பத்திரமாக அழைத்து வருவோம்! சவுதியில் சிக்கியுள்ள தலைமை காஜிக்கு முதலமைச்சர் ஸ்டாலின் ஆறுதல்!

ஈரான் மற்றும் இஸ்ரேல் இடையே மூண்டுள்ளப் போர் காரணமாக மத்திய கிழக்கு நாடுகளில் விமானப் போக்குவரத்து முடங்கியுள்ளது. இந்தச் சூழலில், சவுதி அரேபியாவின் மெக்கா நகருக்கு ஹஜ் புனிதப் பயணம் மேற்கொண்டு அங்கேயேச் சிக்கியுள்ள தமிழ்நாடு அரசின் தலைமை காஜி மௌலானா மௌலவி முஃப்தி உஸ்மான் முஹ்யித்தீன் பாகவி அவர்களை, முதலமைச்சர் மு.க. ஸ்டாலின் இன்று தொலைபேசியில் தொடர்பு கொண்டு நலம் விசாரித்தார்.

மெக்காவில் நிலவும் தற்போதையச் சூழல் குறித்து தலைமை காஜியிடம் கேட்டறிந்த முதலமைச்சர், அவருக்குத் தேவையான பாதுகாப்பு மற்றும் அடிப்படை வசதிகள் குறித்துக் கேட்டறிந்தார். மேலும், "நீங்கள் தைரியமாக இருங்கள், உங்களைப் பத்திரமாகத் தாயகம் அழைத்து வரத் தமிழ்நாடு அரசு அனைத்து நடவடிக்கைகளையும் எடுத்து வருகிறது" என அவருக்குத் தார்மீக ஆதரவை வழங்கினார்.

அயலகத் தமிழர் நலன் மற்றும் வெளிநாடு வாழ் நலத்துறை அமைச்சகம், இந்தியத் தூதரகத்துடன் இணைந்து மெக்காவில் சிக்கியுள்ளத் தலைமை காஜி மற்றும் இதரத் தமிழ்நாட்டுப் பயணிகளைப் பாதுகாப்பாக மீட்கும் பணிகளைத் தீவிரப்படுத்தியுள்ளது. போர் பதற்றம் காரணமாக வான்வெளி மூடப்பட்டுள்ளதால், மாற்றுப் பாதைகள் அல்லது சிறப்பு விமானங்கள் மூலம் அவர்களை மீட்கத் திட்டமிடப்பட்டுள்ளது.

இதையும் படிங்க: இஸ்ரேலின் உளவுப்படை தாக்குதலில் ஈரானின் உளவுப்பிரிவு தலைவர் கொலை!

ஈரான் உச்சத் தலைவர் கமேனி படுகொலையைத் தொடர்ந்து, மத்திய கிழக்கு நாடுகளில் ஏவுகணை மற்றும் ட்ரோன் தாக்குதல்கள் அதிகரித்துள்ளன. இதன் விளைவாகச் சவுதி அரேபியா, துபாய் உள்ளிட்ட நாடுகளின் விமான நிலையங்கள் தற்காலிகமாக மூடப்பட்டுள்ளதால் ஆயிரக்கணக்கானத் தமிழர்கள் அங்கேயேத் தவிக்கும் நிலை ஏற்பட்டுள்ளது.

அங்குக் குடிநீர் மற்றும் உணவுத் தட்டுப்பாடு ஏற்படாமல் இருக்க இந்தியத் தூதரகம் மூலம் தன்னார்வலர்கள் பணியமர்த்தப்பட்டுள்ளதாக தமிழக அரசு தெரிவித்துள்ளது.

தலைமை காஜி அவர்கள் நலமுடன் இருப்பதாகவும், வான்வெளி போக்குவரத்துச் சீரானவுடன் அவர் முதல் ஆளாகச் சென்னைக்கு அழைத்து வரப்படுவார் என்றும் வெளிநாடு வாழ் நலத்துறை அதிகாரிகள் உறுதி அளித்துள்ளனர்.

இதையும் படிங்க: அத்துமீறும் ஈரான்..!! எதிர்க்க நாங்க தயார்..!! பிரிட்டன், பிரான்ஸ், ஜெர்மனி நாடுகள் கூட்டறிக்கை..!!