காலையில் குறைந்து மாலையில் அதிகரித்த தங்கம் விலை!!! வாரத்தின் முதல்நாளே ஆட்டம் காட்டும் சந்தை!!

சென்னையில் தங்கம் விலை இன்று (ஏப்ரல் 06) மாலையில் சவரனுக்கு 1,440 ரூபாய் உயர்ந்து, ஒரு லட்சத்து 11 ஆயிரத்து 920 ரூபாய்க்கு விற்பனையாகிறது. காலையில் சவரன் 1,10,480 ரூபாய்க்கு விற்கப்பட்ட நிலையில், மாலையில் 1,440 ரூபாய் உயர்ந்துள்ளது. கிராம் விலையும் 180 ரூபாய் உயர்ந்து 13,990 ரூபாய்க்கு விற்பனையாகிறது.

சர்வதேச அளவில் ஈரான் - அமெரிக்கா இடையிலான போர் பதற்றம் காரணமாக தங்கம் விலை ஏற்ற இறக்கத்துடன் காணப்பட்டது. கடந்த ஏப்ரல் 3ஆம் தேதி சவரன் 1,10,800 ரூபாய்க்கும், ஏப்ரல் 4ஆம் தேதி 1,11,600 ரூபாய்க்கும் விற்கப்பட்டது. ஏப்ரல் 5ஆம் தேதி ஞாயிற்றுக்கிழமை என்பதால் வர்த்தகம் இல்லை.

இன்று காலையில் சவரன் 1,120 ரூபாய் குறைந்து 1,10,480 ரூபாய்க்கு விற்கப்பட்டது. ஆனால் மாலையில் திடீரென 1,440 ரூபாய் உயர்ந்து 1,11,920 ரூபாயாக உயர்ந்துள்ளது. கிராம் விலை காலையில் 13,810 ரூபாயாக இருந்து மாலையில் 13,990 ரூபாயாக உயர்ந்தது.

இதையும் படிங்க: இனிமேல் தங்கம் விலை ஏறத்தான் செய்யுமாம்..!! தவிக்கும் நகைப்பிரியர்கள்..!!

வெள்ளி விலையில் காலையில் மாற்றம் இல்லாமல் ஒரு கிராம் 255 ரூபாய்க்கு விற்கப்பட்டது. மாலையில் 5 ரூபாய் உயர்ந்து 260 ரூபாய்க்கு விற்பனையாகிறது. ஒரு கிலோ வெள்ளி 2 லட்சத்து 60 ஆயிரம் ரூபாய்க்கு விற்கப்படுகிறது.

சர்வதேச பொருளாதார நிலவரங்கள் மற்றும் புவிசார் அரசியல் பதற்றம் காரணமாக தங்கம் விலை ஏற்ற இறக்கத்துடன் இருந்து வருகிறது. இந்தியாவில் தங்கம் விலை உயர்வு முதலீட்டாளர்கள் மற்றும் நகை வாங்குபவர்களிடையே கவனத்தை ஈர்த்துள்ளது.

வரும் நாட்களில் தங்கம் விலை எப்படி இருக்கும் என்பது சர்வதேச சந்தை நிலவரத்தைப் பொறுத்தே அமையும் என்று வர்த்தகர்கள் தெரிவிக்கின்றனர். தற்போதைய உயர்வு காரணமாக தங்கம் வாங்குவதில் மக்கள் எச்சரிக்கையுடன் இருக்க வேண்டும் என்றும் அவர்கள் அறிவுறுத்துகின்றனர்.

இதையும் படிங்க: மீண்டும் ஆட்டத்தை ஆரம்பிக்கும் தங்கம், வெள்ளி விலை..!! இன்றைய நிலவரம் என்ன..??