#BREAKING கோவையில் 13 வீடுகளில் அடுத்தடுத்து நடந்த பயங்கரம்... 3 வடமாநில கொள்ளையர்கள் சுட்டுப்பிடிப்பு...!

கோவை கவுண்டம்பாளையம் வீட்டு வசதி வாரிய குடியிருப்பில் உள்ள 13 வீடுகளின் வீட்டை பூட்டை உடைத்து 100 சவரன் நகைகள், ரூ.3 லட்சம் ஆகியவை  திருடப்பட்ட சம்பவம் அதிர்ச்சியை ஏற்படுத்தியது. இந்நிலையில் கொள்ளை சம்பவத்தில் ஈடுபட்ட 3 பேரை போலீசார் காலில் சுட்டுப்பிடித்துள்ளனர். 

கோவை கவுண்டம்பாளையம் பகுதியில் உள்ள வீட்டு வசதி வாரியக் குடியிருப்பில் 1848 வீடுகள் உள்ளன. இங்குள்ள வீடுகளில் அரசு அலுவலர்கள் வசிக்கின்றனர். இந்த நிலையில், இங்கு ஏ பிளாக்கில் உள்ள 3 வீடுகளிலும், சி(3) பிளாக்கில் 10 வீடுகளிலும் மொத்தம் 13 வீடுகளில்  பிற்பகலில் திருட்டு சம்பவம் நடைபெற்றது. தகவலறிந்து வீடுகளின் உரிமையாளர்கள் அங்கு விரைந்தனர். மேலும், கவுண்டம்பாளையம் போலீஸார் சம்பவ இடத்துக்குச் சென்று விசாரணை நடத்தினர். இங்குள்ள குடியிருப்பில் வசிக்கும் நில எடுப்புப் பிரிவு வருவாய் அலுவலரின் வீட்டில் மட்டும் 30 பவுன் தங்க நகைகள் திருடப்பட்டது தெரியவந்தது. தொடர்ந்து, போலீஸார் நடத்திய விசாரணையில், கிட்டத்தட்ட 100 சவரன் தங்க நகைகள், ரூ.3 லட்சம், வெள்ளிப் பொருள்கள் ஆகியவை திருடப்பட்டது தெரியவந்தது. 

சம்பவம் நடைபெற்ற வீடுகளில் மாநகர காவல் ஆணையர் ஆ.சரவணசுந்தர் நேரில் சென்று விசாரணை நடத்தினார். மேலும், மோப்ப நாய் மற்றும் கைரேகை நிபுணர்கள் வரவழைக்கப்பட்டு விசாரணை நடத்தப்பட்டது. இதுகுறித்து கவுண்டம்பாளையம் போலீஸார் வழக்குப் பதிவு செய்து விசாரணை நடத்தி வந்தனர். 

இதையும் படிங்க: ஆந்திராவில் மீண்டும் என்கவுன்டர்... மாவோயிஸ்ட் படை தளபதிகள் உட்பட 7 பேர் சுட்டுக்கொலை...!

இதையடுத்து அப்பகுதியில் இருந்த சிசிடிவி கேமரா காட்சிகளைக் கைப்பற்றி சோதனை செய்து வந்த போலீசார், அப்போது கொள்ளை சம்பவத்தில் ஈடுப்ட்டவர்கள் கவுண்டம்பாளையத்தில் இருந்து குனியமுத்தூர் நோக்கி சென்றிருப்பது கண்டுபிடிக்கப்பட்டது. இதனையடுத்து குனியமுத்தூர் முழுவதும் தீவிர சோதனையில் இறங்கிய போலீசார், சுகுணாபுரம் அடுத்த பி.கே.புதூரில் உள்ள வீடு ஒன்றில் பதுங்கியிருப்பது தெரியவந்தது. 

அவர்களை பிடிக்கச் சென்ற போது போலீசாரை தாக்க முயன்றதாக கூறப்படுகிறது. இதனையடுத்து அந்த வீட்டில் தங்கியிருந்த 3 வடமாநிலத்தவர்களையும் காலில் சுட்டு கவுண்டம்பாளையம் போலீசார் கைது செய்தனர். தற்போது அவர்கள் மூன்று பேரும் சிகிச்சைக்காக கோவை அரசு மருத்துவமனையில் அனுமதிக்கப்பட்டுள்ளனர். அங்கு அவர்களுக்கு காலில் உள்ள குண்டை நீக்குவதற்கான அறுவை சிகிச்சை மேற்கொள்ளப்பட்டு வருகிறது. காவல்துறையினரின் முதற்கட்ட தகவலின் படி, உத்திரபிரதேசம் மாநிலத்தை சேர்ந்த  ஆசிப்(48), இர்பான்(45), கல்லு என்கிற கலீல்(60) ஆகியோர் சுட்டிப்பிடிக்கப்பட்டதாக தெரிவிக்கப்பட்டுள்ளது. 

இதையும் படிங்க: #BREAKING காலையிலேயே துப்பாக்கிச்சூடு... கோயிலுக்குள் இரட்டை கொலை... குற்றவாளி சுட்டுப்பிடிப்பு...!