இயேசுநாதர் பிறந்தநாள்..!! அனைவருக்கும் கிறிஸ்துமஸ் வாழ்த்து கூறிய முதல்வர் ஸ்டாலின்..!!

நாளை டிசம்பர் 25 அன்று உலகம் முழுவதும் கிறிஸ்துமஸ் திருநாள் கொண்டாடப்பட உள்ளது. இயேசு கிறிஸ்துவின் பிறப்பை நினைவுகூரும் இந்த பண்டிகை, கிறிஸ்தவர்கள் மட்டுமின்றி பல்வேறு கலாச்சாரங்களில் உள்ள மக்களால் உற்சாகத்துடன் கொண்டாடப்படுகிறது. உலக மக்கள் தொகை ஆய்வுகளின்படி, 100க்கும் மேற்பட்ட நாடுகளில் இது பொது விடுமுறையாக அறிவிக்கப்பட்டுள்ளது.

பிரேசில் போன்ற நாடுகளில் கோடைக்காலத்தில் கொண்டாடப்படும் இந்த பண்டிகை, குடும்ப உறுப்பினர்களுடன் பரிசுகள் பரிமாற்றம், சுவையான உணவுகள், தேவாலய வழிபாடுகள் என மகிழ்ச்சியை பகிர்ந்துகொள்ளும் நிகழ்வாக உள்ளது. பிலிப்பைன்ஸில் செப்டம்பரில் இருந்தே தொடங்கும் உலகின் நீண்ட கிறிஸ்துமஸ் கொண்டாட்டம், ஜனவரி வரை நீடிக்கிறது. அங்கு கிறிஸ்துமஸ் அலங்காரங்கள், பாடல்கள், விழாக்கள் என உற்சாகம் ததும்புகிறது.

இதையும் படிங்க: கிறிஸ்துமஸ், புத்தாண்டுப் பண்டிகை: தூத்துக்குடி - மைசூருக்கு சிறப்பு ரயில் சேவை அறிவிப்பு! - முன்பதிவு நாளை தொடக்கம்!

இந்தியாவில் பூனே போன்ற நகரங்களில் எம்ஜி ரோடு பகுதியில் போக்குவரத்து கட்டுப்பாடுகள் விதிக்கப்பட்டுள்ளன, ஏனெனில் ஆயிரக்கணக்கானோர் கொண்டாட்டங்களில் பங்கேற்கின்றனர். பெத்லெஹெம் நகரத்தில் பாரம்பரிய கொண்டாட்டங்கள், இந்திய பள்ளிகளில் கிறிஸ்துமஸ் நிகழ்ச்சிகள் என உலகெங்கும் மகிழ்ச்சி பரவியுள்ளது. ஐரோப்பாவில் ஆஸ்திரியா, அர்ஜென்டினா போன்ற நாடுகளில் பனிப்பொழிவுடன் கொண்டாடப்படும் கிறிஸ்துமஸ், ஆப்பிரிக்கா மற்றும் ஆசியாவில் உள்ளூர் பாரம்பரியங்களுடன் இணைக்கப்படுகிறது. மேலும் பல நாடுகளில் சாண்டா கிளாஸ், கிறிஸ்துமஸ் மரம், பாடல்கள் என கொண்டாட்டங்கள் நடைபெறுகின்றன.

இந்நிலையில் தமிழ்நாடு முதலமைச்சர் மு.க ஸ்டாலின் வாழ்த்து செய்தியை வெளியிட்டுள்ளார். அவர் வெளியிட்டுள்ள வாழ்த்து செய்தியில் கூறியிருப்பதாவது :

அன்புக்கும் பொறுமைக்கும் கருணைக்கும் உலகம் முழுக்க அடையாளமாகத் திகழும் இயேசுநாதர் பிறந்தநாளைக் கொண்டாடி மகிழ்ந்திடும் அனைவருக்கும் இனிய கிறிஸ்துமஸ் நல்வாழ்த்துகளைத் தெரிவித்துக் கொள்கிறேன்.

“இன்னாசெய் தார்க்கும் இனியவே செய்யாக்கால் என்ன பயத்ததோ சால்பு” என்ற வள்ளுவப் பெருந்தகை காட்டிய குறள் நெறியினைப் போலவே, அன்பின் வடிவாக நின்று. ஒரு கண்ணத்தில் அடித்தால் மறுகண்ணத்தை காட்டுங்கள் என்று கூறியதோடு மட்டுமின்றி அவ்வாறே வாழ்ந்தும் காட்டியவர் இயேசு பெருமான் அவர்கள்!

தமிழ்நாட்டில் உரிமைகளுக்காகவும், உள்ள கிறிஸ்தவ சகோதரர்களின் அவர்தம் வளர்ச்சிக்காவும் நாள்தோறும் திட்டங்களைத் தீட்டி, அவர்களின் கோரிக்கைகளையும் நிறைவேற்றித் தரும் அரசாக நமது திராவிட மாடல் அரசு திகழ்ந்து வருகிறது.

கழக அரசு என்றுமே சிறுபான்மையின மக்களின் உண்மைத் தோழனாகவும் உரிமைக் காவலனாகவும் இருக்கும். அவர்களின் தேவைகளைத் தீர்த்து வைக்கும் அரசாக இந்த திராவிட மாடல் அரசு விளங்கி வருகிறது.

எல்லாருக்கும் எல்லாம் என்ற கோட்பாட்டின்படிதான் என்றுமே இந்த ஆட்சி தொடரும். இயேசுபிரான் காட்டிய அன்பு வழி மற்றும் சகோதரத்துவம் ஆகிய நெறிகளைப் பின்பற்றி வாழ்ந்து வரும் அனைத்துச் சகோதரர்களுக்கும் இனிய கிறிஸ்துமஸ் திருநாள் வாழ்த்துகள் இவ்வாறு அதில் கூறப்பட்டுள்ளது. 

இதையும் படிங்க: தவெக கிறிஸ்துமஸ் விழா கோலாகல தொடக்கம்... முக்கியஸ்தர்களுக்கு பொன்னாடை போர்த்தி வரவேற்ற விஜய்...!