இந்தியாவுடன் கைகோர்த்த BRIC நாடுகள்.. சீனாவும் எதிரானதால் கலக்கத்தில் பாக்.,

BRIC அமைப்பு, பிரேசில், ரஷ்யா, இந்தியா, சீனா ஆகிய நான்கு நாடுகளுடன் தொடங்கப்பட்டது. தற்போது அந்த அமைப்பில் தென் ஆப்ரிக்கா, எகிப்து, எத்தியோப்பியா, இந்தோனேசியா, ஈரான் மற்றும் ஐக்கிய அரபு எமிரேட்ஸ் ஆகிய நாடுகளும் இடம் பெற்றுள்ளன.

இந்த நிலையில் பிரேசிலில் நடைபெற்ற 11வது பிரிக்ஸ் அமைப்பு நாடுகளின் பார்லி குழு கூட்டத்தில் இந்தியா உட்பட 10 உறுப்பு நாடுகளின் நாடாளுமன்றங்களின் பிரதிநிதிகள் பங்கேற்றனர். இதில் சபாநாயகர் ஓம்பிர்லா தலைமையிலான இந்தியக்குழு பங்கேற்றது.

இந்தக் குழுவில் மாநிலங்களவை துணைத் தலைவர் ஹரிவன்ஷ், மாநிலங்களவை உறுப்பினர் சுரேந்திர சிங் நாகர், மக்களவை உறுப்பினர்கள் விஜய் பாகேல், விவேக் தாக்கூர், ஷபரி பரேடி, மக்களவை பொதுச் செயலாளர் உத்பால் குமார் சிங், மாநிலங்களவை பொதுச் செயலாளர் பி.சி. மோடி மற்றும் மக்களவைச் செயலகத்தின் மூத்த அதிகாரிகள் ஆகியோர் இடம்பெற்றனர் 

இதையும் படிங்க: சசிதரூர் மேஜிக் சக்சஸ்.. பயங்கரவாதத்தை வேரறுக்க துணைநிற்போம்.. இந்தியாவுக்கு அமெரிக்கா சப்போர்ட்..

அப்போது, பஹல்காமில் நடந்த பயங்கரவாத தாக்குதலில் அப்பாவி சுற்றுலா பயணிகள் 26 பேர் கொல்லப்பட்ட சம்பவத்திற்கு கடும் கண்டனம் தெரிவிக்கப்பட்டது. அதிகாரப்பூர்வ அறிக்கையின்படி, இந்த ஆண்டு பிரிக்ஸ் நாடாளுமன்ற மன்றத்தில் இந்தியா, பிரேசில், ரஷ்யா, சீனா, தென்னாப்பிரிக்கா, ஈரான், ஐக்கிய அரபு எமிரேட்ஸ், எகிப்து, எத்தியோப்பியா மற்றும் இந்தோனேசியா ஆகிய 10 உறுப்பு நாடுகள் பங்கேற்றன. 

மாநாட்டின் போது பல சுற்று தீவிர விவாதங்கள் மற்றும் ஆலோசனைகளுக்குப் பிறகு, செயற்கை நுண்ணறிவு (AI), உலகளாவிய வர்த்தகம் மற்றும் பொருளாதாரம், நாடாளுமன்றங்களுக்கு இடையேயான ஒத்துழைப்பு, உலகளாவிய அமைதி மற்றும் பாதுகாப்பு போன்ற முக்கிய தலைப்புகளில் பரந்த ஒருமித்த கருத்து எட்டப்பட்டது.

பஹல்காம் தாக்குதல் குறித்து இந்தியா முன்வைத்த கண்ணோட்டங்கள் அனைத்து நாடுகளாலும் பாராட்டப்பட்டது. இறுதியாக கூட்டுப் பிரகடனத்தில் ஒருமனதாக அவை சேர்க்கப்பட்டன. குறிப்பாக, பயங்கரவாதம் குறித்த இந்தியாவின் தீர்க்கமான நிலைப்பாடு தீவிரமாக எடுத்துக் கொள்ளப்பட்டது.

பயங்கரவாதத் தாக்குதல்களை இந்தியா கடுமையாகக் கண்டித்ததுடன், பயங்கரவாதத்திற்கு எதிராகசிறிதளவும் சகிப்புத்தன்மையற்ற அணுகுமுறை கொள்கையை ஏற்க வேண்டும் என்று வலியுறுத்தியது.

மேலும் அனைத்து பிரிக்ஸ் நாடுகளின் நாடாளுமன்ற உறுப்பினர்களும், பயங்கரவாதத்திற்கு எதிராக ஒன்றிணைந்து செயல்படுவதாக ஒப்புக் கொண்டனர். பயங்கரவாத அமைப்புகளுக்கான நிதி உதவியை நிறுத்துதல், உளவுத்துறையைப் பகிர்ந்து கொள்ளுதல், நவீன தொழில்நுட்பங்களை தவறாகப் பயன்படுத்துவதைத் தடுப்பது மற்றும் விசாரணை மற்றும் நீதித்துறை செயல்முறைகளில் ஒத்துழைப்பது ஆகியவற்றில் கூட்டு முயற்சிகளை மக்களவை சபாநாயகர் ஓம் பிர்லா வலியுறுத்தினார்.

உலகளாவிய அமைதி மற்றும் பாதுகாப்பைப் பேணுவதற்கு அனைத்து நாடுகளின் தீவிர பங்கேற்பு அவசியம் என்பதை பிரிக்ஸ் நாடாளுமன்றங்கள் அங்கீகரித்தன. மாநாட்டில், பயங்கரவாதத்திற்கு எதிரான உலகளாவிய ஒத்துழைப்பு, நியாயமான மற்றும் சமநிலையான உலகளாவிய ஒழுங்கு, தொழில்நுட்ப கண்டுபிடிப்புகளில் பங்கேற்பு மற்றும் ஜனநாயக பரிமாற்றங்கள் போன்ற பல்வேறு தலைப்புகளில் இந்தியாவின் தெளிவான மற்றும் வலுவான பங்கை ஓம் பிர்லா திறம்பட முன்வைத்தார்.

மாநாட்டின் முடிவில், அடுத்த 12வது பிரிக்ஸ் நாடாளுமன்ற மன்றத்தை நடத்தும் பொறுப்பு இந்தியாவிடம் ஒப்படைக்கப்பட்டது, மேலும் மக்களவை சபாநாயகர் ஓம் பிர்லா அதன் தலைவராக நியமிக்கப்பட்டார்.

இதையும் படிங்க: 11 வருட ஆட்சியில் இதெல்லாம் சாத்தியம்.. விவசாயிகளுக்கு பிரதமர் மோடி மெசேஜ்..