அதிமுக பிரமுகர் வெட்டி சாய்ப்பு! கள்ளக்காதலியே கதையை முடித்த பகீர்!! 7 பேர் கைது!

கிருஷ்ணகிரி: ஓசூர் அருகே உள்ள மாரச்சந்திரம் கிராமத்தைச் சேர்ந்த 32 வயது ஹரீஷ், அதிமுக இளைஞர் பாசறை தலைவருக்கு டிரைவராக வேலை செய்து வந்தார். திருமணமாகாத இவருக்கு, வானவில் நகரில் வசிக்கும் 35 வயது மஞ்சுளாவுடன் சில ஆண்டுகளாக கள்ளத் தொடர்பு இருந்தது. 

கணவரைப் பிரிந்து வட்டிக்கு விடும் தொழிலில் லட்சங்களை சம்பாதித்த மஞ்சுளா, ஹரீஷ் மீது அளவுக்கு அதிகமான காதல் கொண்டிருந்தார். ஆனால், அவரது பணத்தை கறந்து, திருமணம் செய்ய மறுத்த ஹரீஷை, காதலியே கூலிக்காரர்களை ஏவி கொலை செய்த சம்பவம் கிருஷ்ணகிரி மாவட்டத்தில் பெரும் பரபரப்பை ஏற்படுத்தியுள்ளது.

கடந்த டிசம்பர் 2 அன்று இரவு, வழக்கம்போல ஹரீஷ் மஞ்சுளாவின் வீட்டுக்கு சென்று உல்லாசமாக இருந்தார். இரவு 9 மணி அளவில் இருசக்கர வாகனத்தில் வீட்டுக்கு திரும்பிக் கொண்டிருந்தார். அப்போது, வழிமறித்த மர்ம ஆசாமிகள் திடீரென அவரை அரிவாளால் தாக்கினர். பயந்து ஓட முயன்ற ஹரீஷை விரட்டி வெட்டி கொன்று, தப்பினர். அதிகாலை கிராம மக்கள் ஹரீஷின் உடலை கண்டு போலீசாருக்கு தகவல் தெரிவித்தனர். ஓசூர் ஹட்கோ போலீசார் விரைந்து வந்து வழக்குப் பதிவு செய்து, தீவிர விசாரணைத் தொடங்கினர்.

இதையும் படிங்க: போலாம் ரைட்..!! மீண்டும் தொடங்கிய இண்டிகோ விமான சேவை..!! பயணிகள் சற்று நிம்மதி..!!

விசாரணையில், ஹரீஷ்-மஞ்சுளா உறவு வெளிப்பட்டது. சில மாதங்களுக்கு முன், இருவருக்கும் சண்டை ஏற்பட்டு போலீஸ் நிலையம் வரை விவகாரம் சென்றது. ஹரீஷ், “மஞ்சுளா என் காதலி. திருமணம் செய்யலாம்” என்று கூறினார். 

ஆனால், விசாரணையில் மஞ்சுளா அழுதபடி, “ஹரீஷ் என் காதலன். அவரை நான் எப்படி கொல்லுவேன்? அன்றும் என்னுடன் இருந்து விட்டுத் தான் போனார்” என்று கூறினார். போலீசார் மஞ்சுளாவை கண்காணிக்கத் தொடங்கினர். அவரது செயல்பாடுகள் சந்தேகத்தை ஏற்படுத்த, ஆழமான விசாரணையில் அதிர்ச்சி தகவல்கள் வெளியானன.

மஞ்சுளா, கணவரைப் பிரிந்து இரு குழந்தைகளுடன் வாழ்ந்து வந்தவர். வட்டிக்கு விடும் தொழிலில் லட்ச லட்சமாக சம்பாதித்தவர். ஏக்கத்தில் இருந்த அவர், ஹரீஷ் மீது ஆழமான காதல் கொண்டார். ஹரீஷ், இரண்டாவது திருமணம் செய்யும் திட்டத்தில் இருந்தாலும், மஞ்சுளாவின் பணத்தில்தான் குறியாக இருந்தார். 

“திருமணம் செய்யலாம்” என்று நைசாக பேசி, உல்லாச நேரங்களில் 10,000, 20,000 ரூபாய் என பணத்தை கறந்தார். கிட்டத்தட்ட 80 லட்ச ரூபாய் வரை மஞ்சுளா கொடுத்துள்ளார். ஆனால், திருமணத்துக்கு ஹரீஷ் ஒருபோதும் சம்மதிக்கவில்லை.

இது தொடர்ந்து, இருவருக்கும் சண்டை ஏற்பட்டது. போலீஸ் நிலையத்தில் சமரசம் ஆன பிறகு, மஞ்சுளா மீண்டும் ஹரீஷை சேர்த்துக் கொண்டார். கடந்த மாதம், “என்னை திருமணம் செய்” என்று மஞ்சுளா வற்புறுத்தினார். ஹரீஷ் சாக்கு போக்கு சொல்லி சமாளித்தார். அவரது நட்பு வட்டாரத்தில், “மஞ்சுளா பலருடன் தொடர்பில் உள்ளவள். அவளை திருமணம் செய்ய முடியாது” என்று கிண்டலாக பேசியதாக தெரிகிறது. 

இது ஹரீஷின் நண்பர் ஒருவர் மூலம் மஞ்சுளாவுக்கு தெரிந்தது. அதிர்ச்சியடைந்த மஞ்சுளா, “இத்தனை வருடம் என் உடல் சுகத்தை அனுபவித்து, என் பணத்தை வாங்கி வசதியாக வாழ்ந்து, என்னை கீழ்த்தரமாக பேசுகிறான்” என்று ஆவேசமடைந்தார்.

இனியும் இந்த துரோகியை விட வேண்டாம் என்று முடிவு செய்த மஞ்சுளா, ஹரீஷை தீர்த்து வைக்க 24 வயது மோனிஷ் என்ற இளைஞனிடம் 10 லட்சம் ரூபாய் பேரம் பேசினார். மஞ்சுளாவுடன் தொடர்பில் இருந்த மோனிஷுக்கு, ஹரீஷ்-மஞ்சுளா உறவு ஆரம்பத்திலிருந்தே பிடிக்கவில்லை. அவர் கூலிப்படையை ஏற்பாடு செய்தார். 

அதன்படி, டிசம்பர் 2 அன்று மஞ்சுளாவுடன் உல்லாசமாக இருந்து திரும்பும் போது, வழிமறித்து கூலிக்காரர்கள் ஹரீஷை அரிவாளால் வெட்டி கொன்றனர். தன் மீது சந்தேகம் வரக்கூடாது என்று ஹரீஷ் வீட்டுக்கு போய் ஜாலியாக இருந்ததும் விசாரணையில் வெளிப்பட்டது.

இருவரின் திட்டம் உறுதியானதும், மஞ்சுளா, மோனிஷ் ஆகியோரை போலீசார் கைது செய்தனர். கூலிப்படையாக செயல்பட்ட முகம்மது ரிகான் (21), முஜாமீல் (21), முஸ்ரப் (24), சமீர் (21), அபி (19) ஆகியோரையும் ஓசூர் போலீசார் கைது செய்தனர். 

இந்த கொலை, கிருஷ்ணகிரி மாவட்டத்தில் பெரும் பரபரப்பை ஏற்படுத்தியுள்ளது. காதல், பண மோசடி, பழிவாங்கல் என மூன்று கோணங்களில் சிலிர்க்கும் இந்தச் சம்பவம், போலீஸ் விசாரணையில் முழுமையாக வெளிப்பட்டுள்ளது.

இதையும் படிங்க: சசிகலா குறித்து எதிர்பாராமல் வந்த கேள்வி.. சட்டென எழுந்து நடையைக் கட்டிய செங்கோட்டையன்... பிரஸ்மீட்டில் பரபரப்பு...!