எல்லையில் அத்துமீறி துப்பாக்கிச்சூடு நடத்திய பாக்.,? தொடரும் பதற்றம்.. களமிறங்கிய ராணுவம்..!

காஷ்மீரில் பாகிஸ்தான் மறுபடியும் தன்னோட பழைய பாணியை ஆரம்பிச்சிருக்கா? இல்லையா?ன்னு ஒரு குழப்பம் இப்போ உலவுது. இன்று காஷ்மீரின் பூஞ்ச் பகுதியில, கட்டுப்பாட்டுக் கோடு (LoC) எல்லையை மீறி பாகிஸ்தான் துப்பாக்கிச்சூடு நடத்தியதா தகவல் பரவியது. ஆனா, இந்திய ராணுவம் இதை உறுதியா மறுத்து, "எங்கயும் போர் நிறுத்த மீறல் நடக்கல, எல்லாம் வதந்தி,"னு தெளிவா அறிவிச்சிருக்கு. இந்த சம்பவம், காஷ்மீர் எல்லையில் ஏற்கனவே இருக்குற பதற்றத்தை இன்னும் கூட்டியிருக்கு.

கடந்த இரண்டு மாசத்துக்கு முன்னாடி, காஷ்மீரின் பஹல்காம் பகுதியில பாகிஸ்தான் ஆதரவு பயங்கரவாதிகள் துப்பாக்கிச்சூடு நடத்தினாங்க. இதுல 26 பேர், அதுல 25 இந்தியர்களும் ஒரு நேபாளி சுற்றுலாப் பயணியும் கொல்லப்பட்டாங்க. இதுக்கு பதிலடியா, இந்தியா ‘ஆபரேஷன் சிந்தூர்’னு ஒரு அதிரடி ஆபரேஷனை மே 7-ல ஆரம்பிச்சு, பாகிஸ்தான்லயும் பாக். ஆக்கிரமிப்பு காஷ்மீர்லயும் (PoK) 9 பயங்கரவாத முகாம்களை தகர்த்தது.

இந்தியாவோட இந்த பதிலடி, பாகிஸ்தானை திணற வச்சது. பாகிஸ்தான் ட்ரோன்கள், ஏவுகணைகள் மூலமா எதிர்த்தாக்குதல் நடத்த முயற்சிச்சது, ஆனா பெரிய அளவுல வெற்றி கிடைக்கல. மே 10-ம் தேதி, பாகிஸ்தானோட ராணுவ இயக்குநர் இந்தியாவோட ராணுவ இயக்குநர்கிட்ட பேசி, ஒரு தற்காலிக போர் நிறுத்தத்துக்கு ஒப்புக்கிட்டாங்க.

இதையும் படிங்க: 5,500 கி.மீ-க்கு அந்த பக்கம் இருந்தாலும் தப்ப முடியாது!! அமெரிக்காவுக்கு செக் வைக்கும் புதின்..!

இந்த சூழல்ல இப்போ பூஞ்ச் பகுதியில மறுபடியும் பாகிஸ்தான் துப்பாக்கிச்சூடு நடத்தியதா தகவல் பரவியது. கிருஷ்ணா காட்டி பகுதியில இந்திய ராணுவ நிலைகளையும், குடியிருப்பு பகுதிகளையும் குறிவச்சு 12-14 நிமிஷம் துப்பாக்கிச்சூடு நடந்ததா சில ஊடகங்கள் செய்தி வெளியிட்டாங்க.

இந்திய ராணுவமும் கடுமையா பதிலடி கொடுத்ததா சொல்லப்பட்டது. இதோட, ராஜஸ்தானின் பார்மர் பகுதியில பவர் கட் ஆனதும், LoC-யை ஒட்டிய பகுதியில ட்ரோன் பறந்ததும் பதற்றத்தை அதிகப்படுத்துச்சு. ஆனா, இந்திய ராணுவம் உடனே விளக்கம் கொடுத்து, "பூஞ்ச் பகுதியில எந்த போர் நிறுத்த மீறலும் நடக்கல. எல்லாம் வதந்தி. LoC-யில நிலைமை கட்டுப்பாட்டுல இருக்கு,"னு அறிவிச்சிருக்கு.

இந்த மறுப்பு, காஷ்மீர் எல்லையில நிலவுற பதற்றத்தை கொஞ்சம் தணிக்கலாம். ஆனா, மே மாசத்துல பாகிஸ்தான் தொடர்ந்து 12 நாட்கள் LoC-யில துப்பாக்கிச்சூடு நடத்தி, பூஞ்ச், ராஜோரி, குப்வாரா உள்ளிட்ட பகுதிகளை குறிவச்சதை மறக்க முடியாது. அப்போ, 11 பேர் உயிரிழந்தாங்க, பல வீடுகள் சேதமடைஞ்சுது. இந்தியாவும் பாகிஸ்தானும் 2021-ல போர் நிறுத்த ஒப்பந்தத்தை புதுப்பிச்சாலும், பாகிஸ்தான் அடிக்கடி இதை மீறி வருது.

இப்போதைய சூழல், இந்திய-பாகிஸ்தான் உறவுல இன்னும் நிச்சயமற்ற தன்மையை காட்டுது. பாகிஸ்தானோட இந்த அத்துமீறல்கள், காஷ்மீர்ல உள்ள மக்களோட வாழ்க்கையை பாதிக்குது. இந்திய ராணுவம், "எந்த சவாலையும் எதிர்கொள்ள தயாரா இருக்கோம்,"னு திட்டவட்டமா சொல்லியிருக்கு.

இதையும் படிங்க: உக்ரைன் - ரஷ்யா விவகாரம்.. இந்தியாவின் கிடுக்கிப்பிடி கேள்வி.. பதிலளிக்க முடியாமல் மழுப்பும் டிரம்ப்..!