அயோத்தி ராமர் கோவில்: ராம நவமி விழா கோலாகல தொடக்கம்..!! ஸ்ரீராமருக்கு சிறப்பு அபிஷேகம்..!!

அயோத்தியில் பிரமாண்டமாக எழுந்தருளியுள்ள ஸ்ரீ ராமர் கோவிலில், பக்தர்களின் வருகை தினந்தோறும் அதிகரித்து வருகிறது. கோவிலில் இந்த ஆண்டு ராம நவமி விழாவை மிகவும் சிறப்பாகவும் விமரிசையாகவும் கொண்டாட முடிவு செய்யப்பட்டுள்ளது. இதற்கான தீவிர ஏற்பாடுகள் முழு வீச்சில் நடைபெற்று வருகின்றன.

விழாவின் முதல் நிகழ்வாக, இன்று காலை ராமர் கோவிலில் பாரம்பரிய வேத முறைப்படி அனைத்து சடங்குகளுடன் கொடியேற்றம் (துவஜாரோஹணம்) நடைபெற்றது. காவி நிறத்தில் அழகாக வடிவமைக்கப்பட்ட இந்த கொடியில் புனித 'ஓம்' சின்னம் பொறிக்கப்பட்டுள்ளது.

19 அடி 7 அங்குல உயரமுள்ள கொடிமரத்தில் இக்கொடி ஏற்றப்பட்டது. கொடியின் நீளம் 9 அடி 3 அங்குலமும், அகலம் 4 அடி 7 அங்குலமும் ஆகும். நாளை ராம நவமி தினத்தன்று காலை முதல் ஸ்ரீ ராமருக்கு சிறப்பு அபிஷேகம் மற்றும் ஆராதனைகள் வெகு விமரிசையாக நடைபெற உள்ளன. இந்த சிறப்பு விழாவை முன்னிட்டு, பால ராமரை தரிசனம் செய்ய ஏராளமான பக்தர்கள் கோவிலுக்கு பெருந்திரளாக வருகை தருகின்றனர்.

இதையும் படிங்க: இன்றைய ராசிபலன் (26-03-2026)..!! இந்த ராசிக்கு இன்று காதல் வாழ்க்கை சர்ப்ரைஸ் தரும்...!!

கோவிலின் அனைத்து பகுதிகளிலும் பக்தர்களின் கூட்டம் நிறைந்து காணப்படுகிறது.ராம நவமி தினத்தன்று முக்கிய இடம்பெறும் சிறப்பு நிகழ்வு, சூரிய திலகம் வழிபாடு ஆகும். இதில், சூரியனின் கதிர்கள் நேரடியாக மூலவர் பால ராமரின் நெற்றியில் பட்டு ஒளிரும் அற்புதமான காட்சி நிகழும். இந்த புனித நிகழ்வை காண பக்தர்கள் ஆவலுடன் காத்திருக்கின்றனர்.

ராமர் கோவிலின் நிர்வாகிகள், பக்தர்களின் வசதிக்காக போதுமான ஏற்பாடுகளை செய்துள்ளனர். பாதுகாப்பு ஏற்பாடுகள், மருத்துவ வசதிகள், குடிநீர் மற்றும் உணவு ஏற்பாடுகள் உள்ளிட்ட அனைத்து அம்சங்களிலும் கவனம் செலுத்தப்பட்டுள்ளது. விழாவின் போது கோவிலில் சிறப்பு அலங்காரங்கள் செய்யப்பட்டு, வேதகானங்கள், பஜனைகள் மற்றும் பாரம்பரிய நிகழ்ச்சிகள் நடைபெற உள்ளன.

இந்த ராம நவமி விழா, அயோத்தியின் வரலாற்று முக்கியத்துவத்தை மேலும் உயர்த்தும் வகையில் அமையும் என எதிர்பார்க்கப்படுகிறது. ஸ்ரீ ராமரின் பக்தர்கள் மட்டுமின்றி, நாடு முழுவதிலும் இருந்து வரும் மக்கள் இந்த விழாவில் பங்கேற்று புண்ணியம் பெறுவார்கள் என்று கோவில் நிர்வாகம் தெரிவித்துள்ளது.

இதையும் படிங்க: இன்றைய ராசிபலன் (25-03-2026)..!! இந்த ராசிக்கு இன்று சூரியன் சாதகமாக இருக்கும்.. தொழில் துறையில் வெற்றி..!!