செம்ம ஹாப்பி..! தவெக முன்னிலை.. விஜய் ஆட்சியை மக்கள் ஏற்றதாக அமைச்சர் ஷாஜகான் கருத்து.!!

தமிழக அரசின் சிறுபான்மையினர் நலத்துறை அமைச்சர் ஷாஜகான், மதுராந்தகம் சட்டமன்றத் தொகுதி இடைத்தேர்தல் முடிவுகள் குறித்து கருத்து தெரிவித்துள்ளார். அதிமுகவின் வாக்குகள் தமிழக வெற்றிக் கழகத்திற்குச் சென்றுள்ளதை நினைக்கும்போது மகிழ்ச்சியாக இருப்பதாக அவர் கூறினார். மதுராந்தகம் தொகுதியில் கடந்த இரண்டு முறை இரண்டாவது இடத்தைப் பிடித்த தமிழக வெற்றிக் கழகம், இப்போது முதல் இடத்தைப் பிடித்துள்ளதாக அவர் சுட்டிக்காட்டினார்.

தமிழக முதல்வர் விஜய் நல்லாட்சி வழங்கியதற்கு மக்கள் வழங்கிய தீர்ப்புதான் இந்த இடைத்தேர்தல் முடிவு என்று அமைச்சர் ஷாஜகான் தெரிவித்தார். அடிப்படை ஆதாரம் இன்றி குதிரை வேரம் என அவதூறு பரப்பினார்கள் என்றும், அந்த அவதூறு முறியடிக்கப்பட்டுள்ளது என்றும் அவர் குறிப்பிட்டார். தேர்தல் தோல்வியிலிருந்து திமுக வெளியே வர முயற்சிக்க வேண்டும் என்றும், அதைத் தவிர்த்து அவதூறுகளைப் பரப்பக் கூடாது என்றும் அவர் அறிவுறுத்தினார்.தமிழக வெற்றிக் கழக ஆட்சியை மக்கள் ஏற்றுக்கொண்டார்கள் எனவும், அதன் எதிரொலிப்பே இந்த இடைத்தேர்தல் முடிவு என்றும் அமைச்சர் ஷாஜகான் வலியுறுத்தினார்.

2026 சட்டப்பேரவைத் தேர்தலில் அதிமுக சார்பில் வெற்றி பெற்ற மரகதம் குமரவேல், பின்னர் தனது பதவியை ராஜினாமா செய்து தமிழக வெற்றிக் கழகத்தில் இணைந்ததால் இந்த இடைத்தேர்தல் நடைபெற்றது. அந்தத் தொகுதியில் தமிழக வெற்றிக் கழகம் சார்பில் அவரே போட்டியிட்டு முன்னிலை பெற்றுள்ளார்.இந்த முடிவு, ஆட்சிக்கு வந்த சில மாதங்களிலேயே மக்கள் ஆதரவை உறுதிப்படுத்தும் வகையில் அமைந்துள்ளது என்பது அமைச்சரின் கருத்தாக உள்ளது. குதிரை வேரம் குற்றச்சாட்டுகளை மறுத்து, மக்களின் வாக்குகள் தான் உண்மையான தீர்ப்பு என்பதை அவர் வலியுறுத்தியுள்ளார்.

இதையும் படிங்க: சட்டவிரோத குவாரிகளுக்கு சலுகையா.? கனிம வளத்தை தாரைவார்ப்பதா.? வேல்முருகன் காட்டம்.!!

திமுக தனது தோல்வியை ஏற்றுக்கொண்டு, ஆக்கபூர்வமான அரசியலை மேற்கொள்ள வேண்டும் என்றும் அவர் கருத்து தெரிவித்துள்ளார்.மதுராந்தகம் தொகுதி இடைத்தேர்தல், தமிழக வெற்றிக் கழக அரசின் செயல்பாடுகளுக்கு மக்கள் அளித்த ஆதரவின் அடையாளமாக பார்க்கப்படுகிறது. அமைச்சர் ஷாஜகானின் இந்தக் கருத்துக்கள், ஆளுங்கட்சி கூட்டணியின் நம்பிக்கையை வெளிப்படுத்துவதாக அமைந்துள்ளன. மக்கள் நல்லாட்சியை விரும்புகிறார்கள் என்பதையும், அதற்கு ஏற்ப வாக்களித்துள்ளார்கள் என்பதையும் அவர் உணர்த்தியுள்ளார். இந்த வெற்றி, தமிழக வெற்றிக் கழகத்தின் தொடர்ச்சியான பணியை ஊக்குவிக்கும் என்று எதிர்பார்க்கப்படுகிறது.

இதையும் படிங்க: விண்ணை முட்டும் விலைவாசி உயர்வு.. தவெக ஆட்சியில் தள்ளாடும் மக்கள்... ஆர்.பி.உதயகுமார் கடும் விமர்சனம்...!