செங்கோட்டையனுக்கு எதுக்கு இந்த வேலை? அமித்ஷா தான் முடிவெடுப்பாரா! விளாசிய ஆ.ராசா…

செங்கோட்டையன், ஈரோடு பகுதியின் பிரபலமான அரசியல் முகமாக இருந்து வருபவர். அவர், அதிமுகவின் பழமைவாத இறையாண்மை அணுகுமுறையைப் பின்பற்றி, கட்சியின் ஒருங்கிணைப்புக்கு அடிக்கடி குரல் கொடுத்து வருகிறார். கடந்த சில வாரங்களாக, அதிமுகவில் உள்ள பிளவுகளை சரி செய்ய வேண்டும் என அவர் வலியுறுத்தி வந்தார். குறிப்பாக, கட்சியிலிருந்து வெளியேற்றப்பட்ட தலைவர்களான ஓ.பன்னீர்செல்வம், கே.சி.பழனிசாமி, தினகரன் போன்றோரை அரவணைக்க வேண்டும் என 10 நாட்கள் காலக்கெடுவுடன் அறிவித்தது, ஈபிஎஸ் மற்றும் அவரது ஆதரவாளர்கள் இடையே அதிர்ச்சியை ஏற்படுத்தியது.

இதன் விளைவாக, செங்கோட்டையன் அமைப்புச் செயலர், ஈரோடு புறநகர் மேற்கு மாவட்ட செயலர் உள்ளிட்ட பல்வேறு பொறுப்புகளிலிருந்து நீக்கப்பட்டார். இந்த நீக்கல், அதிமுகவின் உள்நாட்டு சண்டையை மேலும் தீவிரப்படுத்தியது.இந்நிலையில், செப்டம்பர் 7 அன்று கோவை விமான நிலையத்தில் செய்தியாளர்களை சந்தித்த செங்கோட்டையன், "மன அமைதிக்காக ஹரித்வாருக்கு ஆன்மிகப் பயணம் மேற்கொள்கிறேன்" என்று தெரிவித்தார். இது, அவரது டெல்லி பயணத்தை மறைக்கும் ஒரு உத்தியாக பலரால் கருதப்பட்டது. உண்மையில், அவர் டெல்லி சென்று, அமித் ஷாவின் இல்லத்தில் அவரை சந்தித்தார். இந்த சந்திப்பு சுமார் அரை மணி நேரம் நீடித்ததாக டெல்லி அரசியல் வட்டாரங்கள் தெரிவிக்கின்றன.

சந்திப்பின்போது, ரயில்வே அமைச்சர் அசுவினி வைஷ்ணவ் உள்ளிட்ட மத்திய அமைச்சர்களும் கலந்து கொண்டதாகவும், ஈரோடு - ஞேர்க்காவு எக்ஸ்பிரஸ் ரயிலின் டைமிங் மாற்றம் குறித்து விவாதிக்கப்பட்டதாகவும் தெரிகிறது. மேலும், நிதி அமைச்சர் நிர்மலா சீதாராமனையும் செங்கோட்டையன் சந்தித்ததாக உறுதிப்படுத்தப்பட்டது.

இதையும் படிங்க: 50% வரியை போட சொன்னதே மோடிதான்... போர்க்கொடி தூக்கிய ஆ.ராசா!

இந்த நிலையில், திமுக அமைப்பு செயலாளர் ஆர்.எஸ் பாரதி மற்றும் ஆ.ராசா எம்.பி ஆகியோர் கூட்டாக செய்தியாளர்களை சந்தித்தனர். அப்போது பேசிய ஆ. ராசா,அதிமுகவில் என்ன செய்ய வேண்டும் என்ன செய்யக்கூடாது என அமித்ஷா தான் முடிவெடுப்பாரா என கேள்வி எழுப்பினார். அமித் ஷாவை செங்கோட்டையன் சந்தித்து பேசியது ஏன் எனவும் கேள்வி எழுப்பினார்.

அமித் ஷாவை செங்கோட்டையன் சென்று கள்ளத்தனமாக சந்தித்ததை அரசியலில் என்ன என்று சொல்வோம் என்று கேள்வி எழுப்பிய அவர், எடப்பாடி பழனிச்சாமியின் இதயத்துடிப்பு உள்ளிட்டவற்றை கவனித்துக் கொள்ள வேண்டும் என்று தெரிவித்தார். மேலும், பல நிகழ்வுகளில் பரப்புரை தொடங்கி உள்ளோமே தவிர முறையாக திமுக பரப்புரையை தொடங்கவில்லை என்றார். 

இதையும் படிங்க: தமிழகமே “ROLE MODEL”... உறுப்பு தானம் செய்தவர்கள் பெயர் கல்வெட்டில் பொறிக்கப்படும்… அமைச்சர் மா.சு. அறிவிப்பு!