மீளா துயிலில் தூங்கும் இளவரசர்! சோகத்தில் மூழ்கிய சவுதி அரேபியா! மனதை பிழியும் சோகம்!!

சவுதி அரேபியாவின் “தூங்கும் இளவரசர்”னு அழைக்கப்பட்ட இளவரசர் அல்-வலீத் பின் காலித் பின் தலால் அல்-சவுத், நேற்று, (ஜூலை 19, 2025-ல்) காலமானார். 36 வயசுல, 20 வருஷ கோமாவுக்கு பிறகு, இவரோட பயணம் முடிஞ்சிருக்கு. இந்த செய்தி சவுதி மக்களையும், உலகத்தையும் சோகத்துல ஆழ்த்தியிருக்கு. 

2005-ல, அல்-வலீதுக்கு வயசு 15. லண்டன்ல ஒரு மிலிட்டரி காலேஜ்ல படிச்சுட்டு இருந்தப்போ, ஒரு கார் விபத்து இவரோட வாழ்க்கையை மொத்தமா மாத்திடுச்சு. பலமான மூளைக் காயம், உடம்புல உள்ளுக்குள்ள ரத்தப் போக்கு, இதெல்லாம் இவரை கோமாவுக்கு கொண்டு போய்டுச்சு.

அந்த இளவரசர், கனவுகளோட, எதிர்காலத்தோட இருந்தவர், ஒரு நொடியில எல்லாத்தையும் இழந்து, மருத்துவமனை படுக்கையில 20 வருஷமா இருந்தார். கண்ணு திறக்கல, பேசல, ஆனா இதயம் துடிச்சுட்டு இருந்துச்சு. இதனாலதான் உலகமெங்கும் இவரை “தூங்கும் இளவரசர்”னு அழைச்சாங்க.

இதையும் படிங்க: பொற்கால ஆட்சியா?அசிங்கப்படனும் இப்படி பேச... விளாசிய நயினார்!

இவரோட அப்பா, பிரின்ஸ் காலித் பின் தலால், இவரைக் காப்பாத்த உலகத்தர மருத்துவர்களை வரவழைச்சு, சிறப்பு சிகிச்சைகள் செஞ்சாங்க. 2015-ல கூட மருத்துவர்கள் உயிர் காக்குற கருவிகளை நிறுத்த சொன்னாங்க, ஆனா காலித், “கடவுள் இவரை அப்பவே எடுத்திருந்தா, அவர் கல்லறையில இருப்பார்”னு சொல்லி, நம்பிக்கையோட தொடர்ந்து போராடினார்.

இவரோட குடும்பம், குறிப்பா அப்பா, ரம்ஜான், ஈத் மாதிரி புனித நாட்கள்ல இவருக்காக தொடர்ந்து பிரார்த்தனை செஞ்சாங்க. சோஷியல் மீடியாவுல, X-ல, காலித் அடிக்கடி இவரோட நிலைமையை பகிர்ந்து, பிரார்த்தனை செய்யச் சொல்லி கேட்டார்.

2019-ல, இவரோட உறவினர் பிரின்ஸஸ் ரீமா பின் தலால், ஒரு வீடியோவுல அல்-வலீத் தலை ஆட்டுற மாதிரி பகிர்ந்தாங்க, “இறைவா, நீயே இவருக்கு குணம் தரணும்”னு எழுதினாங்க. இதே மாதிரி, 2020-ல இவர் விரலை அசைச்சப்போ, எல்லாருக்கும் ஒரு நம்பிக்கை வந்துச்சு.

ஆனா, இவை எல்லாம் சின்ன அசைவுகளா இருந்து, முழு உணர்வுக்கு திரும்பல. 2025-ல ஒரு வீடியோ வைரலாச்சு, அதுல அல்-வலீத் கண்ணு திறந்து, கையை ஆட்டுற மாதிரி இருந்துச்சு. ஆனா, அது இவரு இல்லை, யாசீத் முகமது அல்-ராஜ்ஹி-னு ஒரு கார் ரேஸ் வீரரோட வீடியோனு தெரிஞ்சுது.

நேற்று, இவரோட அப்பா X-ல ஒரு பதிவு போட்டு, “கடவுளோட விருப்பத்தை ஏத்துக்குறோம், ஆனா மனசு கனத்து போயிருக்கு. எங்க அன்பு மகன் அல்-வலீத் இறந்துட்டார்”னு சொன்னார். இவரோட இறுதி ஊர்வலம் ரியாத்துல உள்ள இமாம் துர்கி பின் அப்துல்லா மசூதியில நேற்று மாலை நடந்துச்சு. சவுதி மக்கள் #SleepingPrince-னு ஹாஷ்டேக் போட்டு தங்கள் சோகத்தை பகிர்ந்தாங்க.

இவரோட கதை நம்மை வாழ்க்கையோட நிலையாமையை உணர வைக்குது. ஒரு இளவரசர், பணமும் புகழும் இருந்தாலும், விதி முன்னாடி எல்லாம் சமம்னு நிரூபிச்சிருக்கு

இதையும் படிங்க: என்னை தாலாட்டி வளர்த்த தாய்மடி... திமுக இளைஞரணி குறித்து நெகிழ்ந்து பேசிய அன்பில் மகேஷ்!