ஹெலிகாப்டரை காணோம்.. இந்தியர் உட்பட 8 பேர் மாயம்!! தேடுகிறது இந்தோனேசியா ராணுவம்!

இந்தோனேசியாவின் போர்னியோ தீவின் அடர்ந்த வனப்பகுதியில் ஹெலிகாப்டர் ஒன்று திடீரென மாயமாகியிருக்கு! அதில் இந்தியர் உட்பட 8 பேர் பயணித்திருந்தனர். இந்தோனேசியா ராணுவம், போலீஸ், உள்ளூர் கிராம மக்கள் ஆகியோர் இணைந்து 27 சதுர கி.மீ. பரப்பளவு வனத்தை தேடி வருகிறார்கள். செப்டம்பர் 1, 2025 அன்று நடந்த இந்த சம்பவம், உலக அளவில் கவலையை ஏற்படுத்தியிருக்கு. இந்திய வெளியுறவு அமைச்சகம், பயணித்த இந்தியரின் பாதுகாப்பை உறுதி செய்ய முயற்சி செய்து வருகிறது. 

இந்த ஹெலிகாப்டர், ஈஸ்டிண்டோ ஏர் நிறுவனத்துக்கு சொந்தமான Airbus BK117 D-3 மாடல், கொடாபாரு மாவட்டத்தின் குஸ்டி சாம்சிர் ஆலம் விமான நிலையத்திலிருந்து காலை 8:46 மணிக்கு புறப்பட்டது. இலக்கு, மத்திய கலிமண்டன் மாகாணத்தின் தலைநகர் பலங்க்கராயா நகரம். 10:15 மணிக்கு அங்கு வந்திருக்க வேண்டும், ஆனால் 8 நிமிடங்களில், அதாவது 8:54 மணிக்கு கட்டுப்பாட்டு அறையுடன் தொடர்பு துண்டிக்கப்பட்டது.

ஹெலிகாப்டரில் இருந்த 8 பேர்: பைலட் கேப்டன் ஹர்யான்டோ, இன்ஜினியர் ஹென்ட்ரா, பயணிகள் மார்க் வெர்ரென் (அமெரிக்கர்), யூடி ஃபெப்ரியன், ஆண்டிஸ் ரிசா பாசுலு, சான்தா குமார் (இந்தியர்), க்ளாடைன் க்விடோ (பிரேசில் நாட்டவர்), இபாய் இர்ஃபான் ரோசா. இவர்களில் சான்தா குமார் இந்தியர் என்பது உறுதியாகியிருக்கு. 

இதையும் படிங்க: உயிரே போனாலும் வெளியேற மாட்டோம்!! தீவிரம் அடையும் மராத்தா இட ஒதுக்கீடு போராட்டம்!

தொடர்பு துண்டிக்கப்பட்ட இடம், தெற்கு கலிமண்டன் மாகாணத்தின் தனா பும்பு மாவட்டத்தின் மண்டேவே வனப்பகுதி, மண்டின் டாமர் வாட்டர்ஃபால் அருகில். இந்த வனம் அடர்ந்து இருப்பதால், தேடுதல் வேலை கடினமாக இருக்கிறது.

பஞ்சர்மாசின் தேடுதல் மற்றும் மீட்பு அமைச்சகத் தலைவர் ஐ. புது சுதயானா, “நாங்கள் 7 நாட்கள் தேடுவோம். இன்று தான் கண்டுபிடிக்க விரும்புகிறோம், எல்லாரும் பாதுகாப்பா இருந்தால் நல்லது”னு கூறினார். தேடுதல் குழுவில் 140 பேர், இரண்டு ஹெலிகாப்டர்கள் (ஒன்று போலீஸ், இன்னொன்று பேரிடர் மேலாண்மை அமைச்சகம்), நிலம் மற்றும் வான்வழி தேடுதல் நடக்குது.

இந்தோனேசியா தேடுதல் அமைச்சகம், 12:02 மணிக்கு புகார் பெற்றது. தேடுதல் 12:20 மணிக்கு ஆரம்பிச்சது. உள்ளூர் கிராமத் தலைவர் சத்ரா, “12 மணிக்கு தகவல் வந்தது. 15 மணிக்கு தேடுதல் குழு போனது. இந்தோனேசிய ராணுவம், போலீஸ், உள்ளூர் மக்கள் சேர்ந்து 27 சதுர கி.மீ. வனத்தை தேடுறாங்க”னு சொன்னார். ரினா சுசாந்தி, உள்ளூர் உதவியாளர், “மண்டின் டாமர் வாட்டர்ஃபால் அருகில் விழுந்திருக்கலாம். தேடுதல் தொடர்கிறது”னு கூறினார்.

இந்தோனேசியாவின் போர்னியோ தீவு, உலகின் பெரிய வனங்களில் ஒன்று, ஆனால் விமான பாதுகாப்பு பதிவு குறைந்தது. சமீபத்தில் பல விபத்துகள் நடந்திருக்கு. இந்த ஹெலிகாப்டர், சுற்றுலா அல்லது வணிக பயணமாக இருக்கலாம், ஆனா விவரங்கள் உறுதியாகல.

இந்திய வெளியுறவு அமைச்சகம் (MEA), “சான்தா குமாரின் பாதுகாப்பை உறுதி செய்ய இந்தோனேசிய அதிகாரிகளுடன் தொடர்பில் இருக்கிறோம். தேடுதல் வேலை தீவிரமாக நடக்கிறது”னு அறிவிச்சிருக்கு. அமெரிக்கா, பிரேசில் தூதரகங்களும் தங்கள் குடிமக்களின் பாதுகாப்புக்கு முயற்சி செய்து வருகின்றன. இந்தோனேசியா, ஆயிரக்கணக்கான தீவுகளை கொண்ட நாடு, வான்வழி பயணங்கள் அதிகம்.

ஆனா வானிலை, வனங்கள் காரணமா விபத்துகள் ஏற்படுகின்றன. தேடுதல் அணியில் உள்ளூர் மக்கள், 12 பேர் வழிகாட்டிகளா போயிருக்காங்க. இரண்டாவது நாள் (செப்டம்பர் 2) தேடுதல் தொடர்கிறது, இரண்டு ஹெலிகாப்டர்கள் மாறி மாறி பறக்குது. புது சுதயானா, “இன்று கண்டுபிடிக்க வேண்டும், பிரார்த்தனை செய்யுங்கள்”னு கூறினார்.

இதையும் படிங்க: மக்களை ஏமாத்தாதீங்க! உடனே அமல்படுத்துங்க... பசுமை தீர்ப்பாய உத்தரவை சுட்டிக்காட்டிய சீமான்