மகளுக்கு ராணுவ பயிற்சி! மாஸ் கட்டிய வடகொரிய அதிபர்! போரில் பயன்படுத்தப்படும் டேங்கரில் மகளுடன் கிம் ஜாங் உன்!

வடகொரிய அதிபர் கிம் ஜாங் உன் தனது இளம் மகள் கிம் ஜு ஏவுடன் போர் டேங்கருக்குள் அமர்ந்து பயணம் செய்யும் புகைப்படத்தை அந்நாட்டு அரசு ஊடகம் வெளியிட்டுள்ளது. இந்தப் புகைப்படம் உலக அரங்கில் பெரும் பரபரப்பை ஏற்படுத்தியுள்ளது.

ஈரான் மீது அமெரிக்கா நடத்தி வரும் போருக்குப் பிறகு, அடுத்த இலக்கு வடகொரியா என்று சர்வதேச அரங்கில் பேசப்படும் நிலையில், வடகொரியா தனது ராணுவ பலத்தை தொடர்ந்து வெளிப்படுத்தி வருகிறது. இதற்கிடையில், தென்கொரிய உளவுத்துறை, கிம் ஜாங் உன் தனது மகள் கிம் ஜு ஏவுக்கு ஆட்சிப் பொறுப்பை ஒப்படைக்க முடிவு செய்துள்ளதாக சமீபத்தில் தெரிவித்திருந்தது.

இந்த தகவலை உறுதிப்படுத்தும் வகையில், கடந்த சில ஆண்டுகளாக நடைபெறும் அனைத்து முக்கிய ராணுவ நிகழ்வுகளிலும் தனது மகளை அருகில் அழைத்துச் சென்று வருகிறார் கிம் ஜாங் உன். அண்மையில் நடைபெற்ற ஏவுகணை சோதனைகள், துப்பாக்கிச் சூடு பயிற்சிகள் உள்ளிட்டவற்றை மகளுடன் சேர்ந்தே பார்வையிட்டார்.

இதையும் படிங்க: மீண்டும் வடகொரிய அதிபரானார் கிம் ஜாங் அன்!! பார்லிமென்ட் தேர்தலில் 99.93% ஓட்டுகளுடன் வெற்றி!

இந்நிலையில், நேற்று நடைபெற்ற தீவிரமான டேங்கர் மற்றும் படைப் பிரிவினரின் போர் பயிற்சியை கிம் ஜாங் உன் நேரில் கண்காணித்தார். அப்போது அவரும், அவரது மகள் கிம் ஜு ஏவும் ஒரே டேங்கருக்குள் அமர்ந்து பயணம் செய்த காட்சிகளை வடகொரிய அரசு ஊடகம் புகைப்படங்களாக வெளியிட்டுள்ளது. 

பயிற்சியின்போது, “போர் தயாரிப்புகளை முழுமையாக முடிக்க வேண்டும்” என்று தனது படைகளுக்கு கிம் ஜாங் உன் கடுமையான அறிவுறுத்தல் வழங்கியதாகவும் செய்திகள் தெரிவிக்கின்றன.

இந்தப் புகைப்படங்கள் வெளியானதை அடுத்து, வடகொரியாவில் அடுத்த தலைமுறை தலைவராக கிம் ஜு ஏ தயாரிக்கப்படுவது உறுதியாகிவிட்டதாக சர்வதேச அரசியல் நிபுணர்கள் கருதுகின்றனர். இளம் வயதிலேயே மகளை ராணுவ நிகழ்வுகளில் ஈடுபடுத்துவதன் மூலம், எதிர்கால ஆட்சிக்கான அடித்தளத்தை கிம் ஜாங் உன் உருவாக்கி வருவதாகக் கூறப்படுகிறது.

உலக அளவில் பதற்றம் அதிகரித்து வரும் இந்த நேரத்தில், வடகொரியாவின் இந்த நகர்வு பெரும் கவனத்தை ஈர்த்துள்ளது. 

இதையும் படிங்க: களத்தில் குதித்தார் கிம் ஜாங் உன்!! அமெரிக்காவுக்கு மிரட்டல்!! வடகொரியா மீண்டும் ஏவுகணை சோதனை!