அப்பாடா..!! கொஞ்சம் ஆறுதல் கொடுத்த தங்கம் விலை..!! நகைப் பிரியர்கள் குஷி..!!

தங்க நகைகள் இந்திய பெண்களின் இதயத்தில் என்றும் சிறப்பான இடம் பிடித்தவை. பாரம்பரிய மதிப்பு மற்றும் நவீன ஃபேஷனின் கலவையாக, தங்க நகைகள் பெண்களின் அழகை மிளிரச் செய்யும் முக்கிய அணிகலனாக உள்ளன. தற்போதைய காலகட்டத்தில், பெண்கள் தங்களின் தனித்துவமான பாணி மற்றும் தேவைகளுக்கு ஏற்ப பலவிதமான தங்க நகைகளை விரும்புகின்றனர். தங்க நகை விலை ஏறினாலும் சரி, இறங்கினாலும் சரி அதை வாங்க மட்டும் பெண்கள் மறப்பதில்லை. எவ்வளவு விலை ஏறினாலும் அதை வாங்க ஒரு கூட்டம் உள்ளது. இது ஒருபுறம் இருக்க, மறுபக்கம் தங்கம் வாங்குவது கனவில் தான் என்று இருக்கின்றனர் நடுத்தர மக்கள்.

சர்வதேச பொருளாதார நிலைக்கு ஏற்ப தங்கம் விலை நாள்தோறும் நிர்ணயம் செய்யப்பட்டு வருகிறது. சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்ட பல்வேறு காரணிகள் தங்கம் விலையை நிர்ணயிப்பதில் முக்கிய பங்கு வகிக்கின்றன. அமெரிக்காவின் வர்த்தக போரால் அமெரிக்க டாலருக்கு எதிரான இந்திய ரூபாய் மதிப்பு வீழ்ச்சி அடைந்தது. இதனால் பங்குச்சந்தைகளில் முதலீடு குறைந்து, தங்கத்தின் மீதான முதலீடு அதிகரித்து வருகிறது. இதனால் தங்கம் விலை கடந்த சில வாரங்களாக வரலாறு காணாத வகையில் புதிய உச்சத்தை தொட்டு வருகிறது.

இதையும் படிங்க: அவ்ளோதான்.. போச்சு..!! இனி மறந்துட வேண்டியதுதான்..!! தொடர் ஏறுமுகத்தில் தங்கம் விலை..!!

தங்கம் விலை நிலவரம் (27/11/2025):

சமீபகாலமாக தங்கம் விலை ஏற்றம் இறக்கத்தில் உள்ளது. இருப்பினும் ஒரு சவரன் தங்கம் ரூ.94 ஆயிரத்தில் இருப்பது அதிர்ச்சியை ஏற்படுத்தியுள்ளது. இந்த தங்கம் விலை ஏழை எளிய மற்றும் நடுத்தர மக்களை கவலை அடையச் செய்துள்ளது. கடந்த வாரம் ஏற்றம் இறக்கத்தில் இருந்த தங்கம் விலை, இந்த வாரம் ஏறுமுகத்தில் இருந்த நிலையில் இன்று (வியாழக்கிழமை) விலை சற்று இறங்கியுள்ளது.  

அதன்படி சென்னையில் 22 கேரட் ஆபரணத் தங்கத்தின் விலை, சவரனுக்கு ரூ.240 குறைந்து ஒரு சவரன் ரூ.94,160க்கும், கிராமுக்கு ரூ.30 குறைந்து ஒரு கிராம் ரூ.11,770-க்கும் விற்பனை செய்யப்படுகிறது. இதேபோல் 24 கேரட் சுத்த தங்கத்தின் விலையும் குறைந்துள்ளது. அதன்படி சவரனுக்கு ரூ.264 குறைந்து ஒரு சவரன் ரூ.1,02,720க்கும், கிராமுக்கு ரூ.33 குறைந்து ஒரு கிராம் ரூ.12,840-க்கும் விற்பனை செய்யப்படுகிறது. கடந்த சில வாரம் வரை ஒரு லட்சத்திற்கு நெருங்கிய தங்கம் விலை, தற்போது ரூ.94 ஆயிரத்தில் பயணிப்பது இல்லத்தரசிகளுக்கு சற்று நிம்மதி அளிக்கிறது. மேலும் இதே வேகத்தில் சென்றால் விரைவில் தங்கம் விலை கிராமுக்கு ரூ.10 ஆயிரத்திற்கு வந்துவிடும். 

வெள்ளி விலை நிலவரம்:

தங்கம் விலை குறைந்த நிலையில், வெள்ளியின் விலை தடாலடியாக உயர்ந்துள்ளது. அதன்படி கிராமுக்கு ரூ.4 அதிகரித்து ஒரு கிராம் ரூ.180க்கும், கிலோவிற்கு ரூ.4,000 அதிகரித்து ஒரு கிலோ ரூ.1 லட்சத்து 80 ஆயிரத்திற்கும் விற்பனை செய்யப்பட்டு வருகிறது. இந்த தங்க விலை குறைவால் பொதுமக்கள் மகிழ்ச்சியடைந்துள்ளனர். இருப்பினும் வெள்ளி விலை அதிகரிப்பால் மக்கள் கலக்கத்தில் உள்ளனர். மேலும் இப்படியே விலை குறைந்து வந்தால் நன்றாக இருக்கும் என கருத்து தெரிவித்து வருகின்றனர்.

இதையும் படிங்க: தாறுமாறாக எகிறிய தங்கம் விலை..!! கன்னத்தில் கைவைக்கும் பெண்கள்..!!