இந்தியாவுல அதுக்கெல்லான் சான்ஸே இல்லை!! வங்கதேசத்தின் குற்றச்சாட்டுக்கு மத்திய அரசு பதில்!!

வங்கதேசம் எழுப்பிய பரபரப்பு குற்றச்சாட்டுக்கு இந்தியா கச்சிதமா பதிலடி கொடுத்திருக்கு! வங்கதேசத்தின் முன்னாள் பிரதமர் ஷேக் ஹசினாவோட அவாமி லீக் கட்சி இந்தியாவுல அலுவலகங்கள் வச்சு, வங்கதேசத்துக்கு எதிரான செயல்பாடுகளை செய்யுதுன்னு வங்கதேச அரசு குற்றம்சாட்டியிருந்தது. 

இதனால இரு நாடுகளுக்கு இடையிலான நட்பு உறவு பாதிக்கப்படும் அபாயம் இருக்குன்னும் சொல்லியிருந்தாங்க. ஆனா, இந்த குற்றச்சாட்டை இந்திய வெளியுறவுத்துறை அமைச்சகம் திட்டவட்டமா மறுத்து, “இந்திய மண்ணுல பிற நாட்டு அரசியல் நடவடிக்கைகளுக்கு இடமே இல்லை”ன்னு தெளிவாக சொல்லியிருக்கு.

வெளியுறவுத்துறை அமைச்சகத்தோட செய்தித்தொடர்பாளர் ரன்தீர் ஜெய்ஸ்வால் இதைப் பத்தி பேசும்போது, “இந்தியாவுல எந்த நகரத்துலயும் அவாமி லீக் கட்சிக்காரங்க செயல்பாடுகள் நடத்துறதா எங்களுக்கு எந்த தகவலும் இல்லை. இந்திய மண்ணுல வேற நாட்டு அரசியல் நடவடிக்கைகளை நாங்க ஒரு போதும் அனுமதிக்க மாட்டோம். 

இதையும் படிங்க: புத்துயிர் பெறும் இந்தியா - சீனா உறவு! எல்லை வர்த்தகத்தை மீண்டும் திறக்க ஒப்பந்தம்!!

வங்கதேச அரசு சொல்லியிருக்குற குற்றச்சாட்டு தவறானது. வங்கதேசத்துல மக்களோட விருப்பத்தையும், ஆணையையும் உறுதி செய்யுறதுக்கு சுதந்திரமான, நியாயமான, எல்லாரையும் உள்ளடக்கிய தேர்தல்கள் விரைவில நடக்கணும்னு இந்தியா மறுபடியும் வலியுறுத்துது”ன்னு சொல்லியிருக்காரு.

இந்த விவகாரத்துக்கு பின்னணி என்னன்னு பார்த்தா, வங்கதேசத்தில் கடந்த ஆகஸ்ட் 5, 2024-ல மாணவர் போராட்டங்கள் வெடிச்சதால, ஷேக் ஹசினாவோட 16 வருஷ ஆட்சி முடிவுக்கு வந்தது. இதையடுத்து, அவர் வங்கதேசத்தை விட்டு தப்பி இந்தியாவுல தஞ்சம் அடைஞ்சாரு. இப்போ அவரோட அவாமி லீக் கட்சி வங்கதேசத்துல தடை செய்யப்பட்டிருக்கு. 

இந்த சூழல்ல, ஹசினாவும், அவரோட கட்சியின் முக்கிய தலைவர்களும் இந்தியாவுல இருக்காங்கன்னு வங்கதேச அரசு சந்தேகப்படுது. குறிப்பா, டெல்லி மற்றும் கொல்கத்தாவுல அவாமி லீக் அலுவலகங்கள் இருக்குன்னும், அங்கிருந்து வங்கதேசத்துக்கு எதிரான செயல்பாடுகள் நடக்குதுன்னும் குற்றம்சாட்டியிருக்காங்க. இதை உடனே மூட சொல்லி இந்தியாவுக்கு வங்கதேச அரசு கோரிக்கை வைச்சிருக்கு.

ஆனா, இந்தியா இதை முற்றிலுமா மறுத்து, “எங்களுக்கு இப்படி எந்த செயல்பாடுகளைப் பத்தியும் தெரியாது. இந்திய சட்டத்துக்கு எதிரான எந்த செயலும் இங்க நடக்கல. வேற நாட்டுக்கு எதிரான அரசியல் நடவடிக்கைகளை இந்திய மண்ணுல இருந்து செய்ய நாங்க ஒரு போதும் அனுமதிக்க மாட்டோம்”னு தெளிவா சொல்லியிருக்கு. இந்தியாவோட இந்த நிலைப்பாடு, வங்கதேசத்தோட குற்றச்சாட்டு ஆதாரமற்றதுன்னு உறுதிப்படுத்துது.

இந்த விவகாரம் இரு நாடுகளுக்கு இடையிலான உறவுல புது பதற்றத்தை ஏற்படுத்தியிருக்கு. வங்கதேசத்துல இப்போ முஹம்மது யூனுஸ் தலைமையிலான இடைக்கால அரசு ஆட்சி செய்யுது. 2026 பிப்ரவரில தேர்தல் நடத்தப்படும்னு அறிவிச்சிருக்காங்க. ஆனா, இந்தியாவுல இருக்குற அவாமி லீக் தலைவர்கள் மீது வங்கதேசத்துல பல குற்ற வழக்குகள், மனித உரிமை மீறல் குற்றச்சாட்டுகள் இருக்கு. இதனால, இந்தியாவோட பதில், இரு நாட்டு உறவுகளை மேலும் சிக்கலாக்கலாம்னு பார்க்கப்படுது.

இதையும் படிங்க: 2030 காமன்வெல்த் தொடர்.. இந்தியாவில் நடத்துவதற்கான முயற்சிக்கு IOA ஒப்புதல்..!!