹாரர் பட முயற்சி மிகுந்த கவனத்தையும், எதிர்பார்ப்பையும் ஏற்படுத்தியுள்ளது. ஒருபுறம் நகைச்சுவை மற்றும் காதல் கதைகளில் நடித்து வந்த  ராஷ்மிகா, தற்போது நிழல்களின் பக்கம் திரும்பி, பயமுறுத்தும் கதைகளில் நுழைவதற்கான தயக்கமின்றி களத்தில் குதித்திருக்கிறார்.

இந்த  தீபாவளிக்கு வெளியாகும் “தாமா”, இந்திய ஹாரர் சினிமாவுக்கு புதிய அடையாளம் வழங்குமா, அல்லது ஹாரர் கலவையில் காமெடி, காதல் மற்றும் மர்மத்தை சேர்த்து ஒரு முழு விருந்தாக அமையுமா என்பதற்காக ரசிகர்கள் ஆவலுடன் காத்திருக்கின்றனர்.
 

இதையும் படிங்க: மியூட்-ல மெர்சலாக்க வருகிறது “ஓ காட் பியூட்டிபுல்” படத்தின் 2வது பாடல்..! தேதியை மறந்துடாதீங்க மக்களே..!