"3ம் உலக நாட்டின் ஏலியன்.."!! இந்து கடவுள் குறித்து சர்ச்சை பேச்சு..!! வம்பில் சிக்கிய டிரம்ப் கட்சி தலைவர்..!!
இந்தியா குறித்தும் இந்து கடவுள் தொடர்பாகவும் டிரம்ப்பின் குடியரசுக் கட்சித் தலைவர் கூறியுள்ள சில கருத்துகள் பெரும் சர்ச்சையைக் கிளப்பியுள்ளது.
- Thu, 19 Feb 2026 13:04:56 IST
by
Shanthi M.
- #
அமெரிக்காவில் வசிக்கும் இந்தியர்கள் நாட்டின் பொருளாதார வளர்ச்சி, தொழில்நுட்பம் மற்றும் பல துறைகளில் குறிப்பிடத்தக்க பங்களிப்பு வழங்கி வருகின்றனர். இந்நிலையில், டெக்சாஸ் மாகாணத்தில் அமைந்துள்ள ஸ்ரீ அஷ்டலட்சுமி கோயிலில் உள்ள 90 அடி உயரமான அனுமன் சிலை தொடர்பான சர்ச்சை பெரும் கவனத்தை ஈர்த்துள்ளது.
இந்த சிலை, 'ஸ்டேச்சு ஆஃப் யூனியன்' (Statue of Union) என்று அழைக்கப்படுகிறது. பஞ்சலோகத்தால் (Panchaloha) செய்யப்பட்ட இந்த அபய அனுமன் சிலை, 2024 ஆம் ஆண்டு ஆகஸ்ட் மாதம் திறக்கப்பட்டது. இது வட அமெரிக்காவில் உள்ள மிக உயரமான அனுமன் சிலையாகவும், அமெரிக்காவின் மூன்றாவது உயரமான சிலையாகவும் கருதப்படுகிறது.
ஸ்ரீ சின்ன ஜீயர் சுவாமிகளால் ஈர்க்கப்பட்ட இச்சிலை, வலிமை, பக்தி, அமைதி ஆகியவற்றை குறிக்கும் வகையில் அமைக்கப்பட்டுள்ளது. ஹூஸ்டன் அருகே உள்ள சுகர் லேண்ட் நகரில் அமைந்துள்ள இக்கோயில், இந்திய வம்சாவளியினரின் கலாச்சார மற்றும் ஆன்மீக மையமாக விளங்குகிறது.
இதையும் படிங்க: அப்பாவி ஊழியர்களுக்கு சிறை... குரலை நசுக்கும் திமுக...!! TVK டைரக்ட் அட்டாக்..!!
இந்நிலையில் டல்லாஸ்-ஃபோர்ட் வொர்த் பகுதியைச் சேர்ந்த குடியரசுக் கட்சி ஆதரவாளரும், MAGA இயக்கத்துடன் தொடர்புடையவருமான கார்லோஸ் டுர்சியோஸ் (Carlos Turcios), இந்த சிலையின் வீடியோவை தனது எக்ஸ் (முன்னாள் ட்விட்டர்) பக்கத்தில் பகிர்ந்து கடுமையான கருத்துகளை பதிவிட்டுள்ளார். "இது இஸ்லாமாபாத் அல்லது டெல்லி அல்ல; இது டெக்சாஸின் சுகர் லேண்ட். மூன்றாம் உலக நாடுகளைச் சேர்ந்த ஏலியன்கள் (Third World Aliens) மெதுவாக டெக்சாஸையும் அமெரிக்காவையும் கைப்பற்றி வருகின்றனர். அமெரிக்காவின் மூன்றாவது பெரிய சிலை ஏன் இது? இந்த படையெடுப்பை (Invasion) உடனே நிறுத்துங்கள்" என்று அவர் எழுதியுள்ளார்.
இந்த பதிவு சமூக ஊடகங்களில் பெரும் பதற்றத்தை ஏற்படுத்தியது. பலர் இதை இனவெறி, வெளிநாட்டினர் மீதான வெறுப்பைத் தூண்டும் செயலாகக் கண்டித்தனர். இந்திய வம்சாவளியினர் அமெரிக்காவின் சட்டப்பூர்வமான குடியேற்றத்தின் மூலம் வரி செலுத்துபவர்களாகவும், பொருளாதாரத்தில் பங்களிப்பாளர்களாகவும் இருப்பதை சுட்டிக்காட்டினர். குறிப்பாக, H-1B விசா திட்டத்தின் மூலம் வரும் தொழில்நுட்ப வல்லுநர்களை 'படையெடுப்பு' என்று குறிப்பிடுவது தவறானது என்ற வாதங்கள் எழுந்தன.
ஒரு பயனர், "அமெரிக்காவில் 41 மில்லியன் வீடுகளில் ஸ்பானிஷ் மொழி பேசப்படுகிறது, ஆனால் முதல் 10 இடங்களில் இந்திய மொழிகள் இல்லை. மொழி ஒருங்கிணைப்பின் முக்கிய அடையாளம். எனவே இந்தியர்களை படையெடுப்பாளர்கள் என்று சொல்வதில் எந்த லாஜிக்கும் இல்லை" என்று குறிப்பிட்டார். மற்றொருவர், "இந்து மதம் மதமாற்றத்தை ஏற்காது; அது மேற்கத்திய நாகரிகத்திற்கு அச்சுறுத்தல் அல்ல. உங்கள் இனவெறி உண்மையை மறைக்கிறது" என்று டுர்சியோஸை விமர்சித்தார்.
இச்சர்ச்சை, அமெரிக்காவில் குடியேற்றம், கலாச்சார பன்முகத்தன்மை, மத சுதந்திரம் ஆகியவை தொடர்பான விவாதங்களை மீண்டும் தூண்டியுள்ளது. சிலை தனியார் நிலத்தில், இந்து சமூகத்தால் நிதியுதவியுடன் கட்டப்பட்டது என்பதால், அரசியலமைப்புச் சட்டத்தின் முதல் திருத்தத்தின் கீழ் மத சுதந்திரத்திற்கு உரிமை உண்டு என்று பலர் வாதிட்டனர். இந்த சம்பவம், அமெரிக்காவின் பன்முகத்தன்மைக்கும், சில அரசியல் குழுக்களின் குடியேற்ற எதிர்ப்பு நிலைப்பாட்டுக்கும் இடையிலான மோதலை வெளிப்படுத்தியுள்ளது.
இதையும் படிங்க: "காசு மேல காசு வந்து கொட்டுகிற நேரம் இது"..!! PF அக்கவுண்ட் வெச்சிருக்கீங்களா..?? அடிச்சது ஜாக்பாட்..!!
