அது செல்லாது.. அதிமுக விதி திருத்ததிற்கு எதிராக CASE போட கூடாது.. ஹைகோர்ட் தடாலடி உத்தரவு..!

ஜெயலலிதாவின் மறைவுக்குப் பிறகு, அதிமுகவில் தலைமைத்துவ நெருக்கடி ஏற்பட்டது. இதனைத் தொடர்ந்து, கட்சியின் ஒருங்கிணைப்பாளராக ஓ. பன்னீர்செல்வமும், இணை ஒருங்கிணைப்பாளராக எடப்பாடி கே. பழனிசாமியும் 2017இல் நியமிக்கப்பட்டனர். இந்த இரட்டைத் தலைமை அமைப்பு, கட்சியின் உட்கட்சி மோதல்களைத் தற்காலிகமாகத் தணிக்கும் முயற்சியாக இருந்தது. இருப்பினும், இந்த அமைப்பு நீண்டகால அடிப்படையில் நிலையானதாக இல்லை.

2021ஆம் ஆண்டு, அதிமுகவின் செயற்குழுக் கூட்டத்தில், ஒருங்கிணைப்பாளர் மற்றும் இணை ஒருங்கிணைப்பாளர் பதவிகளுக்கு ஒரே வாக்கெடுப்பு மூலம் தேர்ந்தெடுக்கப்பட வேண்டும் என்று சட்டவிதிகளில் திருத்தம் செய்யப்பட்டது. இந்த திருத்தம், கட்சியின் அடிப்படை உறுப்பினர்களால் தலைவர்கள் தேர்ந்தெடுக்கப்படுவதற்கு வழிவகுத்தது. இது கட்சியின் மரபுகளுக்கு எதிரானதாகவும், உட்கட்சி ஜனநாயகத்தை பாதிக்கக் கூடியதாகவும் கே.சி. பழனிசாமி உள்ளிட்ட சிலர் கருதினர்.

இந்த சட்டவிதி திருத்தத்தின் அடிப்படையில், 2021 டிசம்பர் 2ஆம் தேதி, ஒருங்கிணைப்பாளர் மற்றும் இணை ஒருங்கிணைப்பாளர் பதவிகளுக்கான தேர்தல் டிசம்பர் 7ஆம் தேதி நடைபெறும் எனவும், வாக்கு எண்ணிக்கை டிசம்பர் 8ஆம் தேதி நடைபெறும் எனவும் கட்சி தலைமை அறிவித்தது. இதற்கு வேட்புமனு தாக்கல் டிசம்பர் 3ஆம் தேதி தொடங்கியது. ஆனால், இந்த தேர்தல் முறை மற்றும் சட்டவிதி திருத்தத்தை எதிர்த்து, கே.சி. பழனிசாமி உள்ளிட்டோர் சென்னை உயர்நீதிமன்றத்தில் வழக்கு தொடுத்தனர். 

இதையும் படிங்க: ”எம்ஜிஆரின் அதிமுக” இன்று ”அமித்ஷாவின் அதிமுக”வாக மாறிவிட்டது... இபிஎஸை அலர்ட் செய்த காங்கிரஸ் எம்.பி...!

இந்த நிலையில், அதிமுக விதி திருத்தத்தை எதிர்த்து கே சி பழனிச்சாமி உள்ளிட்டோர் வழக்கு தொடர அனுமதி அளித்த உத்தரவு ரத்து செய்யப்படுவதாக சென்னை உயர்நீதிமன்றம் தெரிவித்துள்ளது. கே.சி பழனிசாமி, அவரது மகன், வழக்கறிஞர் ராம்குமார் ஆதித்தன் ஆகியோர் வழக்கு தொடர வழங்கப்பட்ட உத்தரவு ரத்து செய்யப்பட்டுள்ளது. அதிமுக பொதுச்செயலாளர் எடப்பாடி பழனிச்சாமி தாக்கல் செய்து மேல்முறையீட்டு மனுவை சென்னை உயர்நீதிமன்றம் ஏற்று இந்த உத்தரவை பிறப்பித்துள்ளது. 

இதையும் படிங்க: அதிமுகவின் அடிமடியில் கைவைத்த அமித் ஷா... ஆடிப்போன எடப்பாடி பழனிசாமி...!