வைக்கக்கூடாத இடத்தில் கைவைத்த ஈரான்.... பதற்றத்தில் UAE... குடிக்க தண்ணி கூட கிடைக்காது?

இது வெறும் இரண்டு நாடுகளுக்கிடையே நடக்கும் போர் மட்டுமா? இல்லை. ஒரு வீட்டில் இருக்கும் சிறிய குழந்தைக்குக் கூட தண்ணீர் கிடைக்காமல் போகும் நிலை உருவாகும்போது தான் ஒரு போரின் உச்சக்கட்ட கொடுமை வெளிப்படுகிறது. குண்டுகள் ராணுவ முகாம்களைத் தாக்கும் வரை அது வெறும் செய்தியாக மட்டுமே தோன்றலாம். ஆனால் இன்று அந்த குண்டுகள் ஒரு நாட்டின் தாகத்தை தீர்க்கும் குடிநீர் ஆலைகளை நோக்கி விழத் தொடங்கியுள்ளன, இந்தப் போர் மிகவும் ஆபத்தானது புதிய கட்டத்தை எட்டியுள்ளது என்று சொல்ல வேண்டியிருக்கிறது.

நேற்று வரை “ஏதாவது நேரத்தில் இப்படிச் சம்பவிக்கலாம்” என்ற அச்சம் மட்டும் இருந்தது. ஆனால் இன்று அந்த அச்சம் பஹ்ரைன் நாட்டின் சாதாரண மக்களின் அன்றாட வாழ்க்கை வரை வந்து நிற்கிறது. வெறும் ஒன்பது நாட்களாக நடைபெறும் இந்தப் போர், ஒரு நாட்டின் உயிர்நாடியாக இருக்கும் குடிநீர் ஆதாரங்களையே சேதப்படுத்தும் அளவுக்கு தீவிரமடைந்துள்ளது.

பஹ்ரைனில் உள்ள கடல் நீரை குடிநீராக மாற்றும் முக்கியமான ஆலை ஈரானின் ட்ரோன் தாக்குதலுக்குள்ளாகியுள்ளது. பாலைவன நாடுகளைப் பொறுத்தவரை தண்ணீர் என்பது தங்கத்தை விட மதிப்புமிக்கது. அவர்களின் குடிநீர் தேவையின் 90 சதவீதத்திற்கும் அதிகமான பகுதி இப்படியான ஆலைகளை மட்டுமே சார்ந்துள்ளது.

இதையும் படிங்க: தப்பு பண்ணிட்டியே சிங்காரம்... ஈரானிடம் வசமாக சிக்கிய அமெரிக்கா... அம்பலமான இஸ்ரேல் சதி...!

இந்த தாக்குதல் நடந்த இடம் பஹ்ரைனின் குடிநீர் தேவையின் ஒரு பெரிய பகுதியை பூர்த்தி செய்யும் முக்கியமான மையமாகும். அந்த ஆலைக்கான தொழில்நுட்ப உபகரணங்கள் சேதமடைந்தால் அதை சரிசெய்ய பல மாதங்கள் ஆகலாம். அந்த காலத்தில் அங்குள்ள மக்கள் குடிநீர் தேவைக்காக எங்கு செல்வார்கள் என்பது பெரிய கேள்வியாக உள்ளது.

ஒரு குடிநீர் ஆலையைத் தாக்குவது என்பது வெறும் ஒரு கட்டடத்தை சேதப்படுத்துவது அல்ல. அது ஒரு சமூகத்தின் அடிப்படை உரிமையையே பறிக்கும் செயலாகும். இதுவரை ராணுவ இலக்குகளை நோக்கி பாய்ந்த ஏவுகணைகள், இப்போது அப்பாவி மக்களின் தாகத்தைத் தீர்க்கும் குடிநீர் நிலையங்களை நோக்கி திரும்பியுள்ளது. மிகவும் வேதனையளிக்கும் விஷயமாகும்.

இந்த தாக்குதலில் சில கட்டிடங்கள் சேதமடைந்துள்ளதாக பஹ்ரைன் அரசு தெரிவித்துள்ளது. அதே நேரத்தில் குடிநீர் விநியோகத்தில் உடனடி பெரிய பாதிப்பு இல்லை என்றும் அவர்கள் கூறியுள்ளனர். இருப்பினும் அந்தப் பகுதியில் வாழும் மக்களின் மனதில் உருவான அச்சத்தை எளிதில் நீக்க முடியாது.

இந்த சம்பவத்திற்குப் பிறகு பஹ்ரைனில் உள்ள மற்ற முக்கியமான குடிநீர் ஆலைகளின் பாதுகாப்பு அதிகரிக்கப்பட்டுள்ளது. எந்த நிமிடத்தில் என்ன நடக்கும் என்பது தெரியாமல், ஒரு நாடே தாகத்திற்கும் அச்சத்திற்கும் இடையே காத்திருக்கிறது என்றால் அந்த மக்களின் மனநிலை கற்பனை செய்து பாருங்கள்.

முஹர்ரக் பகுதியில் அந்த ட்ரோன் சிதறி விழுந்ததால் மூன்று பேர் காயமடைந்ததாக தகவல்கள் தெரிவிக்கின்றன. அவர்கள் என்ன தவறு செய்தார்கள்? எங்கோ நடைபெறும் இரண்டு நாடுகளின் அதிகாரப் போட்டியில், தங்களது வீட்டு வாசலில் விழும் குண்டுகளுக்கும் சிதறல்களுக்கும் அவர்கள் தான் பதில் சொல்ல வேண்டும் வேண்டிய நிலை உருவாகியுள்ளது.

குடிநீர் ஆதாரங்களைத் தாக்குவது என்பது மிகப்பெரிய மனிதாபிமான அச்சுறுத்தலாகும். போர் ஒருமுறை தொடங்கினால் அது யாரையும் விட்டு விடாது. ராணுவ வீரர்களைத் தாண்டி, இப்போது சாதாரண மக்களின் தாகமும் கூட ஒரு ஆயுதமாக மாறியிருக்கிறது.

தண்ணீர் என்பது உயிர். அந்த உயிரையே அழிக்க போருக்கு காரணம் தேவைப்படுகிறதா?. இந்த தாக்குதல் சர்வதேச சட்டங்களுக்கு எதிரானது என்று பல நாடுகள் கண்டனம் தெரிவிக்கின்றன. ஆனால் அந்த கண்டனங்கள் யாருடைய தாகத்தையும் தீர்க்கப் போவதில்லை. அவை வெறும் வார்த்தைகளாகவே தங்கி விடுகின்றன.

இந்த நிலைமை மேலும் மோசமாகுமா, அல்லது அமைதி திரும்புமா என்பது தெரியவில்லை. ஆனால் ஒரு உண்மை மட்டும் உறுதி—எந்த போரிலும் வெற்றி பெறுவது ஆயுதங்கள் அல்ல. தோல்வியடைவதும் உயிரிழப்பதும் இறுதியில் சாதாரண மக்கள் தான்.

இதையும் படிங்க: ஈரான் போரில் களமிறங்கும் AI... அமெரிக்கா கையில் எடுக்கப்போகும் பயங்கர ஆயுதம்...!