இதெல்லாம் ரொம்ப, ரொம்ப டேஞ்சர்... கோடை காலத்தில் குழந்தைகளை பாதுகாப்பது எப்படி? - மருத்துவர் அட்வைஸ்...!

வெயிலில் விளையாடுவதால் தோல் நோய், சிக்கன் குனியா போன்ற வியாதிகள் வர வாய்ப்பு 
தமிழ்நாட்டில் கத்திரி வெயில் தொடங்க உள்ளதால் குழந்தைகளை வெயில் காலத்தில் எப்படி பாதுகாக்க வேண்டும் என்பது குறித்து பெற்றோர்களுக்கு  மருத்துவர் கூறும் அறிவுரை.

பருவநிலை மாற்றத்தின் காரணமாகக் கடந்தாண்டை விட நடப்பாண்டில், தமிழ்நாட்டில் வெயிலின் தாக்கம் அதிகரிக்கத் துவங்கி உள்ளது.கன்னியாகுமரி மாவட்டத்திலும் வெயிலின் தாக்கம் அதிகரித்து வருகிறது.இந்த நிலையில் கோடை வெயிலில் தாக்கத்திலிருந்து குழந்தைகளை எவ்வாறு பாதுகாப்பது என்பது குறித்து ஆசாரிபள்ளம் அரசு மருத்துவமனை உதவி பேராசிரியர் சுபசக்தி கூறியதாவது:  கோடை காலத்தில் வெயிலின் தாக்கம் அதிகமாக இருக்கும் அதனால் குழந்தைகள் அதிக அளவு பாதிக்கப்படுகின்றனர். பெரியவர்களோடு ஒப்பிடுகையில் குழந்தைகள் தான் அதிக அளவு வெயிலால் பாதிப்படைகின்றனர்.1.5 வயதுடைய குழந்தைகளுக்கு தங்களுக்கு என்ன தேவை என்பது வெளிப்படுத்த இயலாது பெற்றோர்கள் தான் அவர்களுக்கு அதிகளவு தண்ணீர் கொடுக்க வேண்டும். மேலும் ORS கரைசல், தண்ணீர், இளநீர், நொங்கு, பழவகைகள்  ஆகியவை கொடுக்க வேண்டும் மேலும் காலை 10 மணி முதல் மாலை 4 மணி வரை வீட்டில் இருந்தே குழந்தைகளை  விளையாட வைக்க வேண்டும்.  

ஆறு மாதம் ஆன குழந்தைகளுக்கு அடிக்கடி தாய்ப்பால்  கொடுக்க வேண்டும் மேலும் வெயிலில் விளையாடுவதால் தோல் வியாதிகள், சிக்கன்குனியா போன்ற வியாதிகள் வர வாய்ப்பு இருக்கிறது.எனவே காய்ச்சல்,அம்மை வியாதிகள் போன்றவை இருந்தால் உடனடியாக மருத்துவமனைக்கு செல்ல வேண்டும்.குழந்தைகளுக்கு வரக்கூடிய சரும நோய்களைத் தடுப்பதற்கு முடிந்தவரையில் காட்டன் துணிகளை உபயோகப்படுத்தினால் வெயிலில் வரக்கூடிய வியர்வையை உறிஞ்சிக் கொள்ளும்.

இதையும் படிங்க: சுட்டெரிக்கும் வெயில்..!! மக்களே.. ஜாக்கிரதையா இருங்க..!! சுகாதாரத்துறை அட்வைஸ்..!!

கடைகளில் இருந்து குழந்தைகளுக்கு உணவு வாங்கிக் கொடுப்பதை தவிர்க்க வேண்டும். வயிற்றுப்போக்கு,வெயில் காரணமாக நீர் இழப்பு ஏற்படும்.மேலும் வயிற்றுப்போக்கு மற்றும் காய்ச்சல் வந்தாலோ குழந்தைகளின் நடவடிக்கைகள் மாற்றம் வந்தாலோ உடனடியாக மருத்துவமனைக்கு அழைத்துச் செல்ல வேண்டும் என தெரிவித்தார்.