ரஷ்யாவின் நட்பால் அமெரிக்கா கோவம்..! அடுத்தது சீனாதான் டார்கெட்!! ட்ரம்ப் சூசகம்!!

அமெரிக்க அதிபர் டொனால்டு ட்ரம்ப், ரஷ்யாவிடமிருந்து கச்சா எண்ணெய் வாங்குற இந்தியாவுக்கு எதிரா அதிரடியா நடவடிக்கை எடுத்து, இந்திய பொருட்களுக்கு இறக்குமதி வரியை 50%-ஆக உயர்த்தியிருக்காரு. இப்போ அவரோட கவனம், ரஷ்யாவிடமிருந்து அதிக அளவு எண்ணெய் வாங்குற சீனாவை நோக்கி திரும்பியிருக்கு. சீனாவுக்கு எதிரா வரி தடைகள் விதிக்கலாம்னு ட்ரம்ப் ஆலோசிச்சு வர்றாரு. 

ஒரு நிருபர் சந்திப்புல இது பத்தி கேள்வி கேட்டப்போ, “இது நடக்கலாம். ரஷ்யாவிலிருந்து எண்ணெய் வாங்குறதுக்காக சீனா மீது தடைகள் விதிக்க முடியும். எப்படி செய்யறோம்னு பொறுத்திருந்து பாருங்க,”னு ட்ரம்ப் சூசகமா சொல்லியிருக்காரு. இந்தியாவுக்கு 50% வரி விதிச்சது பத்தி கேட்டப்போ, “இப்போ 8 மணி நேரம்தான் ஆகுது. இன்னும் நிறைய இருக்குது. இரண்டாம் கட்ட தடைகளை பார்க்கப் போறீங்க,”னு மிரட்டலா பேசியிருக்காரு. இந்த செய்தி உலக அரங்கத்துல பெரிய பரபரப்பை கிளப்பியிருக்கு.

ட்ரம்ப் ஜனவரி 2025-ல இரண்டாவது முறையா அதிபரான பிறகு, உக்ரைன்-ரஷ்யா போரை முடிவுக்கு கொண்டு வர 50 நாள் கெடு வச்சாரு. இந்த கெடு இப்போ முடியப் போகுது. ரஷ்யாவிடமிருந்து எண்ணெய் வாங்குற இந்தியா, சீனா மாதிரியான நாடுகள், உக்ரைன் போருக்கு ரஷ்யாவுக்கு நிதி உதவி செய்யுற மாதிரினு ட்ரம்ப் கருதுறாரு. 

இதையும் படிங்க: விரைவில் முடியும் கெடு!! உக்ரைன் - ரஷ்யா போர் நிறுத்தமா? புதினுடன் ட்ரம்ப் தூதர் சந்திப்பு!!

இதனால, இந்தியாவுக்கு முதல்ல 25% வரி விதிச்சு, இப்போ மறுபடியும் 25% கூடுதல் வரி விதிச்சு, மொத்தம் 50% ஆக உயர்த்தியிருக்காரு. இது ஆகஸ்ட் 27, 2025-லிருந்து அமலுக்கு வருது. இந்த வரி உயர்வு, இந்தியாவோட டெக்ஸ்டைல்ஸ், நகைகள், ஆட்டோ பாகங்கள், கடல் உணவு மாதிரியான ஏற்றுமதி துறைகளை பெரிய அளவுல பாதிக்குது. இதனால இந்த பொருட்களோட விலை அமெரிக்காவுல உயர்ந்து, இந்தியாவோட $87 பில்லியன் ஏற்றுமதி சந்தை பாதிக்கப்படலாம்.

இப்போ ட்ரம்போட அடுத்த டார்கெட் சீனா. ரஷ்யாவிடமிருந்து எண்ணெய் வாங்குற நாடுகளோட பட்டியலில் சீனா முதலிடத்துல இருக்கு, 19.25 லட்சம் கோடி ரூபாய்க்கு எண்ணெய் வாங்குது. இந்தியா 11.70 லட்சம் கோடி ரூபாய்க்கு வாங்குது. துருக்கி (7.92 லட்சம் கோடி), ஐரோப்பிய ஒன்றியம் (6.17 லட்சம் கோடி), பிரேசில் (1.75 லட்சம் கோடி), சிங்கப்பூர், ஹங்கேரி, தென்கொரியா, சவுதி அரேபியா மாதிரியான நாடுகளும் இந்த பட்டியலில் இருக்கு. 

ஆனா, இப்போதைக்கு இந்தியாவும், பிரேசிலும் மட்டுமே 50% வரி தடையை சந்திச்சிருக்கு. சீனாவுக்கு இன்னும் இந்த அளவு கடுமையான தடைகள் வரல, ஆனா ட்ரம்போட “இரண்டாம் கட்ட தடைகள்” மிரட்டல், சீனாவையும் குறிவச்சிருக்குனு காட்டுது.

இந்தியா இதுக்கு முன்னாடி, “நம்ம 1.4 பில்லியன் மக்களோட எரிசக்தி பாதுகாப்புக்கு ரஷ்ய எண்ணெய் தேவை”னு சொல்லி பதிலடி கொடுத்திருக்கு. ஆனா, இந்த வரி உயர்வு, இந்தியாவோட பொருளாதார வளர்ச்சியை (6.5%-லிருந்து 6%-க்கு கீழே) பாதிக்கலாம். சிறு, குறு தொழில்கள் (MSMEs) வேலை இழப்பு, ரூபாய் மதிப்பு சரிவு மாதிரியான சவால்களை சந்திக்கலாம். 

சீனாவுக்கு வரி விதிச்சா, உலக எண்ணெய் விலை உயர்ந்து, பணவீக்கம் அதிகரிக்கலாம். இந்தியா இப்போ மத்திய கிழக்கு, அமெரிக்காவிலிருந்து எண்ணெய் இறக்குமதியை அதிகரிக்கலாம், ஆனா செலவு அதிகமாகலாம். இந்த வர்த்தகப் போர், இந்தியா-அமெரிக்கா உறவை மட்டுமில்ல, உலக பொருளாதாரத்தையே பாதிக்கலாம்.

இதையும் படிங்க: ரஷ்யா உடன் நெருக்கம் காட்டும் இந்தியா!! வரியை 50% ஆக உயர்த்தினார் அதிபர் ட்ரம்ப்.. உச்சத்தில் வரி வர்த்தகப்போர்!!